Aniztasun kulturala

Iruñeko kultur aniztasunari eta herritartasun inklusiboari buruzko

I. plana 2023-20261.41 MB

Pertsona Migratuen Nazioarteko Eguna

Pertsona Migratuen Nazioarteko Egunaren karietara (abenduak 18), Iruñeko Udalak jarduera-sorta bat antolatu du datorren astean, hala nola erakusketa bat, proposamen artistiko bat eta zuhaitzak landatzeko ekitaldi bat. Horien guztien bidez, Udalak xede du migrazioaren inguruko hausnarketa eta enpatia sustatzea, bai eta hirian kultura eta jatorri desberdinetako pertsonen bizikidetza ere.

ARGAZKI-ERAKUSKETA ‘Ihesa Zilegi Balitz - Huir es un derecho - Ce Sont Des Persones’: o    Tokia: Karlos III.a Noblearen eta Orreaga etorbideen elkargunea
o    Data: Urtarrilaren 10era arte
o    Bisita gidatua: Abenduaren 16an 11:30etan. Sarrera librea
RAÍCES EN ESCENA: o    Eguna: Abenduak 18
o    Ordua: 19:00
o    Tokia: Descalzos k.56, 2 solairu aretoa (igogailuaren eraikina). Sarrera librea.
EZINEZKO SUSTRAIEN LORATEGIA: o    Eguna: Abenduak 22
o    Ordua: 12:00
o    Tokia: Antoniutti haurrentzako jolasgunea

Mazedonia Kulturen Kalejira

Mazedonia Kulturen Kalejirak hirian dagoen kultur-aniztasunaren aberastasuna ikusarazten du, hiri-espazioaren erabilera indartzen du kultur-aniztasuna integratu eta ezagutarazteko eta Iruñean dauden kultur-aniztasuneko entitateen ekimenak eta parte-hartzea sustatzen ditu. Halaber, ekitaldiak balioa ematen dio hiriko jaietan bazterketaren, arrazismoaren eta xenofobiaren aurka lan egiten duten entitate eta taldeetako partaide diren herritarren parte-hartzeari.

Elkarteak eratzeko pausoak

Udalak dei egin die migratzaileekin lan egiten duten eta kultur aniztasunaren arloan diharduten elkarte eta erakundeei, elkarren artean honako helburu hauek lortzeko: egoera hobetzeko bideak aurkitzea, gune oro inklusiboago izateko hausnarketa-prozesuak martxan jartzea, hedapen- eta komunikazio-prozesuak berrebaluatzea eta migratzaileek eta elkarteek Udalaren guneak eta baliabideak ezagutu eta erabil ditzaten sustatzea.

Elkarte bat sortzeko urratsen gida hau ere deskargatzen ahal duzu.

Elkarteak eratzeko pausoak364.46 KB
Pasos para construir una asociación360.97 KB
How to set up an association341.11 KB
Étapes pour créer une association381.54 KB
خطوات إنشاء جمعية643.96 KB
ШАГИ ДЛЯ СОЗДАНИЯ АССОЦИАЦИИ359.65 KB

KULTUR ANIZTASUNAREN II

Urtero maiatzaren 21ean ospatzen den Elkarrizketarako eta Garapenerako Kultur Aniztasunaren Mundu Egunaren karietara, Iruñeko Udalak antolatu duen Aniztasunaren bigarren Astearen barruan herritarrei irekiak diren dozena bat ekitaldi antolatu ditu. Jardueren artean daude hitzaldiak, proiekzioak, arte-erakusketak, kontzertuak eta bisita gidatuak, eta maiatzaren 19an (astelehena) abiatuko dira, 24a (larunbata) arte. Gainera, hiru arte-erakusketa antolatu dira aniztasunaren gaineko alderdiak aztertzeko Arrosadiko Civivoxean, Nafarroako Liburutegi Nagusian eta Emakumeen etxean.

Proposamen hori hirian dagoen kultur aniztasuna jasotzeko da, kolektibo guztien interesei erantzuteko eta, integrazioa eta elkarren arteko loturak sustatzeko. Immigrazioarekin, ijito herriarekin, Iruñean bizi diren kulturekin eta nazioarteko gatazkekin zerikusia duten gaiak jorratuko dira.