Udal alorrak

Alkateari laguntza emateaz, protokolo-ekitaldiak gainbegiratzeaz, kanpo-proiekzioko jarduerak koordinatzeaz, erakundeen arteko harremanez, gardentasunaz, aholkularitza juridikoaz eta gerentziaz arduratzen da.

Funtzio publikoaren garapena kudeatzen du, eta populazioari buruzko tresnak zein prozedurak bideratzekoak zuzentzen ditu, udal-baliabideen kudeaketan ahal den eraginkortasunik handiena lortzen saiatuz.

Alor horrek udal-instituzioari lotutako pertsonen kudeaketari buruzko alderdi guztiak kudeatzen ditu, besteak beste, plantilla organikoa, enplegu publikoa, lan-arriskuen prebentzioa eta kontratuak.

Hiri-antolamendua planifikatu eta kudeatzen du, etxebizitza duin bat eduki ahal izatea errazten du, gune naturalak hobetzen ditu, historia-ondarea zaintzen du eta ahalegina egiten du hiri- eta gizarte-ingurua osasungarria izan dadin.

Honako hauek sustatzen ditu: kultura eta jai tradizionalak, Sanferminak kasu, eta kirola, herritarren jarduera fisikoa bultzatzen duten proiektuen bidez.

Alor honek herritarrei babesa ematen die eskubideak zein askatasunak balia ditzaten, herritarren segurtasuna bermatzen du eta elkarbizitza baketsuaren alde egiten du.

Alor hau alor ezberdinetako proiektuei dagozkien obrak kontratatu eta gauzatzeaz arduratzen da, bai eta Iruñeko ondarea eta azpiegiturak zaintzeaz ere. Oztopo arkitektonikoak kentzearen alde egiten du eta hiri mugikortasun jasangarria sustatzen du.

Alor honek kontserbazio eta mantentze lanak egiten ditu, eta honako hauek barne hartzen ditu: ibilgailuen parkea, hiri argiteria eta hiriko energia-kontsumoa, ingurumenaren zein elikaduraren ikuskaritza, animalien eta horien gaixotasunen kontrola.

Pertsona guztien arteko berdintasuna lortzeko ekintzak sustatzen ditu, komunitate ekintza garatzen du auzo guztietan, adinekoez eta haurrez arduratzen da.

Turismoko eta Merkataritzako ekimenak barne hartzen ditu, jarduera ekonomikoa, kanpoko harremanak eta berrikuntza-politikak sustatzeko. Garapenaren aldeko lankidetzako eta gazteria sustatzeko programak bultzatzen ditu.

Udalaren gizarte-zerbitzuen sistema herritarren eskura jartzen du, herritarren beharrei erantzuteko eta komunitate solidarioagoa eta integratuagoa lortzeko.

Gizarte prestatuagoa, parte-hartzaileagoa eta inklusiboagoa sustatzen du. Programa, jarduera eta zerbitzuen bidez, kultura eta euskararekin engaiatutako komunitate kohesionatua eraikitzea du helburu.