2021. urtean, Iruñeko Udalaren Herritarrendako Arreta Hobetzeko Planaren barruan, ahots-laguntzaile birtual bat (voicebot) abian jartzeko proiektu bat egitea proposatu zen, herritarrendako arreta zerbitzuan gehien eskatzen diren izapideak, hots, Errolda-ziurtagiriak jasotzekoa eta Aurretiazko hitzordua hartzekoa arintzeko asmoz.
Ahots-laguntzailea ezarri izanak ahalbidetu du gehien eskatzen diren izapideetan arreta-ordutegia luzatzea, zerbitzuaren saturazioa arintzea eta balio gutxiko zeregin errepikakorrak automatizatzea. Horiek horrela, denbora gehiago eskaintzen zaie balio erantsi handiagoko gaiei, eta, horrela, gogobetetzea handiagoa da bai herritarren artean, bai udal langileen artean ere. Datu horiek guztiek 010 Herritarrendako Arreta Zerbitzuaren arreta-ratioak hobetzea ekarri dute.
Proiektua Berreskuratze, Eraldatze eta Erresilientzia Planaren barruan garatu da, Next Generation EU funtsen kargura. ANIMSA Nafarroako Udal Informatika Elkarteak garatu ditu, kontratuaren adjudikazioduna den AUNNA IT enpresarekin elkarlanean, telefonogunea bateratzeko eta erroldatze-ziurtagiriak eta aurretiko hitzorduak emateko barne-kudeaketako aplikazioak.
SOCINFO DIGITAL NAVARRA TIC SARIA, HERRITARRENDAKO ZERBITZUAK DIGITALIZATZEKO KATEGORIAN
Animsak Iruñeko Udalarendako egindako ahots-laguntzaile birtualak, zeina 2023ko martxoan ezarri baitzen, Socinfo Digital Navarra TIC sariaren bidez aintzatetsi dute Herritarrendako Zerbitzuen Digitalizazioaren kategorian. Sociedad de la Información Digital aldizkariak Administrazio Publikoetako Informazioaren eta Komunikazioaren Teknologien arloko proiektu aipagarrienak aintzatesten ditu; kasu honetan, errolda-ziurtagiriak eta Udalaren arreta-bulegoetako hitzorduak kudeatzeko ahots-laguntzailea erabiliz herritarren arreta hobetu izana.
