Giza baliabideak
Udal-plantilla
2016an, Iruñeko Udalaren Plantilla Organikoa onetsi zen, estreinako aldiz 2011tik. Modu berrian taxutu zen plantilla, langileak antolatzeari dagokionez, aurreko urteetakoarekin alderatuta, udal-politika eta -jarduketa berrien beharrak asetzeko helburuz.
Hartara, lan-eskaintza publikoa egin zen 2016rako, 17 lanpostu hartu zituena: bederatzi udaltzain; bi, Zerga Ikuskaritzarako; hiru goi-mailako teknikari, Gizarteratzerako; bat, Esku-hartze Delegaturako; eta teknikari bana Partaidetzarako eta Euskararako. Estatu mailako aurrekontu-araudiarekin bat egin zen lan-eskaintza publikoa, eta legearen arabera ezarritako berriztapen-tasekin.
| 2012 | 2013 | 2014 | 2015 | 2016 | |
|---|---|---|---|---|---|
| IRUÑEKO UDALA | |||||
| Funtzionarioak | 987 | 987 | 936 | 901 | 890 |
| Aldi baterako langileak | 286 | 259 | 315 | 372 | 369 |
| 'HAUR ESKOLAK' ERAKUNDE AUTONOMOA | |||||
| Lanaldi osoa | 117 | 117 | 117 | 150 | 149 |
| Lanaldi murritza | 20 | 16 | 16 | 32 | 33 |
| HIRIGINTZA-GERENTZIA | 30 | 30 | 30 | 33 | 33 |
| GUZTIRA | 1440 | 1449 | 1414 | 1488 | 1474 |
Hautapen-prozesuak
24 hautapen-prozesu abiatu ziren 2016an. Haietako 16 urte horretan itxi ziren, eta gainerako 8ak 2017an itxiko dira. Hasi eta bukatu egin ziren ondoko hautapen-prozesuak, teknikari mailakoak: ingeniari kimikoa zein Berdintasuna, Gazteria, Partaidetza eta Mugikortasuna alorretakoak, baita Mugikortasunerako eta Babes Zibilerako laguntzaile-postuak zein gradu-ertaineko tituluduna ingurumen-heziketan
Joaquín Maya Musika Eskolarako irakasleak ere hautatu ziren: klarinetea, akordeoia eta gitarra. Gizarte Ekintzako eta Komunitate Garapeneko Alorraren barruan, ondokoak egin ziren: enplegura bideratutako Aranzadi prestakuntza-proiekturako zuzendaritza; Pintura eta Hiri-altzarietako lantaldearen pertsona arduraduna (Gizarte Enplegua) eta Igeltserotzako monitorea. Halaber, Mugikortasunaren eta Ingurumen-Heziketako Programen arteko koordinazioaren arduradunak hautatu ziren.
2017an itxiko diren beste deialdi batzuk ere abiatu ziren: Lizentziadunak Zuzenbidean edo Mikrobiologian; gradu ertaineko tituludunak Lorategietarako, saxofoi-irakasle bat, Euskara, Lorategiak eta Bulego Estrategikoak zerbitzu-burutzez arduratzeko pertsonak edo Hiri Kontserbaziorako arduradun orokor bat.
Negoziaketa kolektiboa
Ordezkaritza sindikal berriak funtzionarioen lan-baldintzen inguruko hitzarmena, 2015ean hasi baitzen, negoziatzen jarraitzen du.