Haurtzaro Haur Eskola haur-eskolen betekizunak eta baldintzak ezartzen dituen 28/2007 Foru Dekretura egokitzeko lanak martxoan amaituko dira. Iruñeko Udalak irailean heldu zien egokitzapen-lanei, Excavaciones Fermín Osés SL enpresari esleitu zizkion lanak, 549.993,40 euroan (BEZa barne). Hirigintza Batzordeko kideek gaur goizean bisitatu dituzte obrak.
Esku-hartzean, nagusiki, bi jarduketa egin dira. Batetik, barrutik eraitsi egin da ibiltari, ertain eta nagusiak dauden moduluko hegala, hartara erabat berrituta eraikinaren zati hori. Bestalde, eraikuntza lurzatiaren mugaraino handitu da -Maiteminduen pasealekuarekin bat egiten duen punturaino-, eta aipatutako moduluak 28/2007 Foru Dekretuak ezarritako irizpide berrituekin bat banatu daitezke. Modu horretan egungo Haur Eskolaren espiritua mantentzen da, zeinak oinarri baitu, funtsean, estalitako patio izatea haur-eskolako bizitzaren erdigunea. Eraberritze-lanekin, gune hori modulu guztien bihotz bihurtzen da, guztiek bertara jotzen baitute.