Udalak 80.000 euroko dirulaguntza eman die ikastetxe publiko eta itunduetako guraso elkarteen 5 federaziori eta 32 guraso-elkarteri jarduerak egin ditzaten

Iruñeko Udalak ebatzi du Iruñeko Haur eta Lehen Hezkuntzako ikastetxe publiko eta itunduetako guraso-elkarteei dirulaguntzak emateko deialdia, iazko 2018-2019ko ikasturtean egindako jardueretarako. 80.000 euro banatu zaie hiriko ikastetxeetako guraso-elkarteen 5 federaziori eta 32 guraso-elkarteri.
 

Deialdi honen xedea da gurasoen parte-hartzea sustatzea ikastetxeetako bizitzan eta funtzionamenduan, nola eta ikastetxeetako ikasleei eta gurasoei beraiei zuzendutako jarduerak antolatuta. Horrela, ikastetxeetako dinamiketan gurasoen parte-hartze aktiboa bultzatu nahi da, gurasoek seme-alaben eskola- eta hezkuntza-prozesuan dagokien zeregina ulertu eta bere gain har dezaten. Diruz lagundutako jarduerek kasuan kasuko ikastetxeko ikasle guztiek, edo guraso guztiek –haiei zuzenduta badaude– parte hartzeko irekiak izan behar dute, halako moduan non ez zaie parte-hartzea ukatuko guraso elkarteko kide ez direnei.
 

80.000 euroak lau kontzeptu hauetan zeuden banatuta: ikastetxeetako ikasleei zuzendutako eskola-ordutegitik kanpoko jardueretarako, 30.000 euro; gurasoei zuzendutako prestakuntza-jarduerak egiteko, 25.000 euro; jolas-jardueretarako, 6.500 euro; eta guraso-elkarteen eta IGEen federazioen kudeaketa- eta funtzionamendu-gastuetarako, 18.500 euro. Honako gastu hauek izan daitezke dirulaguntzen xede, besteak beste: hiri-kanpaldietako monitoreak eta material suntsigarriak; “goiztiarrendako” zerbitzuak; familia eta lana bateragarri egiteko jarduerak; ikastetxeetako ikasleei zuzendutako eskola-ordutegitik kanpoko prestakuntza-jarduerak; hizlariei eta profesionalei ordaintzeak eragindako gastuak, hitzaldi, ikastaro, mintegi, gurasoei zuzendutako bestelako prestakuntza-jarduera eta abarretarako, eta hezkuntza-erkidego osoari zuzendutako ospakizunak prestatzeko gastuak.