Tomaxen abenturak. Espien eguna da larunbaterako proposamena Mendillorriko Civivoxean, haurrendako euskarazko antzerki-programazioaren barruan. Tomaxendako beste abentura bat da, oraingoan espia bihurtuta, misterio bat argitzeko. Antzezlana 4 urtetik gorako haurrei zuzenduta dago, eta bi saiotan antzeztuko da, 12:00etan eta 18:00etan. Sarrerak 3 euroan daude salgai, Civivoxetan eta www.pamplona.es zein www.pamploescultura.es webguneetan.
Tomax mutil inuzentea da, baina jator, alai eta dibertigarria. Txantxak egitea atsegin du, beti ondorioak pairatzen baditu ere. Abenturazale eta ameslaria da, behin eta berriro istorioak asmatzen dituena. Tomaxek lagun berria du, Muxi, oso neska buruargia, ikasgelan buruargiena. Dantzatzea eta bizikletaz ibiltzea ditu atsegin. Tomaxek eta Muxik ikusleei abenturetan murgiltzea proposatzen diete, horrela ongi pasatzeko pasadizo, abesti, dantza, magia eta jolasez.
Tomax eta Muxi zigortuta daude larunbatean ikastolan. Hor ohartxo bat aurkituko dute: “Koro andereñoa bahitu dugu”. Horrezkero, abentura sinestezina biziko dute Koro andereñoa aurkitzeko. Espiekin harremanetan jarriko dira, eta bahisaria ordainduko... Baina horretarako Tomaxek etxera joan beharko du, txerritxo-itsulapikoaren bila, arriskuz betetako bidaian. Izan ere, ikasgelako armairuak bere kasa mugitzen dira, itzal misteriotsuak agertzen dira eta haurren laguntzaz kode sekretua deszifratu beharko dute.
Haurrendako euskarazko antzerki-programazioak azaroaren 16an (larunbata) jarraituko du aurrera, Sanduzelaiko Civivoxean, Lanku konpainiaren Urpekakariak antzezlanaz. Urtarrilaren amaiera arte beste hiru antzezlan eskainiko dira: azaroaren 30ean, larunbatarekin, Iturramako Civivoxean, bi saiotan, Yarleku Teatro konpainiaren Etxerik Txikiena; abenduaren 21ean, larunbatarekin, Mendillorriko Civivoxean, Benetanberen Inondik Inora; eta urtarrilaren 18an, larunbatarekin, Sanduzelaiko Civivoxean, La Baldufaren Safari.
Haurrendako antzerkia euskaraz Civivox sarea (urria – urtarrila)
- Urriak 26, larunbata. 12:00 eta 18:00. Mendillorriko Civivoxa
- Tomaxen abenturak: Espien eguna
- Tomaxen abenturak. Sarrera: 3 euro. 4 urtetik gorako haurrei zuzendua
- Azaroak 16, larunbata. 18:00. Sanduzelaiko Civivoxa
- Urpekakariak
- Lanku. Sarrera: 6 euro. 6 urtetik gorako haurrei zuzendua
- Azaroak 30, larunbata. 18:00 (12:00etan gaztelaniaz eginen da emankizuna). Iturramako Civivoxa
- Etxerik Txikiena
- Yarleku Teatro. Sarrera: 6 euro. 6 urtetik gorako haurrei zuzendua
- Abenduak 21, larunbata. 18:00. Mendillorriko Civivoxa
- Inondik Inora
- Benetanbe. Sarrera: 3 euro. 4 urtetik gorako haurrei zuzendua. Ikuskizunean euskaraz eta ingelesez eginen da
- Urtarrilak 18, larunbata, 18:00. Sanduzelaiko Civivoxa
- Safari
- La Baldufa. Sarrera: 3 euro. 3 urtetik gorako haurrei zuzendua