ABIAPUNTUA: ALACANT
HELMUGA: BENAVENTE
DISTANTZIA: 670 km.
Hego-ekialdeko bidea Alacanten hasten da, eta Albacete, Cuenca, Toledo, Madril, Ávila, Valladolid eta Zamora probintzietan zehar doa, eta azken horretan Zilarraren bidearekin bat egiten du, Santiagora heltzeko.
Albaceteren eta Medina del Camporen arteko hainbat tartetan, ibilbideak bat egiten du Levanteko bidearekin eta, zenbait kilometrotan zehar, antzekoak edo paraleloak dira.
Ibilbide historiko hori Pedro Juan Villugaren 1546. urteko testu batean deskribatzen da, eta idatzitako lan horri esker, 1994. urtean berreskuratu ahal izan zen.
Historia
Mediterraneoko portuak komunikazio-gune oso garrantzitsuak izan dira beti. Horixe da Murtziako, Alacanteko eta Valentziako portuen kasua, Hego-ekialdeko bidearen hiru abiapuntuak. Levanteko bidean bezala, itsas garraioaren bidez penintsulara Italiako, Siziliako, Korsikako eta Greziako erromesak heltzen ziren, eta 670 kilometroko ibilaldi bat egiten zuten Zilarraren bidearekin bat egin arte. Behin hara iritsita, bi aukera daude: Sanabriako bidea hartzea Santiagoraino, edo Astorgara igotzea Frantziako bidearekin bat egiteko. Toledo da ibilbide horrek igarotzen duen hiririk garrantzitsuena, baina aipatu behar da probintzia ugari ere zeharkatzen dituela, horrek dakarren paisaia-aberastasunarekin: Albacete, Cuenca, Toledo, Madril, Ávila, Valladolid eta Zamora. Lehen aipatu bezala, hein handi batean bat dator Levanteko bidearekin.
ERROMESENDAKO INFORMAZIOA
Erdiko tarteetan zerbitzuak Frantziako bidean baino urriagoak diren arren, erromese-aterpetxeak edo harrera-guneak daude, baita hotelak ere.
Bide laua da baina etapa batzuetan tenperatura asko aldatzen da uda eta neguaren artean, gogorragoak bihurtuta.