EZAUGARRIAK
- 5 zentimetroko apoa, potolo antzekoa, buru handikoa eta muturra biribil formakoa
- Kolorea gris nabarra orban berde, gorrixka eta beltzekin
- Arrak hilabete batez eramaten ditu arrautzak bizkarrean, zapaburuak jaio bitartean
- Espezie kaltebera, babestua
- Gauez uretatik irten eta belarretan ibiltzen dira, saltoka
Txantxiku arrunt heldua
Argazkia: Aranzadi Zientzia Elkartea
HABITATA
Larba-garaian ur-masa egonkorrak behar ditu. Hirian gizakiak sortuak izan ohi dira, esaterako, iturriak, uraskak edo Ziudadelako kanaletak.
Inguruan ura badago, leku desberdinetan bizi daiteke, hala nola mendiko basoetan, baratzeetan, laborantza-eremu baxuetan eta hirietan.
ARRISKU FAKTOREAK
Ur-puntuak suntsitzeak eta errekak kanalizatzeak hain beharrezkoa duten ura desagertzea eragin dezake.
KUDEAKETA
Ziudadelako kanaletak mantentzeko lanak txantxiku arruntaren populazioak errespetatuz egiten dira; beraz, ez dira umatze-garaian egiten, ez da kentzen larbak izan ditzakeen buztinik, eta ez dira estaltzen ale helduek babesleku gisa erabiltzen dituzten harri-tarteak.
Ziudadelan zenbait berdegune sortu dira, kanaletetatik irtetean apoendako babesleku izan daitezen.
BABESGUNEAK ZIUDADELAN
Bertako sastrakak noizean behin kentzen dituzten berdeguneak dira, eta ez arrasean, inguruko gainerako landaredia bezala. Eremu honetan sortu dira ur-maila freatiko bat dagoelako eta horrek landarez inguratutako putzu txiki bat sortzeko aukera ematen duelako.
Sastraka gutxiago kenduz, gune naturalizatuagoa sortzen laguntzen da, eta horrek, apoari babesa bilatzeko eta harrapariengandik ezkutatzeko aukera ematen dio.
- Babesguneen xedeak
- Txantxiku arrunta (Alytes obstetricans) babesteko guneak sortzea. Espezie babestu hori Arriskuan dauden Espezieen Katalogo Nazionalean sartuta dago, interes bereziko kategorian
- Espezie polinizatzaileak (erleak, tximeletak, kakalardoak, etab.) egon daitezen bultzatzea, bertako espezieen loreen bitartez
- Landare autoktonoak baliatuz naturalizatutako lorategiak jasangarriagoak dira, eta ureztatze eta mantentze-lan gutxiago behar dute
Argazkia: Aranzadi Zientzia Elkartea