Iruñeko Udaleko Herritarren Aferen Batzordeak gaur goizean San Juan de la Cadena Haur eta Lehen Hezkuntzako Ikastetxe Publikoko instalazioak bisitatu ditu. Bertan Lehen Hezkuntzako eraikineko beheko solairuan dagoen eskolako jantokia handitzeko obrak amaitu dira, eta gainera, lehen solairuan ikasgela berri bat sortu dute. Jarduketa hori, 186.327,90 euroko aurrekontuarekin, Udalak hiriko ikastetxe publikoak berritzeko edo instalazio berrietarako egiten dituen inbertsioen barruan dago.
Obrak ohiko jantokiaren ondoan dagoen jantokian egin dira. Patio horren fatxadan bao bat ireki da jantokitik handitu den gunera igaro ahal izateko. Horrekin, 40 metro koadro baino gehiagoko espazio bat irabazi da, jantoki zerbitzu hobea ematea ahalbidetuko duena. Jantokia sortzeko egitura berri bat egin da, hormigoi-zapata gaineko zutabe metalikoz, altzairuzko pilarez eta txapa kolaborante forjatuz eta hormigoizko konpresio geruza batez osatua. Handitzearen estalkia baliatu da eraikinaren lehen solairuan beste ikasgela bat eraikitzeko.
Handitzearen fatxada berria zubi termikoaren haustura duten arotzeriazko kristalezko bao handiz eratuta dago; zati itsuen akabera ‘Alucobond’ gris grafito koloreko panelezkoa da. Jantokiaren handitze gisa balio duen modulu berriak ez du patioko portxe zaharraren espazio guztia hartzen. Horrela, patio txiki bat sortu da igogailuaren ondoan, eta horri esker, zirkulazio-eremu horiek argiztapen- eta aireztapen-naturala izaten jarraituko dute. Eraikinaren fatxada handitzearen barnealderantz zegoen bezala mantendu da, hormigoizko bloke ikusiz eta zeuden baoekin. Aireztapen berriak egin dira lehen patioranzko leihoak zituzten komunetarako. Ia ez dira aldaketarik egin behar izan eraikinaren banaketan. Soilik solairuko idazkaritzan esku-hartu behar izan dute, gainazala pixka bat murriztuz, ikasgela berrirako korridorea sortu ahal izateko.
Obrak Erki Construcción Sostenible SL enpresak gauzatu ditu, eta lau hilabetean egin dira, joan den udatik hona. Lan horiek Iruñeko Udalak hiriko ikastetxe publikoetako instalazioak hobetzeko urtero egiten dituen inbertsioen barruan daude. Aurten inbertsioak 993.000 euro jo du eta askotariko lanak egin dira hiriko Lehen eta Bigarren Hezkuntzako zazpi ikastetxe publikotan: San Francisco, Sanduzelai, Hegoalde, Amaiur, Iturrama, García Galdeano eta San Juan de la Cadena bera.