PEDRAFITA DO CEBREIROKO ANDRE MARIA ERREGINAREN ELIZA
IX. mendearen erdialdeko Galiziako Goi Erdi Aroko arkitekturaren adibidea. Erromesendako ostatu gisa sortu zen, Santiagorako azken etapetako batean. Benetako harribitxiak gordetzen ditu, hala nola kaliza, patena eta erlikia-ontzia. Lehenengo biak urregintzako bi pieza erromaniko dira, interes handikoak.
Galiziako Turismoko alorrak utzitako irudia.
Galiziako Turismoko alorrak utzitako irudia
INFORMAZIO PRAKTIKOA
- Herria: Pedrafita do Cebreiro
- Helbidea: Cebreiroko Andre Maria Erreginaren elizaren parean
- Telefonoa: 982 82 87 30
PEDRAFITA DO CEBREIROKO PALLOZAK
Zelta jatorriko etxe horiek Espainiako eskualde honetan bakarrik ikus daitezkeen eraikin paregabeak dira. Hamar eta hogei metro bitarteko diametroko oinplano zirkularra edo obala, harrizko hormak eta teilatu konikoa dituzte.
SAMOSEKO MONASTERIOA
Estilo erromanikoa, gotikoa, errenazentista eta barrokoa biltzen dituen monasterio-multzoa; Bidearen historiaren laburpen bikaina. VI. mendean sortua, duela 15 mendetik hona monjeak bizi izan dira bertan ia etenik gabe.
Galiziako Turismoko alorrak utzitako irudia
BARBADELO DE SARRIAKO SANTIAGO ELIZA
XII. mendekoa, lekaideen eta lekaimeen monasterioa izan zenaren gainean eraiki zen, eta horregatik, gaur egun, Mosteiro esaten zaio lekuari. Oraindik ere badu bere originaltasun erromanikoaren zati bat, XVIII. mendeko gehigarriekin uztartuta.
SAN NIKOLAS PORTOMARÍNGOA
XIII. mendean eraikitako gotorleku-tenplua, Jerusalemgo San Joan Ordenarena izan zena, harriz harri berreraiki behar izan zen gaur egun dagoen tokian, bestela, 1963an urtegi baten eraikuntzaren ondorioz urpean geratuko zen. Gurutze-gangaz eta kanoi zorrotzez estalitako bost atal dituen nabe bat du. Dorreek erremate almenaduna dute.
Galiziako Turismoko alorrak utzitako irudia.
INFORMAZIO PRAKTIKOA
- Herria: Portomarín
- Helbidea: Fenosa kondearen plaza 1
- Telefonoa: 982 54 50 65 (parrokoaren etxea)
Galiziako Turismoko alorrak utzitako irudia.
INFORMAZIO PRAKTIKOA
- Herria: Palas de rei
- Helbidea: 27216 Palas de Rei, Lugo
- Telefonoa: 982. 38. 07. 63 (parrokoa) 982 38 00 01 (Turismo Bulegoa)
- E-maila
VILAR DE DONASEKO SAN SALBATORE ELIZA
Eliza emakumezkoen mosteiro (monasterioa, galegoz) baten zati izan zen, non Arias de Monterroso familiako damek zin-hitzak esan baitzituzten (hortik datorkio «de Donas» ezizena). Elizpea duen tenplu erromanikoaren adibide ederra da.
PAMBREKO GAZTELUA PALAS DE REIN
Galiziako geografian hobekien kontserbatutako gazteluetako bat da. Noblezia-arkitekturaren lagin bat, defentsa-kutsukoa, lubanarroa barne. Bere eginkizunetako bat, hain zuzen ere, Donejakue bidea zaintzea zen.
