Kondestablearen jauregian ospatu da aurten Iruñerriko Udaltzaingoen Eguna. Ospakizunean bederatzi udaltzaingotako ordezkariak egon dira, eta, baita ere, senidetasun-egun hau ezartzeko sinatutako lankidetza-hitzarmenean barne hartutako udaletako alkate eta zinegotziak. Joseba Asiron Iruñeko alkateak egin ditu anfitrio-lanak, aurten Iruñeko Udaltzaingoari egokitu baitzaio jardunaldia antolatzea, eta harekin batera izan dira Itziar Gómez Herritarren Segurtasuneko eta Elkarbizitzako zinegotzi ordezkaria eta Jesús Munárriz Udaltzainburua.
Ekitaldian hogeita hamar bat aintzatespen publiko eman zaizkie Udaltzaingoetako udaltzainei. Zehazki, 26 jendaurreko esker on banatu dira emandako zerbitzuagatik, gaitasun eta jardunagatik edo zeregina betetzean hartutako arriskuengatik; 3 domina, Xabier Martinez Zizur Nagusiko Udaltzainburuari, Miguel Ángel Zuasti Barañaingo Udaltzaingoko lehen mailako udaltzainari eta Alfredo Ondarra Nafarroako Gobernuko Barne Zuzendaritza Nagusiko segurtasun-koordinazioaren atalburuari; esker oneko plaka bat Belén Santamaría Nafarroako Probintziako Trafikoko buruari eta zerbitzu goraipagarrien plaka bat Pedro Zuñiga Atarrabiako Udaltzainburuari.
Iruñerriko Udaltzaingoen Egunean honako udalerri hauetako Udalek eta polizia-kidegoek parte hartu dute: Iruña, Antsoain, Barañain, Berriozar, Burlata, Noain, Eguesibar, Atarrabia eta Zizur Nagusia. Horretaz gain, ekitaldian izan dira Raúl Maiza Berriozarko alkatea, Txema Noval Burlatako alkatea, Alberto Ilundáin Noaingo alkatea, Alfontso Etxeberría Eguesibarko alkatea, Mikel Oteiza Atarrabiako alkatea, Jon Gondán Zizur Nagusiko alkatea eta Iñaki López Barañaingo Udaleko Herritarren Segurtasuneko zinegotzia eta Ibai Antón Antsoaingo Udaleko zinegotzia.
Iruñeko Udalak, eta beraz Iruñeko Udaltzaingoak, joan den urteko martxoan egin zuten bat ekimenarekin, lankidetza-hitzarmen baten bidez, zeinaren xedea baita hitzarmena izenpetu duten udaletako udaltzaingoen artean protokolo-ekitaldiak, prestakuntza-jarduerak, tekniko-polizialak, kirolekoak eta senidetasunekoak antolatzea. Ekitaldi eta jarduera horietara joateko edo horietan parte hartzeko gonbita egin ahal zaie bestelako segurtasun kidego eta erakundeei, baldin eta beren eguneroko lanarengatik edo ezaugarriengatik lan-arloko harremana badute erakundearekin, bai eta nolabaiteko harremana duten agintariei eta pertsonei ere.
AINTZATESPENAK
Barañaingo Udaltzaingoa
- DIEGO URIZ GARCÍA. BARAÑAINGO UDALTZAIN LAGUNTZAILEA (esker ona)
- JESÚS ECHAPARE BARBERÍA. BARAÑAINGO UDALTZAIN LAGUNTZAILEA (esker ona)
- JOSÉ MARÍA ASENJO TEJEDOR. BARAÑAINGO UDALTZAIN LAGUNTZAILEA (esker ona)
- MIGUEL ANGEL ZUASTI ANSO. BARAÑAINGO LEHEN MAILAKO UDALTZAINA (domina)
Noaingo Udaltzaingoa
- PABLO LAQUIDAIN IRIARTE. FORUZAINA (esker ona)
- JUAN CARLOS GUTIERREZ HERRANZ. GUARDIA ZIBILEKO SARJENTUA (esker ona)
Burlatako Udaltzaingoa
- JUAN PABLO GUILLÉN MARTÍN. BURLATAKO UDALTZAIN LAGUNTZAILEA (esker ona)
- ROBERTO ESPIGA LASA. BURLATAKO UDALTZAINA (esker ona)
Atarrabiako Udaltzaingoa
- MARTÍN IROZ SANZ. ATARRABIAKO LEHEN MAILAKO UDALTZAINA (esker ona)
- TXEMA CORCUERA GIL. ATARRABIAKO UDALTZAINA (esker ona)
- PEIO SEGURA LOINAZ. ATARRABIAKO UDALTZAINA (esker ona)
- ANGEL OTANO ALDUNATE. ATARRABIAKO UDALTZAINA (esker ona)
- ALBERTO MAYOR ASIAIN. ATARRABIAKO UDALTZAINA (esker ona)
- SERGIO HIGALGO SINDE. ATARRABIAKO UDALTZAINA (esker ona)
- IXONE SANZ ATONDO. ATARRABIAKO UDALTZAINA (esker ona)
Antsoaingo Udaltzaingoa
- RUBEN SANCHEZ MARTÍNEZ. ANTSOAINGO UDALTZAINA (esker ona)
Iruñeko Udaltzaingoa
- ALFREDO ONDARRA RAMOS. NAFARROAKO GOBERNUKO SEGURTASUN-KOORDINAZIOKO ATALBURUA (domina)
- IÑIGO MARTINEZ DE MORENTIN ELIZALDE. IRUÑEKO UDALTZAINA (esker ona)
- CARLOS ARNEDO SASAL. IRUÑEKO UDALTZAINA (esker ona)
- JUAN ARMIÑO BAREA. IRUÑEKO UDALTZAINA (esker ona)
- VICTOR MANUEL GOMEZ COSTALAGO. IRUÑEKO UDALTZAINA (esker ona)
- JAVIER AOIZ PINILLOS. IRUÑEKO LEHEN MAILAKO UDALTZAINA (esker ona)
- BELÉN SANTAMARÍA MAESO. NAFARROAKO PROBINTZIAKO TRAFIKOKO BURUA (esker oneko plaka)
Zizur Nagusiko Udaltzaingoa
- XABIER MARTÍNEZ URROZ. ZIZUR NAGUSIKO UDALTZAINBURUA (domina)
- SANDRA IRAZABAL NOTIVOLI. ZIZUR NAGUSIKO LEHEN MAILAKO UDALTZAINA (esker ona)
- LUCAS IGLESIAS SANCHEZ. ZIZUR NAGUSIKO LEHEN MAILAKO UDALTZAINA (esker ona)
- MANUEL MONTIEL MARÍN. ZIZUR NAGUSIKO UDALTZAINA (esker ona)
- FRANCISCO GARCÍA PÉREZ. ZIZUR NAGUSIKO UDALTZAINA (esker ona)
Atarrabiako Udaltzaingoa
- PEDRO ZÚÑIGA MARTÍN. ATARRABIAKO UDALTZAINBURUA (zerbitzu goraipagarrien plaka)
Berriozarko Udaltzaingoa
- FERNANDO ROMERO BENITO. BERRIOZARKO UDALTZAINA (esker ona)
- RODOLFO RAMIREZ IZPURA. BERRIOZARKO UDALTZAINA (esker ona)