Barnealdeko Euskal bidea Irunen hasten da, eta Gipuzkoa, Araba eta Errioxa zeharkatzen ditu. Santo Domingo de la Calzadan Frantziako bidearekin elkartzen da, Santiago de Compostelarantz jarraitzeko. Lehenengo kilometroetan ibilbidea Baionako bidearekin partekatzen du, eta Estabelu (Araba) herrira heltzean, banatu egiten dira.
Ibilbideko punturik nabarmenetako bat San Adriango tunela da, Aizkorri mendilerroa zeharkatzen duen pasabide naturala, eta erromesek, erregeek eta armadek XI. eta XII. mendeetan erabili zuten, eta baita legio erromatarrek ere antzina. Aizkorriko mendilerroa zeharkatzean atentzioa ematen du orografiak, landareek eta arkitekturak erakusten duten aldaketa handia, ibilbidearen lehen zatiarekin alderatuta.
ABIAPUNTUA: IRUN
1. HELMUGA: SANTO DOMINGO DE LA CALZADA
DISTANTZIA: 199 km
2. HELMUGA: BURGOS
DISTANTZIA: 252,10 KM
Historia
Hautazko ibilbidea da Iparraldeko bideak Euskal Herrian zehar egiten duen bidearen aurrean. Beste Donejakue bide asko bezala, bide horrek antzinako erromatar galtzada baten ibilbide bera egiten du. Halaber, bazter ederrak zeharkatzen ditu, hala nola San Adriango tunela, zeinetik Karlos V.a enperadorea igaro baitzen Flandriatik Madrilerako bidean, Espainiako errege izendatu zutenean.
ERROMESENDAKO OHARRAK
Bidea ongi seinaleztatuta dago ibilbide osoan, gezi horiekin, baina kopurua alda daiteke, tartea zein den.
Bideak ibilbidean zehar banatutako aterpetxeak eskaintzen ditu, edukiera nahikoa dutenak, kontuan hartuta oso bide jendetsua ez dela.
Hainbat tartetan, ibilbideak “bidegorriak” deitutako bideak aprobetxatzen ditu, zeinak zirkulaziotik bananduta eta txirrindulariendako eta oinezkoendako egokituta baitaude.