Jesus Echeverria Burgoa (Ondarroa, 1993 – 2022) arkitektoaren artearekiko pasioa erakusten duen atzera begirako erakusketa ikusgai dago martxoaren 17ra arte Kondestablearen jauregian. Inpresionisten, espresionisten eta kubisten eragina ageri duten dozenaka lanek egilearen unibertso sortzailea eta bere grinetako bi –itsasoa eta natura hilak– agerian uzten dituzte. Orain ikusgai dauden lanak hiru hamarkada baino gehiagotan egin ziren, eta 80ko hamarkada eta 2013. urteen artean Ziudadelako aretoetan programatutako bakarkako hainbat erakusketa osatu zituzten.
Lan horiei orain arte argitaratu gabeko sail bat gehitu behar zaie: Arrokak, bokaziozko egile baten bilakaera eta sormenarekin eta bere marrazkien konposizioaren, kolorearen eta trazuaren azterketarekin duen konpromisoa egiaztatzen duena. Arroka horiek bidaia intimo bat dira, non begirada introspektibo eta soil bilakatzen den, haurtzaroko aterpe atenporala bere jaioterrian, Ondarroan, bilatuz. Kantauriko arrokak jolasleku aproposak ziren itsasoa maite zuen haur batentzat; bere azken jokoan, koadroak aberasten dituzten baliabide material gehienak kentzen ditu, eta konposizioa antolatzeko erabiltzen dituen kontraste eta soiltasun goreneko bi koloreak erabiltzen ditu, zuria eta beltza.
Lehenengo erakusketa Hastapena (1981) da, eta bertan agerikoak dira dagoeneko itsasoarekiko eta natura hilarekiko maitasuna. Hurrengoak, Kontrageometriak (1988), espresionismo abstraktuaren ordena geometrikoa eta desordena aurrez aurre jartzen ditu, konposizioaren egitura oinarri hartuta. Ateak izanen dira hurrengo lanen giltza, Igarotze errituak (1996), lurrean jarrita, hormaren kontra edo pilatuta, indusketa batetik berreskuratu berri balira bezala.
1999 eta 2005 artean, Burgoak 570 kutxa erakutsi zituen, arrain-kutxak neurketa-patroiaren metafora gisa erabiliz; Bidalketen biltegia, zurez eta zumitz metalikoz enbalatutako koadroak zituena, ikuslearen ikusmenetik nolabait ezkutatuta zeudenak; eta Arropak eta edukiontziak, non garbitegira bidaltzen diren arropa-edukiontzietan inspiratutako natura hilak ikertzen jarraitzen duen.
Azken erakusketa Produktuak da (2013); bertan artistak objektuekiko eta publizitatearekiko interesa erakutsi zuen. Objektu batzuek publizitate-enkoadraketan jarraitzen dute, baina beste batzuk laukizuzenetik ihes egiten dute eta jatorrizko laukizuzenetik ebaki balira bezala agertzen dira.
Jesus E. Burgoa arkitekto, margolari eta artista berantiarraren erakusketa Kondestablearen jauregian dago ikusgai, astelehenetik igandera, 09:00etatik 14:00etara eta 17:00etatik 21:00etara.
BURGOA, ATZERABEGIRAKOA KONDESTABLEAREN JAUREGIA
- Barne hartzen dituen erakusketak:
Hastapenak (1981)
Kontrageometria (1988)
Igarotze errituak (1996)
570 kutxa
Bidalketen biltegia
Arropa eta edukiontziak
Produktuak (2013) - Argitaratu gabeko saila:
Arrokak - Ordutegia:
Astelehenetik igandera: 09:00 - 14:00 , eta 17:00 - 21:00.