1. Gaiak
  2. Kirola
  3. Helduen eta adinekoen kirola

Helduen eta adinekoen kirola

Gimnasia aerobiko modernoa

Erabilera anitzeko eta intentsitate ertain/baxuko kirol-eskaintza, helduen egoera fisiko onari eustera bideratua. Udalaren hainbat kirol-instalazio eta ikastetxetan eskaintzen da.

Argibide gehiago

50 urtetik gorakoendako yoga

50 urtetik gorakoendako kirol-eskaintza, izaera orokorrekoa, erlaxatzera eta meditatzera zuzendua eta jatorri hinduko diziplina honetako teknikak erabiltzen dituena. Udalaren hainbat kirol-instalaziotan eta Mendillorriko Civivox zentroan eskaintzen da.

Argibide gehiago
Irudia

Kirol terapeutikoa

“Citius, Longaevus, Fortius” kirol terapeutikoko udal-programa ariketa fisikoaren eta kirol terapeutikoaren nahiz beste gizarte-jarduera komunitario batzuen preskripziorako zerbitzua da, eta Iruñeko osasun zentroek bideratzen dituzte pertsonak jarduera horietara. 45 eta 85 urte bitarteko pertsonei zuzendua dago, eta haren oinarrizko helburua da aurre egitea nahi ez den bakardade-egoeran dauden pertsonekin loturiko arazo soziosanitarioei, zaurgarritasunari, sedentarismoari eta jarduera fisikorik ezari. Preskripzio-eredua 2022ko apirilean aurkeztu zen. Gaur egun, Iturramako, Txantreako, II. Zabalguneko, Azpilagañako, Etxabakoitzeko, Milagrosako, Donibaneko, Mendillorriko eta Lezkairuko Osasun Zentroek egiten dituzte lehen errezetak; eska itzazu zentro horietan!. 

Kontsultatu hemen 2026an Mendillorrin (maiatzaren 6an) eta Milagrosan (maiatzaren 21ean) egindakoak.
 

Programa hau honako proiektu hauekin osatzen edo koordinatzen da:

‘‘Kirol- eta Gizarte-Errezeta proiektuen kudeaketa” proiektua

2022ko urtarrilean jarri zen abian ariketa fisikoaren eta kirol terapeutikoaren preskripzio prozesu ziklikoak eta komunitateko beste jarduera sozial batzuk koordinazioaren, diseinuaren, inplementazioaren eta etengabeko ebaluazioaren bidez kudeatzeko “Kirol- eta Gizarte Errezeta”-ko programa hau. Preskripzio-proiektuen kudeatzailearen figura kontratatzea dakar berekin. 
Proiektuaren xehetasunak hemen: https://hacienda.navarra.es/sicpportal/mtoAnunciosModalidad.aspx?Cod=240130094401B0FA97B3

“Minutuak zure kontagailurako” proeiktua

2021eko ekainean abiatu zen eta adin-taldeen arabera hautatutako eta segmentatutako baliabideak eskaintzen ditu, ariketa fisikoa modu autonomoan –gainbegiratze profesional gutxirekin edo gabe– eta hainbat espaziotan (etxea, aire zabaleko hiri-espazioak eta naturguneak) egin ahal izateko. Adin guztietako pertsonei zuzendua. Errezeta duten pertsonek egin ahal dituzten jarduera-motetako bat da. 
Proiektuaren xehetasunak hemen: http://minutosatucontador.pamplona.es/

“50 urtetik gorakoendako yoga, haren eragin terapeutikoa indartzeko” proiektua

2021eko urritik 2022ko urtarrilera abiatu zen, eta berekin dakar yogako udal-ikastaroen eragin terapeutikoa indartzeko estrategiak txertatzea (irakaskuntza-metodologia aldatzea, egoera fisikoaren testa, pamPSaporte SANUS estrategia). Errezeta duten pertsonek egiten ahal dituzten jarduera-motetako bat da.
Proiektuaren xehetasunak hemen: https://hacienda.navarra.es/sicpportal/mtoAnunciosModalidad.aspx?Cod=21…

“Gimnastika aerobiko modernoko ikastaroak, haren eragin terapeutikoa indartzeko” proiektua

2021eko urritik 2022ko urtarrilera abiatu zen, eta berekin dakar Gimnastika aerobiko modernoko udal-ikastaroen eragin terapeutikoa indartzeko estrategiak txertatzea (irakaskuntza-metodologia aldatzea, egoera fisikoaren testa, pamPSaporte SANUS estrategia)
Proiektuaren xehetasunak hemen:https://hacienda.navarra.es/sicpportal/mtoAnunciosModalidad.aspx?Cod=21…;

Abian proiektua

65 urtetik gorakoei zuzendutako jarduerak, non, besteak beste, ariketa fisikoa eta memoria-jarduerak uztartzen baitira. Ariketa fisikoa + Gizarte-jarduerak. Errezeta bat duten pertsonak bideratzeko ariketa mota bat da.
Proiektuaren xehetasunak: https://hacienda.navarra.es/sicpportal/mtoAnunciosModalidad.aspx?Cod=21…  

Hiri-gimnasioak dinamizatzeko proiektua errezeta dutenendako

Hiriko gimnasioetan eskura dauden makinak eta beste ekipamendu batzuk egoki erabiltzen ikasteko saioak, doan. Saioetan parte hartzeko kirol- eta gizarte-errezeta bat eduki behar da.

Solera fundazioaren jardueren proiektua

Iruñeko Udala eta Solera fundazioaren arteko hitzarmen baten esparruan, Nafarroako Rural Kutxaren finantzaketarekin, ahalbidetzen da kirol- eta gizarte-errezeta dutenek aipatutako fundazioak antolatutako zenbait jardueretan parte hartu ahal izatea, zahartzaro aktibo eta osasungarriarekin bat eginez. Jarduera horiek hainbat baldintza betetzen dituzte kirol terapeutikoko udal-programan sartu ahal izateko.

“Martxan” proiektua

65 urtetik gorakoendako jarduerak, besteak beste, ariketa fisikoa eta memoria-jarduerak konbinatzen dituztenak. Ariketa fisikoa + Gizarte-jarduerak. Errezeta bat duten pertsonak bideratzeko ariketa mota bat da.

Ikastaroen eta aholkularitza pertsonalizatuaren proiektua Udal Kirolguneetako muskulazio gelan 

Gidatutako kirol jarduerak eta ariketa fisikoa egiteko banakako argibideak Arantzadiko eta Sanduzelaiko Udal Kirolguneetako muskulazio geletan Errezeta dutenek kirol terapeutikoko programako gizarte- eta osasun-premiei erantzuteko deskontuak eta banakako aholkularitza-zerbitzu jakin batzuk dituzte haien eskura. Argibide gehiago webgune honetako “Jarduerak kirolguneetan” atalean.

Adinekoendako bideo-joko aktiboen programa  

Adinekoei zuzendutako bideo-joko aktibo saioak hainbat oinarrizko gaitasun fisiko lantzeko, hala nola oreka, erresistentzia, erritmoa eta koordinazioa, giro jostagarrian eta profesional batek gainbegiratuta. Saioetan parte hartzeko kirol- eta gizarte-errezeta bat eduki behar da.

La Caixa Fundazioaren Lagundutako Beti proiektua

2020az geroztik Iruñeko Udalak eta La Caixa Fundazioak lankidetza hitzarmen bat dute sinatuta entitate horrek hautatu gabeko bakardadean dauden adinekoei arreta emateko duen programa gauzatze aldera. Kirol- eta gizarte-errezeta bat duten pertsonek, hiriko beste pertsona batzuen artean, zerbitzu horren laguntza jaso ahal izango dute.

“Mugi zaitez udan” proiektua

Udan kirol- eta gizarte-errezeta duten pertsonei bakarrik zuzendutako Udalaren kirol-eskaintzen multzoa. Batez ere aire zabalean egiten dira, eta jarduera hauek barne hartzen dituzte: besteak beste, hiri-gimnasioetako jarduerak, ibilketa nordikoak eta bideojoko aktiboen saioak.

"Adinekoen sareetako jarduera fisikoak” proiektua

Iruñeko adinekoen sareak proiektuari atxikitako auzoetako bizilagunak eta erakundeak babesten ditu, eta adinekoen babesa eta zaintza sustatzen ditu Iruñeko Udalarekin elkarlanean. Besteak beste, askotariko jarduera fisikoak eskaintzen dira sareetan, “Citius, Longaevus, Fortius” programarako baliabide komunitarioen vademecumaren zati direnak. 

Proiektuaren xehetasunak: Adinekoen sareak | Iruñeko Udala

“Civivox zentroetako jarduera fisikoak” proiektua

Iruñeko Udalaren Kulturako Alorrak kudeatzen ditu hiriko Civivox zentroak, eta gune horietan hainbat ikastaro eta jarduera programatzen dira urtero. Eskaintza horren barruan daude jarduera fisikoak eta kirolak, eta haietako batzuk badituzte kirol- eta gizarte-errezeta duten pertsonendako gordetako plaza batzuk. 

Informazio gehiago Civivox zentroen gainean eta haien jarduerei buruz: CIVIVOX ZENTROAK | Iruñeko Udala

AEDONA kirol anitzeko elkarteen kirol eskaintzetan plazak jartzea

Iruñeko Udalak kirol- eta gizarte-errezeta bat duten pertsonentzako plazak kontratatzen ditu hiriko kirol-eskaintza pribatu jakin batzuetan, irabazi-asmorik gabe. Zehazki, eskaintza horiek gaur egun eskaintzen dira, bai SCD Echavacoizekin 2025. urtearen hasieratik, bai Larraina Kirol Zelaiarekin 2026. urtearen erdialdetik.

Plaza horiek erabiltzeko, AEDONA osatzen duten kirol anitzeko sozietateek hainbat baldintza bete behar dituzte, udaletan finkatuta daudenak, "Citius, Longaevus, Fortius" programaren helburu sozio-sanitarioen inguruan egoki lerrokatuta eta aprobetxatuta daudela bermatzeko.

Nafarroako Kutxa Fundazioaren eta Convive Zentroen zahartze aktiboko jardueren proiektua

Iruñeko Udalaren eta Nafarroako Rural Kutxaren arteko hitzarmen baten esparruan, ahalbidetzen da kirol- eta gizarte-errezeta dutenek parte hartu ahal izatea aipatutako fundazioak hiriko Convive Zentroetan antolatutako zenbait jardueretan, zahartzaro aktibo eta osasungarriarekin bat eginez. Jarduera horiek hainbat baldintza betetzen dituzte kirol terapeutikoko udal-programan sartu ahal izateko.

Zerbitzuak ikasteko ekimenak

Nafarroako Ikasketa eta Zerbitzu Solidarioko Sarearen laguntzarekin, kirol eta gizarte errezeta bat duten pertsonek Iruñeko unibertsitateaz kanpoko ikastetxeen zerbitzua ikasteko ekimenetan parte har dezakete.

Larraona Claret ikastetxea, "Herritarren Patruila" proiektuarekin, kirol eta gizarte errezeta bat duten pertsonak Gorputz Hezkuntzako eskoletan hartu dituen lehen zentroa da. Horrela, ikaskuntzan eta osasunean eragin oso positiboak dituen belaunaldien arteko espazio bat sortu da.

App-Intranet Receta
Irudia
logo gobierno
Irudia
logo

Martxan

65 urtetik gorako Iruñeko lagunei zuzendutako jarduera-sorta, non ariketa fisikoa, pasealdiak, memoria-jarduerak eta solasaldiak uztartzen baitira. 

2025-2026 Martxan programa

Adinekoen Sareko Jarduera Fisikoak

Adinekoen Sareen jardueren eskaintzaren artean, auzo jakin batzuetan jarduera fisiko eta kirol jarduera batzuk antola daitezke.
 

Informazio gehiago
image

Jarduerak kirolguneetan

Sanduzelaiko eta Arantzadiko Udal Kirolguneek aldian-aldian kirol-eskaintza propioak proposatzen dituzte horien kirol-instalazioetako abonatuendako zein abonatu ez direnendako

Kiroldegietako jarduerak

Gimnasioa duten udal-kiroldegietan prestakuntza- eta orientabide-jarduerak egiten ahal dira noizean behin, ekipamendua ahalik eta egokien erabiltzeko. Atal honetan haien berri ematen da.  

 

Buztintxuriko kiroldegia
Mendillorriko kiroldegia