Asteazkeneko Osoko Bilkura Berezian eginen da azaroaren 29ko hauteskunde orokorretarako hauteskunde-mahaiak osatzeko zozketa. Osoko Bilkura 09:00etan hasiko da, eta hori izanen da gai-zerrendako puntu bakarra. Zozketa bidez hautatuko da nork osatuko dituen 263 hauteskunde-mahaiak: 27 ikastetxe publikotan egonen dira, egun horretan hautesleku izanen baitira. 2.367 herritar hautatuko dira guztira: 789 titular gisa (mahaiburua eta bi mahaikideak) eta 1.578 horien ordezko gisa (bi mahaiko kargu bakoitzeko).
Azken asteotan errolda eguneratu eta gero, datuek diote 154.927 herritarrek dutela boto-eskubidea hurrengo hauteskunde orokorretan. Boto-eskubidea izateaz gain, baldintza jakin batzuk bete behar dituzte hauteskunde-mahaian kargu bat dutenek, besteak beste, adina, ikasketak eta irakurri eta idazteko gaitasuna. Zehatz-mehatz, baldintza hauek bete beharko dituzte: 18 urtetik gorakoak izatea, 70 urtetik beherakoak izatea eta irakurtzen eta idazten jakitea. Errolda horren barruan, honela banatuko dira herritarrak: 36.525 lagun, ezin dira hautatu mahaiburu edo mahaikide izateko; 82.652, mahaiburu izaten ahal dira; eta 116.742, hautespen-mahai bakoitzean bi mahaikideetako bat izaten ahal da.
Asteazkenetik aurrera, Iruñean erroldatutakoek bi bide izanen dituzte hauteskunde-mahaiko kide diren ala ez kontsultatzeko: udal-webgunea eta 010 telefono-zenbakia. Beharrezkoa izanen da NAN zenbakia ematea kontsulta egin ahal izateko.
Nola osatu mahai bakoitza
Asteazkeneko Osoko Bilkuran, lau zifrako bederatzi zenbaki aterako dira ausaz; horretarako, banan-banan aterako dira zenbakitutako bola guztiak. Ausazko bederatzi zenbaki horiek izendatu beharreko mahaietako karguekin loturik daude. Gauzak horrela, lehen hiru zenbakiek bat eginen dute mahaiburuarekin, lehen ordezkoarekin eta bigarren ordezkoarekin; hurrengo hirurek, lehen mahaikidearekin, lehen ordezkoarekin eta bigarren ordezkoarekin; eta azken hirurek, bigarren mahaikidearekin, lehen ordezkoarekin eta bigarren ordezkoarekin.
Ausazko zenbaki horiek ‘Hauteskunde-mahaien osaera eta jakinarazpena’ izeneko aplikazio informatikoan sartzen dira. Aplikazio horrek, modu deterministan, mahai bakoitzaren bederatzi kideak zehazten ditu. Behin emaitzak jakinarazita eta alegazioak aurkezteko epea amaituta, karguen berrizendapena eginen da, eta ordezkoek titularren kargua hartzen ahalko dute. Ondoren, bigarren hautaketa-prozesu bat eginen da hutsik geratu diren mahaiko karguetarako. Aurreikusitako prozedura bera da, eta Osoko Bilkura honetan ateratzen diren ausazko zenbaki berberetan oinarritzen da.
2026KO HAUTESKUNDE OROKORRAK
Botoa emateko eskubidea duten pertsonak, guztira: 154.927
Hauteskunde-mahaiak, guztira: 263
Mahaiburuak, guztira (titularra eta bi ordezkoak kontuan hartuta): 789
Mahaikideak, guztira (bi titularrak eta lau ordezkoak kontuan hartuta): 1.578
Mahaiburu gisa hautatuak ateratzeko aukera duten pertsonak: 82.652
Mahaikide gisa hautatuak ateratzeko aukera duten pertsonak: 116.742
Mahaiburu edo mahaikide hautatuak izateko aukerarik ez duten pertsonak: 36.525
HAUTESLEKUAK ETA HAUTESKUNDE-MAHAIAK IRUÑEAN
Azpilagaña IP: 12 mahai
Bernat Etxepare IP: 6 mahai
Blanca de Navarra IP: 8 mahai
Buztintxuri IP: 10 mahai
Cardenal Ilundáin IP: 8 mahai
Doña Mayor de Navarra IP: 11 mahai
El Lago IP: 8 mahai
Elorri IP: 13 mahai
Ermitagaña IP: 10 mahai
Iturrama IP: 12 mahai
José María Huarte IP: 13 mahai
José María Iribarren IP: 8 mahai
Nicasio Landa IP: 3 mahai
Paderborn – Lezkairu IP: 14 mahai
Patxi Larrainzar IP: 16 mahai
Rochapea IP: 8 mahai
San Francisco IP: 9 mahai
San Jorge IP: 14 mahai
Vázquez de Mella IP: 7 mahai
Iturramako Civivoxa: 5 mahai
Hizkuntza Eskola Ofiziala: 6 mahai
Caro Baroja BHI: 8 mahai
Navarro Villoslada BHI: 10 mahai
Padre Moret - Irubide BHI: 8 mahai
Plaza de la Cruz BHI: 11 mahai
Amaiur Ikastola: 10 mahai
Hegoalde Ikastola: 15 mahai