Zabalguneko udal-merkatuan 30 armairu adimendun daude, giro tenperaturan eta hozte-sistemarekin, bezeroek beren eskariak jasotzeko 07:00etatik 19:00etara bitarte

Zabalguneko udal-merkatuan 30 armairu adimendun daude, giro tenperaturan eta hozte-sistemarekin, bezeroek beren eskariak jasotzeko 07:00etatik 19:00etara bitarte
Neurri horrek telefonoz edo Internet bidez egindako eskariak modu malguan eta itxaron gabe banatzea erraztuko du QR kode baten edo zenbaki-kode baten bitartez
Irudia
Irudia
Irudia
Irudia
Irudia
Irudia

Zabalguneko udal-merkatuko bezeroek armairu adimendun berriak erabiltzen ahalko dituzte telefonoz edo modu digitalean egindako eskariak jasotzeko. Udalak eskariak modu malguan eta itxaron gabe jasotzeko sistema hori instalatu du, 07:00etatik 19:00etara, zeina erosketa amaitzean eska baitaiteke. Bezeroek merkatuko postuetan produktuak erosten dituzte, eta merkatariek bezeroari alta eman edo zerbitzua kudeatzen duen plataformarako esteka ematen diote; bertan erosketa gordetzeko armairuak erreserbatzen dira, giro-tenperaturan zein hozte-sistema dutenak. Erosketa jasotzeko, postuak e-posta, WhatsApp edo SMS bidez bidalitako QR kode bat eskaneatu edo QRarekin batera datorren zenbaki-kodea erabiltzen da.


Armairu adimendunak merkatuaren barruan daude, Olite kaleko 26. zenbakian dagoen sarreran. Zerbitzua erabiltzeko ordutegia  07:00etatik 19.00etara izanen da hasiera batean. Guztira 30 armairu adimendun jarri dira, 465 mm x 255 mm x 600 mm tamainakoak, kontsumo txikikoak eta ingurumenarekin begirunetsuak. Armairuen erdiek hozte-sistema dute, eta beste erdiek, ez. Banakako zutabeetan antolatu dira, eta bost konpartimentutarako motor bakarra dute; horri esker, konpartimentu bakoitzean tenperatura behar bezala mantendu daiteke, eta armairuko tenperatura-jaitsierak ez die elikagaiei kalterik eginen.

 
Konpartimentuak banakakoak dira eta poliuretano-apar ekologikoarekin isolatuta daude, horietako bakoitzetik erosketa jasotzean sistema guztiaren despresurizazioa ekiditeko; hala, likidoak edo egoera txarrean dauden elikagaiak isurtzearen ondoriozko konpartimentuen arteko kontaminazioa saihesten da. 


Iruñeko Zabalguneko udal-merkatuan armairu adimendunen hornidura eta instalazioaren kontratazioaren adjudikazioa prozedura irekiaren bidez egin da, eta Columat Smart Systems SL enpresari adjudikatu zaio.


Merkataritza-jarduera indartzeko Iruñeko Udalaren neurri horrek laguntzak jasotzen ditu Berreskuratze, Eraldatze eta Erresilientzia Planaren barruan, programa horretan kudeatzen baitira Next Generation Europako funtsak.
 

logos NEXT

 

¿Te ha sido útil esta página?