Ultreia, erromesen harrera eta Donejakue Bidearen Interpretazio Zentroa

ULTREIA, ERROMESEN HARRERA ETA DONEJAKUE BIDEAREN INTERPRETAZIO ZENTROA, Iruñeko Alde Zaharreko erdigunean kokatuta dagoena, baliabide interaktiboen eta ikus-entzunezko baliabideen bitartez hiriaren historia eta honek Donejakue Bidearekin duen harremana aurkezten digu. Irisgarritasun unibertsaleko gune izateko sortu zuten, eta horregatik publiko guztiei egokitzen zaie. 

ERROMESEN HARRERA ETA DONEJAKUE BIDEAREN INTERPRETAZIO ZENTROA

Nafarroako errege-erreginek Donejakue Bidea finkatzen modu erabakigarrian lagundu zuten. Antso III.a, Nagusia (1004-1035) erregeak erromesbidea Errioxako lautadarantz bideratu zuen. Hala berak nola haren oinordekoek bidea sustatu zuten, eta erromesak babesteko lehenengo neurriak hartu zituzten: ibiltarientzako zerbitzuak zituzten biziguneen sorrera erraztea eta ospitaleen nahiz monasterioen eraikuntzaren sustapena. 

Populatzaile gehiago iristearekin batera, arte erromanikoa loratu eta eragin klunitarra iritsi zen. XII. mendean, Aymeric Picaud-ek Donejakue Bideko lehen gidatzat hartzen dena idatzi zuen, Codex Calixtinusa, eta bertan ibilbidea zehatz-mehatz zehazten da.

Aldi batez goia jo ondoren, XVI. mendean bideak arriskutsuak bihurtu ziren. Erlijio-gerrek Europa txikitu zuten eta protestantismoa eta izurri beltza ekarri zituzten. XIX. mendean, León XIII.a Aita Santuak, bulda baten bidez, Santiago de Compostelan dagoen Santiago apostoluaren hilobiaren egiazkotasuna berretsi zuen. Nolanahi ere, bidearen berpiztea XX. mendean eman zen, batez ere 70eko hamarkadan. Donejakue Bidearen lagunen elkarteak sortu ziren, Europako Lehenengo Kultur Ibilbidea (1987) izendatu zuten, baita Gizateriaren Ondare (1993) ere. Horiek guztiek bultzada handia eman zioten.

 

Guneraren banaketa

1. esparrua. Sarrera eta harrera-gunea

2. esparrua: Jacob@ccess

Nafarroa zeharkatzen duten Donejakue Bideko ibilbideak garatuko dira: Frantziako bidea, Aragoikoa, Baztangoa eta Ebrokoa. 

 

3. esparrua: Iruña, Bideko lehena

Donejakue Bideko ibilbide historikoei loturiko edukiak taula irudidunen bidez garatzen dira: Artea, kultura, ondarea eta, azkenik, gastronomia.
Braillezko argibideak daude, eta gurpildun aulkien mailara egokitutako pantaila ere bai; eta ikusteko desgaitasuna dutenentzat, entzunezko azalpenak eskaintzen dituzten pantailak.

Eremu honetako ardatza hiriko interesguneak dira, hala nola katedrala, Erdi Aroko elizak, Ziudadela eta harresiak, lorategiak, museoak, etab. Horrez gain, hiriko ibilbideak aipatuko dira, baita gastronomia ere, tokiko berezko produktuen bitartez.

 

4. esparrua: Iruñea, bidegurutzea

Eremu honek Iruñearen sorreraren historia katramilatsu eta aberatsa agertzen du. Hiriaren historian sakondu eta mendeetan zehar nola garatu zen kontatzen du, Donejakue bideak betidanik garapen horretan izan duen paper erabakigarria azpimarratuz.

 

5. esparrua: Izarren bidea

Multiproiekziorako gunea.
Hemen, Erdi Aroko erromes baten bizipena kontatzen da, kontakizunak Bidearen Nafarroako etapak barne hartzen dituelarik. Bisitariari azken belaunaldiko museografiaz, tamaina handiko ikus-entzunezkoek, multiproiekzioek eta eszenografiek zentzumen-bizipen osoa eskainiko diote.

Informazio praktikoa

Helbidea: Kale Nagusia, 20.

Telefonoa: (+34) 948 420 705

E-mail: ultreia@pamplona.es

WhatsApp: (+34) 686 553 296

 

KEXAK ETA IRADOKIZUNAK

Ibilbidea:

     Iruña Bidea da

     Iruña Harresiak dira

    Ordutegia:

    Behe-denboraldia (Azaroak 1etik Martxoak 15era)

    • Asteartetik igandera, 10:00etatik 14:00etara.

     

    Erdi-denboraldia (Martxoak 16tik Ekainak 30era eta Irailak 16tik Urriak 31era)

    • Asteartetik igandera, 10:00etatik 14:00etara.

     

    Goi-denboraldia (Uztailak 1etik Irailak 15era)

    • Asteartetik larunbatera, 10:00etatik 14:00etara eta 16:00etatik 20:00etara.
    • Igandeak, 10:00etatik 14:00etara

       

      Abenduaren 25ean eta urtarrilaren 1ean eta 6an itxita.

       

      Bisita:

           Prezioa: doan

           Iraupena: 45 minutu

           Gehienezko aforoa: 12 pertsona

           Bisita audiogiden bidez eginen da

           Hizkuntzak: gaztelania, euskara, ingelera eta frantsesa

           *Taldeentzat aldez aurretik erreserba egin behar da

       

      Informazio gehiago: Ultreiako aurkezpen dosierra

      Irekiera urtea: 2019

        Irudia
        Irudia
        Irudia
        Irudia

        JACOB@CCESS

        Proiektuaren bazkideek mugaz gaindiko azpiegitura-sarea sortu dute, desgaitasuna dutenak mugaz gaindiko lurraldeetako kulturara hobeki iritsi ahal izan daitezen diseinaturik. Donejakue bideari lotutako sarea da, eta lankidetza emanen du irisgarritasun “materialaren” (higiezinen eta higigarrien banaketa) zein “immaterialaren” (desgaitasuna duten pertsonek erabiltzeko diseinaturiko museo- eta bizipen-soluzio berritzaileak) inguruan.

        Proiektuak: 

        -Oztibarre: OSTAVALS Donejakueko paisaia eta ondareari balioa emateko zentroa

        -Jaka: Jakako Donejakue Bidearen Interpretazio Zentroa

        -Martillué: Valentia Martillué erromesendako aterpetxea (Irisgarritasun unibertsala)