Gaurdanik, hirian erroldatuta ez dauden gazteek ere eskatu ahal dute Gaztediaren Etxean oraindik eskuragai dauden 338 txarteletako bat, irailaren 15a arte abentura-jardueretan, urpekaritzan, saltingean edo piraguismoan aritzeko. Iruñeko Udalak proposamen horiek Txankletak programan eskaintzen ditu, udarako oro har 14 eta 30 urte bitarteko gazteei zuzendutako kirol-, kultura- eta aisia-jarduera sortan. Ziudadelako Zonbien inbasioan parte hartzeko lekua ere badago oraindik; abuztuaren 17an, larunbatarekin, izango da 12 eta 17 urte bitartekoentzat aurreikusitako gaua.
Ekainaren 28a arte (ostiralarekin) zinema-sarreren % 100 jasoak ziren, eta kirol-bonuen % 32 baino gehiago. Banakako bonuak 5 euro balio du, eta, behin jasota, izena eman duen gazteak irailaren 15a arte dauka aukera: norberak erabakiko du noiz joan nahi duen Rocópolisera (Berriobeiti), Salting Iruña gunera (Orikain), Guelbenzu igerilekuetara eta Caparrosoren Errota Piraguismo Eskolara (biak Iruñean).
Izen-emateak Gaztediaren Etxean egin behar dira, Zangoza kaleko 30ean, NANa aurkeztuta. Argibide gehiago eskuratzeko, 948 233512 telefonora edo helbide elektroniko honetara jo behar da: www.pamplonajoven.es. Udan, Etxearen ordutegia hauxe izango da: astelehenetik ostiralera, 10:30etik 13:30era eta 17:00etatik 22:00etara. Udako proposamen honetaz, Txankletez, aisialdi-tarteetarako eskaintza zabala egin nahi du Iruñeko Udalak, besteekin elkartzea sustatzeko eta bestelako zaletasunak ez dituzten gazteei aukera-sorta eskaintzeko, horien intereseko jardueratan has daitezen.
19KO TXANKLETAK
IZEN-EMATEA
14 eta 30 urte bitarteko gazteei zuzenduta (1989 eta 2005 artean jaiotakoentzat), Zonbien inbasioa izan ezik, hori 12 eta 17 urte bitartekoentzat da-eta (2002 eta 2007 artean jaiotakoentzat).
Tokia: Gaztediaren Etxea (Zangoza kalea, 30)
Izena aurrez aurre eman behar da, eta NANa aurkeztu behar da.
JARDUERAK
Abentura-parke handia
Abentura-parkerako 2 orduko bonua (Rocópolis). 5 euro
Urpekaritza-bataioa
2 orduko saiorako bonua, urpeko igeriketa autonomoaren hasi-masiak ikasteko, igerilekuan, erreportaje fotografiko txikia barne (Guelbenzu igerilekuak). 5 euro
Saltinga
Banakako bonua. Ordu bateko saioak, ohe elastikoetan salto librean aritzeko (Salting Iruña). 5 euro
Piraguismoa
2 orduko jardueretarako bonua, piragua autohustugarrietan, arraunaren oinarrizko alderdiak ikasteko (Caparrosoren Errota Piraguismo Eskola). 5 euro
Zonbien inbasioa. Abuztuak 17
21:30 (2 ordu eta erdi iraungo du, gutxi gorabehera). Ziudadela. 5 euro
