Adierazpen instituzionala zerbitzu publikoen lana aitortzeko eta sanferminetan segurtasuna bermatzeko eginiko koordinazioari balioa emateko
ERABAKI DU:
- Sanferminetan zerbitzua ematen duten segurtasun indarren erakundeek egiten duten lana aitortzea, bai eta jaiak normaltasunez eta seguru ospatu daitezen laguntzen duen ororen lana eta prestutasuna ere.
- Balioa ematea Iruñean lan egiten duten lau polizia-erakundeen koordinazio eraginkorrari, eredu bikaina baitira herritarren zerbitzura dauden erakundeen arteko koordinaziorako.
- Udalak Segurtasuneko Plan Estrategikoarekin duen konpromisoa berrestea, lehentasuna ematen baitio prebentzioari, azkar erantzuteari, genero-ikuspegiari eta jaietan segurtasuna eta elkarbizitza indartzeko irtenbide teknologikoak bilatzeari.
Adierazpena herritarren segurtasuna hobetzeko ekintzei buruz
- Nork proposatua: Unión del Pueblo Navarro (UPN)
- Bozketa: Aldeko bost boto (UPN eta PP), kontrako lau (EH Bildu eta Talde Mistoa) eta abstentzio bat (Iruñeko Udaleko Sozialisten taldea)
ERABAKI DUTE:
- Gobernu-taldeari eskatzea herritarrei zuzendutako dibulgaziorako, prestakuntzarako eta komunikaziorako ekintzak abiatu ditzala segurtasunari eta elkarbizitzari eragiten ahal dieten arrisku-faktoreak garaiz identifikatzeko behar dituzten jakintzak eta gaitasunak hobetzeko.
- Udal-gobernuari eskatzea lehenbailehen gauzatu ditzala Herritarren Segurtasuneko Planean bildutako ekintzak, bereziki adimen artifiziala erabiliz datuak aztertzea, gizarte-harrera egiteko mekanismoak martxan jartzea eta aldi baterako bideozaintzarako kamerak jartzea arriskutsuak diren tokietan.
- Gobernu-taldeari eskatzea gaueko aisialdirako sektorearekin eta arlo horretako beste eragileekin elkarlanerako hitzarmenak edo akordioak bultzatzeko.
- Diziplina anitzeko lan-batzorde bat sortu dadin bultzatzea, erakundeen ordezkariek, zuzenbidean adituek, segurtasun-indar eta -erakundeek, eta gizarte-zerbitzuen arloko langileek osatua.
¿Te ha sido útil esta página?