NAFARROAN GRABATUTAKO DONEJAKUE BIDEAREN FILMAK
Film-mota: Film luzea (film dokumentala)
Agitalpen-urtea: 2004.
Zuzendaria: Laurence Boulting.
Sinopsia edo gaia: 1999ko Gabonak eta Urteberri eguna bitartean, hiru pertsonaia oso ezberdinek beren izatearen zentzuari buruzko gogoeta egiten dute. Hirurek badute zerbait komunean: urte horretan Santiagorako erromesaldia egin dute Donejakue bideari jarraituz, eta haien urratsek funtsezko gai berberak planteatzera eraman dituzte. Bost herrialdetan (Espainia, Frantzia, Holanda, Brasil eta Japonia) hiru urtarotan (negua, udaberria eta uda) filmatutako hamalau aste beharrezkoak izan dira hiru pertsonaia hauen –Madoka Mayuzimi poeta japoniarra, Milena Salgado brasildarra eta Rob Jorritsma holandarra– istorioak fikzioan irudikatzeko.
Kokapenak Nafarroan: Orrega, Arleta, Eunate, Gares.
Film-mota: Film luzea
Argitalpen-urtea: 2004
Zuzendaria: Ez dugu aurkitu
Sinopsia edo gaia: Paulo Coelho idazleak lehen pertsonan kontatzen ditu Donejakue bidean erromes gisa izandako esperientziak Espasa Calpe argitaletxeak argitaratutako liburu batekin batera argitaratutako DVD batean.
Kokapenak Nafarroan: Luzaide, Ibañeta, Orreaga, Curia kalea, Iruñeko katedrala, Gares.
Film-mota: Film luzea
Argitalpen-urtea: 2005
Zuzendaria: Kevin Noland
Sinopsia edo gaia: Iruñeko sanferminetan girotutako maitasun istorioa. Chris, Ryan eta Michelle oporrak Europan igarotzen dituzten hiru amerikar dira. Espainiara iristean, Chrisek bere maleta galtzen du, baina horrek aukera ematen dio bere itzulera atzeratzeko eta ia ezagutzen ez duen Adela emakume ederraren atzetik joateko. Bestalde, Ryanek eta Michellek euren arteko harremana aztertzeko aprobetxatzen dute bidaia, Estatu Batuetan "benetako mundura" itzultzen direnean dena lehen bezala izanen baita.
Kokapenak Nafarroan: Iruña, Urederra ibaiaren iturburua, Urbasa, Andia, Irunberriko arroila, Indurain, Muskitz, Zubieta.
Film-mota: Film luzea
Zuzendaria: Emilio Estévez
Sinopsia edo gaia: Tom oftalmologo alargunak jakin du bere seme Daniel Pirinioetan hil dela ekaitza batean, Donejakue bidea egitera zihoala. Errausketaren ondoren, Tomek, bere semearen omenez, erromesaldia amaitzea eta errautsak bidean barreiatzea erabakitzen du.
Kokapenak Nafarroan: Orreaga, Akerreta, Agoitz, Iruñeko Zaldi Zuria, Erreniega, Eunateko Andre Maria (Muruzabal), Iratxeko monasterioa eta Torres del Río.
BIDEAREN FILMAK
FILM LUZEAK
- El Pórtico de la Gloria
- El Valle de las Espadas
- Cotolay
- La Dama del Alba
- El Bordón y la Estrella
- La Vía Láctea
- Flor de Santidad
- La Chanson de Roland
- Buen Camino, Seis peregrinos, un destino
- Footprints: El camino de tu vida
- Al final del Camino
- O Apostolo
- Gisaku
- One day in Europe (Galatasaray-Depor)
- Nous irons tous à Compostelle
- Saint Jacques, La Mecque
- L'enfant du Chemin
FILM LABURRAK
- Galizia
- Misa en Santiago
- El Camino de Santiago, no un camino de rosa
TELESAILAK
FILM LABURRAK
Film-mota: Film laburra
Argitalpen-urtea: 1965
Zuzendaria: César Fernández Ardavín
Sinopsia edo gaia: Fernando Cebriánek interpretatzen duen erromes bat Donejakue bidean zehar dabil, topatzen duen jende guztiarekin hitz eginez, eta artea eta monumentuak aztertuz.
Film-mota: Film laburra
Argitalpen-urtea: 2013
Zuzendaria: Joaquín Calderón
Sinopsia edo gaia: Dirudienez, Donejakue bideak Iruñean barna bi ibiltari elkartu ditu. Hiriko txoko enblematikoenetatik igarotzen diren bitartean, ezagutzen dugu Maríak bere bikote-harremanean une txarra bizi duela, eta Santiagok arazo larri bat duela.
Amaiera harrigarri batek baieztatuko digu –berriro ere– gauzak ez direla diruditena.
Aktoreak: Belinda Washington eta Txema Blasco.
Trailerra ikusi
Kokapenak Nafarroan: Iruña.
Film-mota: Dokumental-sorta
Agitalpen-urtea: 2004
Zuzendaria: Pablo Aranegui
Sinopsia: 16 kapituluko dokumental-sorta, Xacobeo 2004a ospatzeko ekitaldien barruan kokatua, non bi erromesek Bideko hainbat ibilbidetatik barrena ibiltzen baitira. Carmelo Gómezek parte hartzen du, bai eta Donejakue bidearekin zerikusia izan duten lanen idazleek ere: Matilde Asensi, Paolo Coelho, Jesús Torbado eta Cees Nooteboom.
Dokumentala ikusi
Kokapenak Nafarroan: Orreaga, Iruña, Gares, Lizarra, Tutera, Zangoza.
TELESAILAK
Film-mota: Film luzea – Telesaila
Argitalpen-urtea: 1999
Zuzendaria: Robert Young
Sinopsia edo gaia: Esoterismoan eta Erdi Aroko errituetan oinarritzen dira poliziak ikertzen dituen krimen odoltsu batzuk. Egoera larriagotu egiten da koadro garrantzitsu baten lapurreta eta prostituta baten hilketa erritualarekin bat datozenean. Antzara-jokoak, erromesek Bidean zehar asko praktikatzen duten entretenimenduak, misterioa argitzeko gakoa gordetzen du. Partida hasi da eta gure pertsonaiak jolastera doaz.
Kokapenak Nafarroan: Frantziako bidea (ez da besterik agertzen)
DOKUMENTALAK
Film-mota: Dokumentala (No-Do)
Argitalpen-urtea: 1955
Zuzendaria: Pierre Zimmer
Sinopsia edo gaia: Frantzia zeharkatuz, Santiagora eramaten duten Donejakue ibilbideei buruzko dokumentala.
Kokapenak Nafarroan: Orreaga, Muruzabal, Eunateko eliza, Gares, Lizarra.