Iruñeko Udalak antolatutako PamploSound onlineko musika akustikoko lehen jaialdiak 265.000 erabiltzaile bakarreko inpaktua izan du Facebooken, Twitterren eta Instagramen. Halaber, orain arte 12.300 interakzio baino gehiago izan dira Eguberrietan editatutako edukiekin, sare sozialetan jaialdia sustatze aldera.
Eguberrietako bezperetan, abenduaren 23an, Iruñeko Udalak PamploSound abiatu zuen; ekimenean artista eta talde ezagunek parte hartu zuten, hala nola Marea, Aurora Beltrán, Chica Sobresalto, Javier Erro, Kai Etxaniz eta Isabel Villanuevak, eta estilo askotako Eguberrietako hainbat kantu abestu zituzten Iruñeko musikari eta artista gazteekin batera. Ekimen honen xedea zen herritarrak musikaren bidez animatzea Eguberrietako egun berezi horietan, eta, horrela, musikari nafarrei ere laguntzea, pandemiak eragindako zailtasunak gorabehera, lanean jarraitzen baitute.
Editatutako kantuak bederatzi musika-pilulak dira eta Iruñeko Kondestablearen jauregiko areto gotikoan sortutako giro goxo eta atseginaz, Eguberri-istorioak edo pandemia garaian agertzen diren emozio eta sentimenduen inguruko soinu-gogoetak kontatzen dituzte. Errepertorioak gabon kanta klasikoak biltzen ditu, hala nola ‘Noche de paz’ eta ‘All I want for Christmas is you’, abesti berriak, ‘Por fin Navidad’ eta ‘Noche de tregua’ kasu, flamenkoagoa den ‘Dale al aire’ konposizioa, pop ukitua duen ‘Fusión del Núcleo’, ‘Silencio’ eta ‘Perdimos contacto’ abesti rokeroak eta ‘Zalantza eta egia’, euskaraz.
PamploSound jaialdiaren inpaktuak % 29ko igoera eragin du Iruña Kultura da ekimenaren Instagrameko kontuan. Chica Sobresaltoren eta Leire Celestinoren ‘Fusión del Nucleo’ eta Marearen eta Cobardesen ‘Perdimos contacto’ bideoek Youtuben 8.200 eta 7.000 ikustaldi izan dituzte, hurrenez hurren. Guztira, bederatzi bideoek 26.000 erreprodukzio baino gehiago izan dituzte. Jaialdiaren aurkezpena, zuzeneko hainbat emanaldirekin, abenduaren 23an egin eta zuzenean emititu zen Instagram bidez. Une batzuetan, 720 pertsona bitarte konektatuta ziren zuzenean jarraitzeko.
PamploSound abestiak
- All I Want for Christmas is You (Mariah Careyren bertsioa). Javier Erro + Sara Fuente + Javier Asín
- Noche de Paz. Isabel Villanueva + DJ Göo
- Silencio (Aurora Beltrán). Aurora Beltrán + Arantxa Ojeta + Jose Moreno.
- Noche de tregua. Kai Etxaniz + María Antúnez + Alicia Arguiñano + David Johnstone + Elena Antúnez
- Perdimos contacto (Cobardes). Kutxi Romero (Marea) + Alén Ayerdi (Marea) + Íñigo Idoate (Cobardes) + Javier Janices (Cobardes) + Iban Sánchez (Cobardes) + Íñigo Álvarez (Cobardes)
- Por fin Navidad. Oihana Herrera (Melenas) + Leire Zabala (Melenas) + Tamu (Exnovios) + Guillermo Fernández (Ttape Tappe)
- Fusión del Núcleo (Chica Sobresalto). Maialen (Chica Sobresalto) + Leire Celestino
- Dale al aire. Jolis Muñoz + Ángel Ocray + Pedro Planillo
- Zalantza eta egia (Xabi Bandini). Xabi Bandini + Alberto Isaba.