LOGROÑOKO HARRIZKO ZUBIA, SANTIAGO ELIZA ETA ANTZARA-JOKOA
Zubiak ongietorria egiten die erromesei hirira. Ebroren beste aldean, eliza itzelaren alde batean Donejakue bidearen motiboak dituen antzara-joko erraldoi bat dago.
Logroñoko Udalak utzitako irudia.
LOGROÑOKO SANTA MARÍA DE LA REDONDA ELIZA
Kolegio-eliza izan zen 1959ra arte, eta handik aurrera katedral bihurtu zen. Gaur egungo tenplua XV. mendekoa da, eta fatxada, XVIII. mendekoa; La Redonda izena orube horretan bertan izan zen eta oinplano oktogonala zuen eliza erromanikotik datorkio.
PINTXOAK LAUREL KALEAN ZEHAR
"Elefanteen bidea" izenaz ezaguna, erdigune historikoko hainbat kalek, tabernaz josita, miniaturazko gastronomia eta lurraldeko ardo bikainak eskaintzen dituzte.
Errioxako Turismoko alorrak utzitako irudia.
SAN JUAN DE ACRE ERROMESENDAKO OSPITALEAREN AZTARNAK
XII. mendeko erromesendako ospitale zahar baten indusketa arkeologikoa. Haren portada ikus daiteke Navarreteko hilerriaren sarreran.
SAN SATURNINO ELIZA ETA BIDEKO MUGARRIAK
Ventosa herriaren gaineko muinoaren goialdean dagoen harlanduzko eraikina da, adreiluzko dorre karratua duena. XVI. mendeko portada gotikoa dauka, inguruko animaliekin eta landareekin apaindua, eta panoramika erakargarria du. Herriaren irteeran Bidearen mugarriak daude. Tradizioaren arabera, zure bizilekuko harriak edo Bidean aurkitzen dituzunak uzten badituzu, desio bat eskatu dezakezu eta bete eginen da.
Errioxako Turismoko alorrak utzitako irudia.
ERROLANEN MUINOA
Errioxako mahastien bista zoragarriak dituen muinoa. Kondairaren arabera, behin eta berriz Bidean zehar hainbat kondairatan eta kapiteletan errepikatzen den Errolan eta Ferraguten mitoaren lekuko izan zen.
NAIARAKO ANDRE MARIA ERREGINAREN MONASTERIOA
Naiara Iruñeko erresumaren parte zenean (XI. mendea) Nafarroako lurretan zegoen eta García Sánchez III.aren errege-ekimen bat izan zen, ehiza-partida batean zegoela, Ama Birjinaren irudi bat, kanpai bat, lanpara bat eta azukre-pitxer bat ezkutatzen zituen kobazulo bat aurkitzean bururatu zitzaiona. Handik denbora batera, leku horretan bertan altxatu zuen monasterioa, Calahorra konkistatzen laguntzeagatik Ama Birjinari eskerrak emateko.
Nafarroako Turismoko alorrak utzitako irudia
SUSO ETA YUSOKO MONASTERIOAK
San Millán de la Cogollan kokatuak, bi monasterioak Gizateriaren Ondare izendatu ziren 1997an, eta balio historiko, artistiko, erlijioso, linguistiko eta literario handia dute.
SANTO DOMINGO DE LA CALZADAKO KATEDRALA
Eliza erromesaldiko eliza tipiko gisa antolatuta dago (Donejakue bidean zehar dagoen eredua). Kapera ugari ditu, eta burualdean korridore bat dago, deanbulatorio edo girola izenekoa, jainkozko elizkizunean sartu gabe ibiltzeko aukera ematen duena. Alde batean San Domingoren hilobia dago, Erdi Aroko hilobi-eskulturaren obra gorena.
Santo Domingo de la Calzada erromesen zerbitzura bizitza eman zuen erlijiosoa izan zen, eta ospitaleak, zubiak eta Naiararen eta Redecillaren arteko bidearen zati bat eraiki zituen. Bitxia da hiriak oilo baten irudiarekin duen lotura, zeinaren jatorria Santo Domingori egotzitako mirari bat baita; horren arabera, egin ez zuen lapurreta batengatik urkatu nahi zuten Alemaniako erromes gazte baten bizitza salbatu zuen; errugabea zela erakutsi zuen hiribilduko korrejidore sinesgogorraren aurrean oilo erre bat saltaraziz eta kantaraziz. Hortik dator esaera famatu hau: «Santo Domingo de la Calzada, donde cantó la gallina después de asada»/«Santo Domingo de la Calzada, non oiloak kantatu baitzuen erreta egon ondoren».
Errioxako Turismoko alorrak utzitako irudia
INFORMAZIO PRAKTIKOA
- Herria: Santo Domingo de la Calzada
- Helbidea: Kristoaren kalea z.g. 26250. Santo Domingo de la Calzada.
- Telefonoa: 941 340 033 Posta
- E-maila
- Webgunea
- Sarrera: katedrala 7 €/ San Frantzisko komentua 4 €/ dorrea 4 €/ - Eskumuturreko turistikoa 9 €/erromesendako eskumuturrekoa 5 € (GUTXI GORABEHERAKOAK)
- Bisita gidatuak eta audiogidak daude.