Iruñeko Udalak CEINen laguntzarekin bultzatutako programa da, negozio-ideiak aurkitu eta garatzeko gogoa duten pertsonei laguntza eta prestakuntza emateko, batez ere iraunkortasunarekin zerikusia dutenei.
Proiektu-ideia
Enpresa-proiektu bat asmatzen, eraikitzen eta hedatzen ikasi nahi baduzu, “Iruña Ekintzaile 2024” zuretzat da.
Eman izena hemen eta zurekin harremanetan jarriko gara xehetasunak zuzenean azaltzeko. Maiatzaren 31era arte duzu epea.
Gehienez ere 20 pertsona hautatuko ditugu, irailetik abendura bitartean eginen den programan sartzeko. Horietako bat izan nahi duzu?
ZER LORTUKO DUZU?
“Iruña Ekintzaile 2024”-ri esker, ekintzailetza-proiektu bat asmatu eta proiektu hori egituratzeko eta enpresa berri bihurtzeko prestakuntza jasoko duzu. Talde-lanean arituko gara, baita bakarka ere.
CEINeko ekintzailetza-adituak izanen dituzu, kanpoko adituak ere bai hainbat gaitan, hala nola joerak, sormena, marketin digitala, aurrekontuak, salmentak, etab. Halaber, zenbait mentorek zure proiektua babestuko dute eta haien feedback-a emanen dizute, proiektuaren bideragarritasuna bermatzeko.
“IRUÑA, EKINTZAILE 2024” MASTERCLASSa ONLINE
Pertsona aktiboa zara, sortzailea, ekintzailetzarako grina duena? Izan al duzu inoiz ekonomia berdean oinarritutako negozio-ideiarik? Horrela bada, ez galdu online antolatu ditugun saioak.
Ikuskatu, ikasi eta hausnartu gure masterclassarekin:
- Izenburua: Ekintzailetza zirkular eta birsortzailea. Jasangarritasuna bultzatzen duten ekimenak, pauso bat gehiago emanez.
Expertis (webgunerako): Valentina De Marchiaen eskutik (Ekonomian doktorea Paduako Unibertsitatean eta ESADE Business Schooleko Gizarteko, Politikako eta Jasangarritasuneko departamentuko irakaslea). Maiatzaren 6an egonen da.
EMAKUMEAK ETA BERRIKUNTZA. EKINTZAILETZA ETA GARAPEN PROFESIONALA
Bultzatu zure ekosistema ekintzailea eta hobetu zure enplegagarritasuna eta garapen profesionala networkingaren bitartez.
