Arrotxapeko auzo-eztabaidagunea astearte arratsaldean eginen da, 18:30etik 20:00etara Justarrotxako Civivoxean eta Endika Alonso auzoko zinegotzia eta udal teknikariak bertaratuko dira. Saioa aurrez aurre zein streaming bidez jarraitzen ahalko da www.pamplona.es/eu udalaren webgunean zein udalaren YouTube kanala kanalean. Bertaratzerik ez baina interesa dutenek online parte hartzen ahalko dute, emanaldiaren kanaleko txataren bidez.
Erabaki Iruña plataformaren bidez eta foros@pamplona.es helbide elektronikoaren bidez jasotako proposamen, ohar eta iradokizunak auzo eztabaidagunean erantzunen dira eta ohikoa den gisara, bitartean haurrak zaintzeko ko-heziketa irizpideak dituen zaintza-zerbitzua egonen da. Entzumen irisgarritasuneko zerbitzua ere eskainiko da: zeinu-hizkuntzako interpreteak, azpitituluak eta begizta magnetikoa, aparatuak edo inplanteak dituztenendako.
Eztabaidagunea sare sozialetan jarraitzen ahalko da #ArrotxapekoEztabaidagunea traolaren bidez. Bilera plan, proiektu eta jarduketa nagusien azalpenak emanez hasiko dute Endika Alonso zinegotziak eta teknikariek. Auzoarendako gaurkotasuneko eta intereseko gaiak ere aipatuko dira.
ARROTXAPEKO AUZO-EZTABAIDAGUNEA
• Martxoak 19, asteartea. 18:30, Juslarrocha Civivoxa
o Auzoko zinegotzia: Endika Alonso
o #ArrotxapekoEztabaidagunea traola
• Hurrengo Auzo-eztabaidagunea: Ermitagaña-Mendebaldea. Apirilak 16, asteartea
o Auzoko zinegotzia: Garbiñe Bueno
o #ErmitagañaMendebaldeakoEztabaidagunea traola