Bihar, asteartearekin, 14:00etatik aurrera sanferminetan etendako erdigunerako sarrerak berriz irekiko dira Iruñean. Ordu horretan kenduko dira bideak ixteko kontrolak eta elementuak San Domingoko aldapan, Labriteko aldapan edo Gipuzkoa etorbidean. Era berean, berriz zirkulatu ahal izanen da Armada etorbideak, Nafarroa Behereko etorbideak eta Oliveto Kondearen etorbideak eta 1. sektoreak (Alde Zaharra) mugatzen duten eremuan.
Iruñeko beste eremu batzuk, hala nola Julian Arteaga, Sandoval eta Navas de Tolosa kaleeak eta Larraina elkartearen ondoko bideak, eta Zezen-plazaren inguruak, San Domingoko baratzeak, Frantziako portaleak, edo Labriteko eremuak ere ohiko itxura eta sarbideak berreskuratuko dituzte. Gasaren eskorten inguruko aparkalekuan 1. eta 8. sektoreko egoiliarrek bakarrik aparkatu ahal zuten jaietan; dagoeneko sarbidea librea izanen du, eta ohiko moduan arituko da, hau da, aparkatzeko eremu laranja gisa.
1. sektoreko egoiliarrek oraindik ere Iruñeko Domingotarren ikastetxeko kiroldegiko aparkalekua erabili ahal izanen dute egun batzuez. Uztailaren 25erako aurreikusten da egungo Runa parkeko feria-lekuan aparkatu ahal izatea, 1. sektorekoendako bakarrik baita, eta ezin izanen da Domingotarren pistako gune hura erabili.
Kamara bidezko sarbideen kontrola abian
Jaiak amaitzeak berekin dakar Alde Zaharrera eta Arantzadiko parkera sartzeko kontrol sistemak ere berriz abian jartzea. Hiriko gune horietara sartzeko matrikulak irakurtzeko bideokamerak daude, baimenduta ez dauden ibilgailuei sartzea mugatzeko Alde Zaharraren kasuan, eta Aranzadi parkeko kontrolaren kasuan egonaldia kontrolatzeko. Sarbideak kontrolatzeko sistema joan den uztailaren 5eko 22:00etan eten zen, sanferminak zirela eta.
Beste urte batez, eta sanferminetako udal-bandoan jasotzen den gisan, Iruñeko Udalak aparteko neurri horiek hartu ditu jaiak direla eta hirira etortzen diren pertsona eta ibilgailu kopurua igotzen dela leuntzeko. Sanferminek irauten duten bitartean hartutako neurri horiekin batera, Udaltzaingoak unean unean egokitzat jo dituen baldintza eta mugak ezarri ditu jaietan bide publikoko jarduerak egin daitezen.
Iruñeko Udalak gogora dakar gauerdian, Gaixoa Niren akordeak jo bitartean, eremu laranjak indarrean egoteari utziko diola eta hiriak aparkatze arautuko egoeraren normaltasuna berreskuratuko duela. Uztailaren 15etik aurrera, ordutegiak, salneurri-zerrendak eta aparkatze mugatuko kolore bakoitzaren berezitasunak operatibo egonen dira berriz, urte osoan bezala. Eremu urdin, laranja, gorri eta berde/gorriaren ordutegia honako hau da: astelehenetik ostiralera, 08:30etik 14:00etara eta 16:00etatik 20:00etara; eta larunbatetan, 08:30etik 14:00etara. Eremu berdea hala dagokien egoiliarrendako da.