Koldo Sebastian del Cerroren ehun lanek baino gehiagok osatzen dute Kondestablen lau hamarkadako sorkuntza artistikoa berrikusten duen ‘Topaguneak’ atzera begirako erakusketa

Koldo Sebastian del Cerroren ehun lanek baino gehiagok osatzen dute Kondestablen lau hamarkadako sorkuntza artistikoa berrikusten duen ‘Topaguneak’ atzera begirako erakusketa
Erakusketaren inguruan, hamasei artistarekin elkarrizketa ziklo bat programatu da alderdi eta kontzeptu sortzaileei buruz
Irudia
Irudia
Irudia
Irudia
Irudia

‘Topaguneak’ Koldo Sebastián del Cerro iruindarraren atzera begirako erakusketa bat da, eta haren ibilbide sortzailea berrikusten du 80ko hamarkadaren erdialdetik gaur egun arte. Erakusketa 129 artelanek osatzen dute, egilearen hainbat sormen-sailetakoak. Pinturak nabarmentzen dira batez ere, baina marrazkiak, bolumenak eta argazkiak ere ikus daitezke. Erakusketa azaroaren 25etik (ostirala) urtarrilaren 15era bitarte egonen da ikusgai Kondestablearen jauregiko 1. eta 2. aretoetan. 

Gaur goizean, Jorge Urdánoz Kultura eta Berdintasuneko zuzendariak eta Koldo Sebastián del Cerrok berak erakusketa aurkeztu dute, Udalak 1991n pintura modalitatean eman zion Iruña eta Artista Gazteak saria dela-eta egileak egin zuen erakusketaren 30 urte betetzen direnean. Atzera begirako erakusketa hau bi urteko prestaketa-lan baten emaitza da; abstrakzio geometrikoaren eta arte zehatzaren nazioarteko erreferente den Julián Gilen laguntza izan du, zeinak ekarpen eta galderen bidez Koldo Sebastiáni prozesuan lagundu baitio.

Erakusketan planteatutako ibilbideak egitura kronologikoa du: 1990ean jendaurrean lehen aldiz agertu zen lanarekin hasten da eta aurten bertan Lizarrako Gustavo de Maeztu Museoan egindako bakarkako azken erakusketan berriki erakusgai jarritako lanekin amaitzen da. Horrela, ikusizko kontakizun bat sortu nahi da, haren sorkuntza-prozesua eta hura artikulatzen duten multzoak deskribatzeko aukeratutako obretan oinarrituta. Honako sail hauen lanak egonen dira ikusgai: ‘Akopleak’, ‘Egitura malguendako moduluak’, ‘Mexuar. Egitura koskadunak eta zulatutako egiturak’, ‘Physis. Radix’, ‘Kalignometriak’, ‘Washi. Sangaku’ eta ‘Infinibertso’. 

Autore autodidakta; aurkeztutako lanaren hautaketa atzera egindako begirada bat da, non zehatz-mehatz berrikusi baitu bere ekoizpen plastikoak sortu duena eta, batez ere, jarduera artistikoak gaur arte ekarri diona. Baina erakusketak dakarren hausnarketa artistikoak ere etortzeke dagoenari buruz eta, batez ere, hemendik aurrera iritsiko dena bizitzeko moduari buruz ikertzeko aukera ematen du. ‘Topaguneak’ introspekzio-ariketa bat da, egindako bidea aztertuz egina, baina, bitxia bada ere, bere burua hobeto ezagututa, egileak bere burua norantz proiektatu nahi duen eta etorkizun horren begiradan du eskaintzen duen emaitza nagusia.

Koldo Sebastiánen eta Julián Gilen lan partekatuak fruitua eman du: erakusketa osatzen duen obra plastikoaren oinarri diren gakoak jasota uzteko argitaratu den argitalpenaren testua. Argazki-hautaketa eta liburua elikatzen duten hamar galdera-erantzun multzoak Koldo Sebastián del Cerroren jarduera artistikoaren laburpen oso bat dira.

Elkarrizketak eta elkarrizketan aritzeko ibilbideak jarduera osagarri gisa
Atzera begirako erakusketa hau bat dator 1972ko Iruñeko Topaketen 50. urteurrenarekin. Efemeridea aprobetxatuz, "Confluencuentros-Topaketak" izeneko programa bat antolatu da, artista ezberdinekin euren ibilbide eta mundu sortzaileen garrantziari buruzko elkarrizketen ziklo gisa. Bertan, hainbat kontzeptu artistiko jorratuko dira, hala nola espazioa, pertsona, objektua, ekintza, sentimendua, esanezina, denbora eta abar. 

‘Confluencuentros-Topaketak’ Kondestablearen jauregiko 1. aretoan izanen dira, 19: 00etan, eta sarrera doakoa izanen da leku guztiak bete arte. Azaroaren 30ean hasiko dira José Ignacio Agorreta eta Carlos Cánovasekin, eta espazioa izanen dute hizpide. Abenduaren 1ean, Miguel Bergasa eta Pedro Salaberri pertsonaren inguruan mintzatuko dira. Abenduaren 13an eta 15ean Alicia Otaegui eta Marijose Recalde, egun batean, eta Fermín Alvira eta Tomás Sobrino, bestean, objektuari eta sentimenduari buruz arituko dira, hurrenez hurren.

Eguberrietan, abenduaren 27an eta 29an, esanezina eta ekintza kontzeptuak jorratuko dira, José Ramon Anda eta David Rodríguez Caballeroren eta Fermín Jiménez eta John Otazuren parte-hartzearekin. Urtarrilean, hilaren 10ean, Mar Mateok eta Belen Puyok denborari buruz hitz eginen dute, eta ostegunean, hilaren 12an, Javier Baldak eta Miguel Leachek kontzeptuari buruz duten iritzia emanen dute. 
Era berean, erakusketa publikoari irekita dagoen bitartean, elkarrizketan aritzeko lau ibilbide eginen dira, eta Koldo Sebastián del Cerro bera entzun eta harekin inpresio artistiko eta sortzaileak trukatzen ahalko dira. Ibilbide horiek abenduaren 17an eta urtarrilaren 14an (larunbatak) izanen dira, 19:00etan, eta abenduaren 18an eta urtarrilaren 15ean (igandeak), 12:00etan.
 

‘TOPAGUNEAK’ ERAKUSKETAREN INGURUKO PROGRAMAZIOA

•    CONFLUENCUENTROS-TOPAKETAK. Artistekin solasean. Kondestablearen jauregia, 1. aretoa.

o    Azaroak 30, asteazkena. 19:00. José Ignacio Agorreta eta Carlos Cánovas. ESPAZIOA.
o    Abenduak 1, osteguna. 19:00. Miguel Bergasa eta Pedro Salaberri. PERTSONA
o    Abenduak 13, asteartea 19:00. Alicia Otaegui eta Marijose Recalde. OBJEKTUA
o    Abenduak 15, osteguna. 19:00. Fermín Alvira eta Tomás Sobrino. SENTIMENDUA
o    Abenduak 27, asteartea 19:00. José Ramón Anda eta David Rodríguez Caballero. ESANEZINA
o    Abenduak 29, osteguna. 19:00. Fermín Jiménez eta John Otazu. EKINTZA
o    Urtarrilak 10, asteartea. 19:00. Mar Mateo eta Belén Puyo. DENBORA
o    Urtarrilak 12, osteguna. 19:00. Javier Balda eta Miguel Leache. KONTZEPTUA

•    ELKARRIZKETAN ARITZEKO IBILBIDEAK  Kondestablearen jauregia, 1. eta 2. aretoak

o    Azaroak 17, larunbata. 19:00
o    Abenduak 18, igandea. 12:00
o    Urtarrilak 14, larunbata. 19:00
o    Urtarrilak 15, igandea. 12:00
 

¿Te ha sido útil esta página?