16 ikastetxetako 1.923 ikaslek Bide Hezkuntzako Eskola Lehiaketan parte hartu dute, marrazkiak eta esloganak eginez, Haur eta Lehen Hezkuntzan segurtasuna sustatzeko

16 ikastetxetako 1.923 ikaslek Bide Hezkuntzako Eskola Lehiaketan parte hartu dute, marrazkiak eta esloganak eginez, Haur eta Lehen Hezkuntzan segurtasuna sustatzeko
Goizean, 18 sari banatu dira, Iruñeko Udalaren lehiaketa honen XVIII. edizioko lanik onenak aintzatesteko

Haur eta Lehen Hezkuntzako Iruñeko 16 ikastetxetako 1.923 ikaslek hartu dute parte, guztira, beren marrazki eta esloganez, Bide Hezkuntzako Eskola Lehiaketako azken edizioan. Aurtengoa XVIII. edizioa izan da, eta lehiaketaren bidez Iruñeko Udalak eta Iruñeko Udaltzaingoak bide-hezkuntza txiki-txikitatik jakitea eta horren balioak aintzat hartzea sustatu nahi dute, eta hala egiten dute Mapfre Fundazioarekin elkarlanean. Lanik onenak goraipatzeko, zenbait sari eman dira, gaur goizean, Kondestablearen jauregian.

Iruñeko Udalak aurkeztu diren lanen arteko 18 onenak saritu ditu, ikasturte eta modalitatearen arabera (marrazkia edo eslogana). Sari horietako bi lehiaketan parte-hartzerik handiena izan duten ikastetxeei eman zaizkie: Iturrama eta El Molino ikastetxeei. Ordenagailu eramangarri bana jaso dute bi ikastetxe horiek, sari modura. Ikasle irabazle bakoitzari mendi-bizikleta eta kaskoa eman zaizkie, eta zortzi kategoria bakoitzeko onenei, maillota ere bai.

Sariak banatzeko ekitaldian Itziar Gómez Herritarren Segurtasuneko eta Elkarbizitzako jarduneko zinegotzi ordezkaria aritu da buru, eta Udalbatzako beste kide batzuk, Udaltzaingokoak eta Mapfre institutukoak ere bertan izan dira. Halaber, aurtengo edizioan parte hartu duten hamasei ikastetxe hauetako ordezkariak bertaratu dira: Azpilagaña, Calasanz, Claret Larraona, Doña Mayor, El Lago de Mendillorri, El Redín, Esclavas del Sagrado Corazón, Iturrama, La Compasión-Escolapios, San Cernin, San Jorge, Santa Teresa de Jesús, Santísimo Sacramento, Santo Tomás eta hezkuntza bereziko Andrés Muñoz Garde eta El Molino ikastetxeak.

Edizio honetan 1.408 marrazki eta 515 eslogan aurkeztu dira. Kategoriaz kategoria, “Marrazkiak - berezia” izenekoan 42 lan jaso dira; Haur Hezkuntzako 3. mailan, 218; Lehen Hezkuntzako 1. mailan, 489; Lehen Hezkuntzako 2.ean, 546; eta Lehen Hezkuntzako 3.ean, 113. Esloganei dagokienez, 197 lan aurkeztu dituzte Lehen Hezkuntzako 4. mailako ikasleek; 187 lan, Lehen Hezkuntzako 5. mailakoek; eta 131, Lehen Hezkuntzako 6. mailakoek. 

2002. urteaz geroztik Iruñeko Udalak eta MAPFRE bide-segurtasuneko institutuak hitzarmen bat sinatzen dute, zeinari esker bide ematen baitzaio lehiaketa honetarako deialdia egiteari. Udaltzaingoaren Bide Hezkuntzarako Taldea, 1990ean sortua, arduratzen da ikastetxeen parte-hartzea sustatzeaz, eta MAPFRE Fundazioak egiten du sarien finantziazioaren ekarpena. 

 

SARIAK. BIDE HEZKUNTZAKO XVIII. ESKOLA LEHIAKETA


•    1. saria    Parte-hartzea aintzatesteko    
        ITURRAMA Ordenagailu eramangarria
•    2. saria    Parte-hartzea aintzatesteko
        EL MOLINO. Ordenagailu eramangarria

•    1. saria    Marrazkiak berezia. H. Berezia    
        Geraldine Ávila. ANDRÉS MUÑOZ GARDE. Mendi-bizikleta, maillota eta kaskoa
•    2. saria    Marrazkiak – berezia. H. Berezia    
        Gabriel Larrayoz. EL MOLINO. Mendi-bizikleta, maillota eta kaskoa

•    1. saria     Marrazkiak Haur Hezkuntza. Haur Hezkuntzako 3. maila    
Naiara López-Gurpegui Jiménez. SAN CERNIN. Mendi-bizikleta, maillota eta kaskoa
•    2. saria     Marrazkiak – Haur Hezkuntza. Haur Hezkuntzako 3. maila
        Ahmed Kharbach Marchouch. AZPILAGAÑA. Mendi-bizikleta, maillota eta kaskoa

•    1. saria    Marrazkiak-1. Lehen Hezkuntzako 1. maila    
        Gysele González Martín. LARRAONA. Mendi-bizikleta, maillota eta kaskoa
•    2. saria    Marrazkiak-1. Lehen Hezkuntzako 1. maila    
Haizea Martínez-Polo Onsalo. LA COMPASIÓN-ESCOLAPIOS. Mendi-bizikleta, maillota eta kaskoa

•    1. saria    Marrazkiak-2 Lehen Hezkuntzako 2.maila    
Izan Iribarren. ESCLAVAS DEL SAGRADO CORAZÓN. Mendi-bizikleta, maillota eta kaskoa
•    2. saria    Marrazkiak-2. Lehen Hezkuntzako 2.maila    
        Irene Torres Martinov. SANTO TOMÁS (AMA DOMINGOTARRAK). Mendi-bizikleta, maillota eta kaskoa

•    1. saria    Marrazkiak-3. Lehen Hezkuntzako 3. maila    
David Bernal Ansó. SANTO TOMÁS (AMA DOMINGOTARRAK). Mendi-bizikleta, maillota eta kaskoa
•    2. saria    Marrazkiak-3. Lehen Hezkuntzako 3. maila
        Ainara Marín. ESCLAVAS DEL SAGRADO CORAZÓN. Mendi-bizikleta, maillota eta kaskoa

•    1. saria      Eslogana 1. Lehen Hezkuntzako 4. maila    
Hugo Vilariño Ramírez. SANTA TERESA. Mendi-bizikleta, maillota eta kaskoa
•    2. saria      Eslogana 1. Lehen Hezkuntzako 4. maila    
        Laura Bucur. ITURRAMA. Mendi-bizikleta, maillota eta kaskoa

•    1. saria      Eslogana 2. Lehen Hezkuntzako 5. maila    
Alex Mañas Calvo. DOÑA MAYOR. Mendi-bizikleta, maillota eta kaskoa
•    2. saria      Eslogana 2. Lehen Hezkuntzako 5. maila    
        Irune Iragui Nicolás. SANTO TOMÁS (AMA DOMINGOTARRAK). Mendi-bizikleta, maillota eta kaskoa

•    1. saria      Eslogana 3. Lehen Hezkuntzako 6. maila    
Sara Aldaya Treepet. ESCLAVAS DEL SAGRADO CORAZÓN. Mendi-bizikleta, maillota eta kaskoa
•    2. saria      Eslogana 3. Lehen Hezkuntzako 6. maila    
        Eider Rodríguez Suárez. SANTO TOMÁS (AMA DOMINGOTARRAK). Mendi-bizikleta, maillota eta kaskoa

Irudia