Sanferminetan, herri-kirolak izanen dira egunero eguerdi partean, uztailaren 8tik 14ra, Foruen plazan. Hainbat modalitatetako Nafarroako bederatzi txapelketa, torneo batzuk, zenbait erakustaldi eta Motozerralarien XXV. San Fermin Saria izanen dira. Saio horietan, kirolariek beren trebetasunak erakutsiko dituzte, hainbat modalitatetan: maskulinoa, femeninoa, mistoa. Helduek parte hartuko dute, baita kimuek, haurrek eta kadeteek ere. Jarduerak doakoak dira, eta nahi duen oro joan daiteke ikustera.
Herri-kirolen programako lehen proba asteartean izanen da, hilak 8, Trontzalarien Nafarroako txapelketak izanen baitira (emakumeak eta gizonak). Gainera, Harri-jasotzaileen San Fermin Torneoa izanen da (emakumeak), baita Trontzalarien Erlojupeko Proba ere. Asteazkenean beste bi txapelketa izanen dira: Ingude Jasotzaileen Txapelketa eta Aizkolarien Nafarroako Txapelketa (gizonak) 3. mailakoa. Kanporaketa. Ostegunean, Trontzalarien Nafarroako Txapelketa izanen da (kadeteak), eta, horrez gain, zenbait proba konbinaturen erakustaldia izanen da, kimu, haur eta kadete kategorietan.
Ostiralean, asteburuari hasiera emanez, Aizkolarien Nafarroako Txapelketa izanen da (emakumeak), eta Harri-jasotzaileen Nafarroako Txapelketa (gizonak). Ondoren, larunbatean, Sokatiralarien 4 x 4 San Fermin Torneoa izanen da (mistoa), baita aizkora erakustaldi bat (emakumeak) eta giza proba bat ere. Igandean, berriz, Aizkolarien Nafarroako Binakako Txapelketa izanen da (gizonak), baita Orga Jasotzaileen Nafarroako Txapelketa (gizonak) eta harri-jasotzaileen erakustaldia (emakumezkoak). Azken egunean, uztailaren 14an, Txinga Eramaileen Nafarroako Txapelketa izanen da, eta Motozerralarien XXV. San Fermin Saria.
HERRI-KIROLAK. 2025EKO SANFERMINAK
HERRI-KIROLAK (uztailaren 8tik 14ra, 12:00etan)
Uztailak 8, asteartea
Trontzalarien Nafarroako Txapelketa (emakumeak eta gizonak).
Harri-jasotzaileen San Fermin Torneoa (emakumeak).
Trontzalarien Erlojupeko Proba.
Uztailak 9, asteazkena
Ingude-jasotzaileen Nafarroako Txapelketa
Aizkolarien Nafarroako Txapelketa 3. mailakoa (gizonak). Kanporaketa.
Uztailak 10, osteguna
Trontzalarien Nafarroako Txapelketa (kadeteak)
Proba konbinatuen erakustaldia (kimuak, haurrak eta kadeteak)
Uztailak 11, ostirala
Aizkolarien Nafarroako Txapelketa (emakumeak)
Harri-jasotzaileen Nafarroako Txapelketa (gizonak)
Uztailak 12, larunbata
Sokatiralarien 4 x 4 San Fermin Txapelketa (mistoa)
Aizkolarien erakustaldia (emakumeak)
Giza proben erakustaldia
Uztailak 13, igandea
Aizkolarien Nafarroako Binakako Txapelketa (gizonak)
Gurdi-jasotzaileen Nafarroako Txapelketa (gizonak)
Harri-jasotzaileen erakustaldia (emakumeak)
Uztailak 14, astelehena
Txinga Eramaileen Nafarroako Txapelketa
Motozerralarien XXV. San Fermin Saria