Iruñeko Udaleko Tokiko Gobernu Batzarrak onetsi du Gabon eta Urtezahar gauak direla-eta aldaketa bat egitea hiriko aparkatze mugatuko eta murriztuko eremuak arautzen dituen ordenantzaren aldaketa onetsi du. Abenduaren 24an eta 31n, biak astearteak, eremu urdina 18:00etara arte ordainduko da, eta ez 20:00etara arte, ohikoa den bezala.
Aldaketatik salbuetsita dago RENFEren geltokiko eremua; izan ere, ohiko ordutegia mantenduko dute, 24 orduko eta egonaldi luzeko aparkalekuen berariazko erregulazioarekin bat eginez. Erregulazio urdin eta berdeko edo gorri eta berdeko eremuetan, behin 18:00etako erregulazio-ordutegia bukatuta, dagokien sektoreko indarreko txartela duten egoiliarrek aparkatzen ahalko dute soilik.
Garabi-zerbitzuko langileek eta garabi-biltegian arreta ematen dutenek normaltasunez lan eginen dute, haien lana ezinbestekoa baita egun horietan eginen diren Olentzeroren kalejirarako eta San Silvestre lasterketarako.