Adierazpena Peñen balio kulturalari eta gure hiriko ondare immaterialari babesa emateko
- Nork proposatua: Iruñeko Udaleko Sozialisten taldea
- Bozketa: 6 boto alde (EH Bildu, Iruñeko Udaleko Sozialisten taldea eta Talde Mistoa) eta 5 abstentzio (UPN eta PP)
ERABAKI DUTE:
- Sanferminetako peñek kultur-, gizarte- eta ondare-arloan egiten duten lana publikoki aitortu eta eskertzea, Iruñeko nortasunaren funtsezko zati bat baitira.
- Udalaren, Kultura Ministerioaren eta Peñen Federazioaren arteko lankidetzarako bide egonkorrak bultzatzea, honako hauek garatzeko:
• Ondare immaterialaren inguruko prestakuntzarako, ikerketarako eta hedapenerako urteko programa
• Peñek bultzatutako kultur berrikuntzako proiektuetarako berariazko laguntza-ildoak.
• Peñen ondare-balioari eta bilakaera historikoari buruzko erakusketa ibiltari eta digitala. - Udalaren konpromisoa berrestea Iruñeko kultur ondare immaterialaren defentsa eta sustapenarekiko, baita Udalbatzarekiko ere, herritarrak ordezkatzeko ikur historiko eta demokratikoa baita.
- Ardura partekatua sustatzea: kultura herrikoia eztabaida publikoaren parte da. Ildo horretan, Udalak eskatzen du hiriko festa-ondarearekin lotutako adierazpenak errespetuz eta bizikidetzarekin eta inklusio eta parte-hartze demokratikoarekin bat gara daitezen.
- Iruñeko peña guztiei bide horretan jarraitzeko eskatzen diegu, peñek kulturarekin lotuta egiten duten lanari kalte egiten ahal dieten jokamoldeak alde batera utzita eta komunitate-, gizalege- eta partekatutako ondare-eredu gisa duten rola indartzeko xedez.
¿Te ha sido útil esta página?