Donejakue Bideko Udalerrien Elkarteak utzitako irudia.
SAN JUAN DE ORTEGA ELIZA
1080. urtean jaiotako Juan de Ortega Santo Domingo de la Calzadaren dizipulua izan zen. Jerusalemeraino joan zen erromes, eta itzuli zenean, Bidean ospitaleak, elizak eta zubiak eraikitzea sustatu zuen. Eliza XII. mendekoa da, erromanikoa beraz, mausoleo bikaina eta santuaren hilobia bezala.
ATAPUERCAKO MENDILERROKO AZTARNATEGIA
Aztarnategi arkeologiko eta paleontologikoa da, eta Iberiar penintsulako gizakien aztarnarik zaharrenak aurkitu dira bertan. 2000. urtean Gizateriaren Ondare izendatu zuten. Hemen gordetzen da gaztelaniazko agerpen idatzirik zaharrena.
Atapuercako Turismo Bulegoak utzitako irudia.
Donejakue Bideko Udalerrien Elkarteak utzitako irudia.
BURGOSEKO KATEDRALA
1221ean hasia Fernando III.a Santua erregearen aginduz, Donejakue bideko monumentu artistiko garrantzitsuenetako bat da. Frantziako iparraldeko katedral gotiko handiekin dituen antzekotasunak nabarmenak dira. Erdi Aroko elementuen artean hauek nabarmentzen dira: bi dorre bikiak, Sarmental portadako erliebeak, aldarearen atzealdea, Kondestablearen kapera, zinborioa eta klaustroa. Baina bere elementu errenazentistak ere deigarriak dira: koruko aulkiteria, Urrezko eskailera, erretaula nagusia. Gizateriaren Ondare izendatu zuten 1984an.
BURGOSEKO SANTA MARÍA LA REAL DE LAS HUELGAS MONASTERIOA
Monasterio-multzo mudejarra, eliza, klaustroak, kaperak eta lorategiak dituena. Espainiako emakumeen monasterio zistertar nagusia da, eta Gaztelako koroan ezarri ziren guztien buru. Hemen etorkizuneko erregeak zaldun izendatu, koroatu eta lurperatu ere egiten zituzten.
INFORMAZIO PRAKTIKOA
- Herria: Burgos
- Helbidea: San Fernando Erregearen plaza z.g. 09003. Burgos
- Telefonoa: 947 28 88 68
- Webgunea
- Sarrera: doan
ANDRE MARIAREN ARKUA
Arlanzon ibaiaren pasealekuaren parean eta Burgoseko harri zurixkaz eraikia, hirira sartzeko ate monumental honek Erdi Aroko estiloa eta Errenazimentuko estilo berria nahasten ditu. Bere errege eta nobleen eskulturak, erretaula baten itxura gogorarazten duten horma-hobi batzuetan banatuta daude.
CASTROJERIZEKO SAGARRONDOKO ANDRE MARIA KOLEGIATA
XIII. mendeko eliza, estilo erromanikoan hasia, gotikoan amaitua eta, ondoren, XVII. mendean, handitua. Bertan, Sagarrondoko Andre Mariaren irudi gurtua dago.
Castrojerizeko Udalak utzitako irudia