Iruñeko Udalak 118.000 euroko dirulaguntza banatuko du irabazi-asmorik gabeko 18 entitateren artean, euskara sustatzeko 29 proiektu eta jarduera egiteko

Iruñeko Udalak dirulaguntza-deialdia ebatzi du, irabazi- asmorik gabeko entitateek euskara sustatzeko proiektuak egin ditzaten. Deialdiaren xedea da euskararen erabileraren sustapena, hedapena eta/edo normalizazioa xede duten jarduerak hein batean finantzatzea, eta guztira 118.000 euro banatu ditu euskara sustatzeko 29 jarduera aurkeztu dituzten irabazi-asmorik gabeko 18 entitateren artean.

Diruz lagundutako jarduerak, herritarrei irekita daude, eta honako baldintza hauek bete behar dituzte: euskara sustatzea eta euskararen normalizazioa, erabilera, hizkuntza-gaitasuna, motibazioa eta prestigioa bultzatzea, eta nagusiki Iruñeko udal-mugartean egitea 2024ko azaroaren 1etik 2025eko urriaren 31ra bitarte. 

Deialdian parte hartzeko, entitate bakoitzak honako baldintzak bete behar ditu: legearekin bat eratutako pertsona juridikoak izatea eta dagokien erregistroan izena emanda izatea, irabazi-asmorik gabekoa izatea eta egoitza soziala, ordezkaritza edo jarduketa-esparrua Iruñean izatea. Dirulaguntzaren banakako zenbatekoa ezin da, inolaz ere, 22.000 euro baino handiagoa izan.

Entitateek hiru irizpide hauek kontuan hartuta jaso dituzte puntuak: entitatearen ezaugarriak, hala nola entitateak modu egonkorrean/jarraituan egitea euskara sustatzeko jarduna, euskararen erabilera entitatean eta berdintasunaren aldeko konpromisoa; proposamenaren kalitatea eta koherentzia, adibidez, genero-ikuspegia txertatzea, ebaluazio-adierazleak, iraupena, jarraitutasuna eta programaren komunikazio- edo hedapen-planaren egokitasuna, eta Iruñean jarduerak duen eragina euskararen hizkuntza-normalizazioan, honako hauek kontuan hartuta: populazioaren zein sektoretara zuzenduta dagoen, hizkuntzaren zein erabilera-alorretan eragiten duen, estrategia inklusiboa, kulturartekotasuna, berrikuntza eta efektu biderkatzailea