San José udal hilerriak 2016 hileta-zerbitzu egin ditu aurten urtarriletik irailera bitartean. Udalak bildu dituen estatistika-datuen arabera, zerbitzu horietatik % 76,98 errausketak izan dira (1.552), eta gainerako % 23,02 mota ezberdinetako ehorzketak: 289 (% 14,33), nitxoetan egin ziren, 152 (% 7,54), panteoietan eta 23 (% 1,14) lurreko hobietan.
Datuek erakusten dute errausketen indizea egonkor mantentzen dela, 2007tik aurrera etengabe igo ondoren; izan ere, urte horretan hilerrian eginiko hileta-zerbitzuen erdia baino gehiago errausketak izan ziren. Panteoietan eta lurreko hobietan eginiko ehorzketen portzentajea oso antzekoa da; nitxo-ehorzketen kopurua, berriz, zertxobait igo da azken hiru hilabetetako epean, errausketa labe bakarrak funtzionatu duen aldian, hain zuzen ere. Hilerriari buruzko datuek, halaber, heriotza-tasaren igoera islatzen dute 2020an, COVID-19ak eragindako pandemiaren eraginez.
Udal hilerriak bi errausketa-labe ditu egun, 1997an instalatutako labea martxoan aldatu ondoren. Labe horrek zazpi errausketa egin ditzake 12 orduko lanaldian, beraz, errausteko gaitasuna bikoizteko aukera ematen du; izan ere, aurreko bi labeen artean egunean guztira 8 errausketa egiten ahal zituzten. Hilerriak labe berri bat izanen du datorren urteko lehen hiruhilekoan; horrela, eskariari erantzun eta zerbitzuaren efizientzia hobetuko da, orain ordeztuko den labeak ia 20 urte baititu. Labea aldatzearekin batera teknologia ere hobetuko da, eta airera isurtzen diren gasen kopurua murriztu eginen da. Kalkulatzen da 297.600,13 euroko kostua izanen duen labe berriaren erabilgarritasuna 20 bat urtekoa izanen dela.
Hilerriko ordutegia
Egun hauetarako ordutegiari dagokionez, azaroaren 2ra bitarte, apirilaren 1ean abian jarritako ordutegiari eutsiko zaio: goizeko 08:00etan zabalduko da hilerria, eta ate nagusia 19:00etan itxiko da; gainerako ateak 18:30ean itxiko dira. Azaroaren 3tik aurrera, eta martxoaren 31ra bitarte, neguko ordutegia sartuko da indarrean, eta hartara, ate nagusia 18:00etan itxiko da, eta gainerako ateak 17:30ean.
Histórico del Cementerio
|
|
Errausketak |
Nitxoak |
Panteoiak |
Lurreko hobiak |
Guztira |
|
2006 |
969 |
739 |
229 |
38 |
1.975 |
|
2007 |
1.181 |
695 |
244 |
35 |
2.155 |
|
2008 |
1.263 |
632 |
221 |
37 |
2.153 |
|
2009 |
1.346 |
622 |
245 |
30 |
2.244 |
|
2010 |
1.336 |
534 |
218 |
29 |
2.117 |
|
2011 |
1.440 |
560 |
220 |
17 |
2.237 |
|
2012 |
1.500 |
510 |
197 |
20 |
2.227 |
|
2013 |
1.568 |
481 |
189 |
19 |
2.257 |
|
2014 |
1.786 |
500 |
234 |
20 |
2.540 |
|
2015 |
1.888 |
457 |
214 |
15 |
2.573 |
|
2016 |
2.078 |
427 |
184 |
8 |
2.697 |
|
2017 |
2.033 |
435 |
183 |
24 |
2.675 |
|
2018 |
2.171 |
420 |
180 |
32 |
2.803 |
|
2019 |
2.162 |
363 |
191 |
37 |
2.753 |
|
2020 |
2.402 |
466 |
218 |
46 |
3.132 |
|
2021 |
2.072 |
364 |
198 |
33 |
2.667 |
|
2022 (09/30era arte) |
1.552 |
289 |
152 |
23 |
2016 |
Hilerriko ordutegia
- Apirilaren 1etik azaroaren 2ra:
- Udako ordutegia: 08:00etan irekiko da. Ate nagusia 19:00etan itxiko da, eta gainerako ateak 18:30ean.
- Azaroaren 3tik martxoaren 31ra:
- Neguko ordutegia: 08:00etan irekiko da. Ate nagusia 18:00etan itxiko da, eta gainerako ateak 17:30ean.