IRUÑEKO GAZTEDIAREN ETXEA

JARDUERAK

 

 

 

 

 

 

INFORMAZIO-ZERBITZUAK

PRESTAKUNTZA-PROGRAMAZIOA

GIZARTE- ETA KULTURA-EKITALDIAK

GAZTEENDAKO DIRULAGUNTZAK ETA LAGUNTZAK

Ekintzaile gazteendako dirulaguntzak. Dirulaguntza hau 50.000 euroko zuzkidurarekin deitu da. 25 eskaera aurkeztu dira, eta horietatik 23k eskuratu dituzte laguntzak; guztira 34.292,32 euro eman dira. Ekintzaileen profilari dagokionez, gazte ekintzaileen % 44 31-35 urtekoak dira, eta % 42, berriz, 25-30 urtekoak. Sexuari dagokionez, % 51,8 emakumeak dira, gehienak autonomoak (21). 27 lanpostu sortu dira

Dirulaguntzak, gazteendako jarduerak egiteagatik. Dirulaguntza hau 51.000 euroko zuzkidurarekin deitu da. Orotara, 15 eskabide aurkeztu dituzte, eta diruz laguntzeko 68 jarduera. Dirulaguntza zer jardueratarako eskatzen zen aztertu ondoren, elkarteei proiektuak edo jarduerak garatzeko diruz lagun dakizkiekeen zenbatekoen batura 77.947,15 € izan da guztira; beraz, % 65,26 hainbanatu da, kontzesioa gehieneko aurrekontu-kreditura egokitzeko.
Honako erakunde hauek jaso dute laguntza: Jóvenes para Cristo elkartea, Garaiz gazte-elkartea, Mikael Eskaut Taldea (gazte-elkartea), Nuestra Señora de la Paz taldea, Club Albatros gazte-elkartea, Scouts de Navarra Movimiento Scout Católico taldea, Nafarroako Eskaut Katolikoak federazioa, Dendari Izar Eskaut Taldea gazte-elkartea, Antitele Aisialdi Kluba, I Becchi gazte-elkartea, G. Scout Vª Tropa gazte-elkartea, Baracea Eskaut Taldea eta Barrerarik Gabeko Musika.

 

BESTELAKO JARDUERAK ETA PROGRAMAK

- Lehiaketak. Udalak antolatutako gazteendako literatur lehiaketara 46 olerki-lan aurkeztu zituzten (39 gaztelaniaz eta 7 euskaraz); 28 lan 14-16 urteko gazteen kategoriari zegozkion, eta beste 18ak, berriz, 17 eta 18 urteko gazteen kategoriari. Bestalde, 77 narratiba-lan aurkeztu zituzten (63 gaztelaniaz eta 14 euskaraz); 58 lan 14-16 urteko gazteen kategoriari zegozkion, eta beste 19ak, berriz, 17 eta 18 urteko gazteen kategoriari.

- Berriemaileen Programa. Gaztediaren Etxeak eta Gazteria Unitateak elkarrekin jarri dute abian, ikasturtearen hasieran beti egiten duten bezala, ikastetxeetan eta ikastetxe nagusietan gazte-informazioa sustatzeko programa hau; halaber, 2016-2017ko ikasturtean egin zuten bezala, gazteendako, gazte-elkarteendako eta beste gaztegune batzuendako profesionaltasun-ziurtagiriak eskaintzen dituzten erakundeei ere parte hartzeko aukera eman zaie.
2017-2018ko ikasturteko parte-hartzeari dagokionez, 38 ikastetxek parte hartu zuten guztira, 76 pertsonak orotara; 2017-2018ko ikasturtearen hasieran, berriz, 44 ikastetxek parte hartu zuten eta 88 berriemaile hautatu ziren.

- «Txankletak» udako programa. Kirol-jarduerak programatu dira, hala nola urpekaritza, saltinga (saltoka), eskalada eta piraguismoa, baita adimena lantzeko jarduerak –Ziudadelako Zonbien Inbasioa, adibidez, Kultura alorrarekin batera antolatua Harresien Jaialdiaren barruan– eta kultur arlokoak ere –zinemarako sarrerak, besteak beste–.

Kirol-jarduera bakoitzerako 125 bonu indibidual eskaini dira, «Ziudadela: Zonbien Inbasioa» jarduerarako 100 plaza, eta, zinemarako, 1.000 sarrera.

• ESKALADA, RAPPELA ETA ABENTURA-PARKE HANDIA: 70 (G: % 41,43; E: % 58,57)
• URPEKARITZA-BATAIOA: 121 (G: % 38; E: % 62)
• SALTOKA: 106 (G: % 43; E: % 57)
• PIRAGUISMOA: 117 (G: % 45; E: % 55)
• ZONBIEN INBASIOA: 103 (G: % 44,66; E: % 55,34)

«Hamaika plan!» programan 403 gaztek parte hartu dute, eta horrek esan nahi du parte-hartzea % 14 igo dela iazko datuekin alderatuta; zehazki, 115 mutil eta 288 neska joan dira ekimen horretako jardueretara (parte-hartzaileen % 29 mutilak izan dira, eta % 71, berriz, neskak).

- Entsegu-bonuak. Musika modernoko talde hasiberriei laguntzeko programaren barruan, Iruñeko Udalak diruz lagundu ditu 228 entsegu-bonu: 16 orduko 222 eta 8 orduko 6. Orotara, 28 taldek eskatu dute zerbitzu hori.

- Sanferminetako Gazte Eremua. Kultura Alorrarekin koordinatuta, nerabezaro-aurreko gazteendako eta nerabeendako (12-17 urte) programazioa diseinatu zen, xede harturik populazioaren segmentu horren behar eta ezaugarrietara egokitutako jarduera alternatibo espezifikoak eskaintzea. Ekitaldi honetan programazioa hilaren 7tik 14ra izan da eta, horrenbestez, sanfermin osoak hartu ditu (hilaren 6a izan ezik, egun hori berezia baita). Aurreko urteko leku berean egin zen, Foruen plazan.
Aurten, gainera, beste mota bateko jarduerak ere egin dira, alderdi hezigarrienean eragiteko; kasu baterako, zentzumenen ibilbidea egin da, eta Zaska Nafarroako Zurrumurruen Aurkako Sareari, berdintasunari, alkoholaren eta beste droga batzuen kontsumoari eta abarri buruzko informazioa eman da.
Bi (2) animatzaile arduratu ziren eremua dinamizatzeaz, Community Manager bat, berriz, sare sozialetako jarraipenaz.

- Prebentzioko esku-hartze proiektua sanferminetan. Hegoak elkartearen bitartez, jai-ingurunean –bereziki, sanferminetan– alkohola eta bestelako drogak kontsumitzeak dakartzan arriskuak gutxitzeari buruzko sentsibilizazio-kanpainarekin jarraitu da. Gazteei zuzenduta dago kanpaina hori, eta zenbait hedabidetara egokitutako mezu zehatzez osatutako komunikazio-ildo bat sortu eta diseinatzeko jomuga du.

Kanpaina horretan, alde batetik, kontsumoarekin lotutako gaiak lantzen dituzten kolektiboek parte hartu dute, eta, bestetik, jaien antolaketan parte hartzen duten kolektiboek. Errekoleten plazan, informazio-puntu finko bat gaitu, eta bereziki gazteendako informazioa eta hezkuntza emateko esku-hartze bat egin zen. Egunak eta ordutegia hauek izan ziren: uztailaren 6an, 15:00-19:00, eta uztailaren 7tik 13ra, 23:00-03:00.

Gune finkoko datu orokorrak:

Banatutako materialak, guztira	1054
Gunera hurbildu diren eta bertan parte hartu dutenen kopurua, gutxi gorabehera	677
Gizonak	480
Emakumeak	197
Galderak zituzten pertsonak, gutxi gorabehera	520
Adin-tarteak	16-49

Halaber, informaziorako 2 gune ibiltari instalatu ziren, eta informazio- eta hezkuntza-lana egin zen aurreko urteko behaketaren bitartez gazteen kontzentrazio eta joan-etorri handiena zutela detektatutako eremuetan. Egunak eta ordutegiak hauek izan ziren: uztailaren 6an, 16:00-18:00, eta uztailaren 7tik 13ra, 23:00-03:00; beste gunean, berriz, hauek: uztailaren 6tik 13ra, 19:00-23:00

Auzoetako jaietan prebentzioan esku hartzeko proiektua. Jai Batzorde eskatzailearekin batera, auzo bakoitzerako berariazko programazio-proposamen bat egin zen, inguruko beharretara egokituta eta esku hartzen duen elkartearen eta gizartearen errealitatea kontuan hartuta. Auzo bakoitzean prozesu bat egin da, eta, horren bidez, auzo bakoitzean zeuden beharrak gogoetaren bidez landu ahal izan dira.

Programa auzo hauetan egin da: Sanduzelai, Txantrea, Arrotxapea, Donibane, Azpilagaña, Iturrama, Mendillorri eta Alde Zaharra.
Beste auzo batzuetan, hala nola Lezkairun, Buztintxurin eta Etxabakoitzen, saiakerak egin dira eta ekimenaren berri eman da, eta, esku-hartzerik egin ez bada ere, lanerako oinarri bat ezarri da hurrengo urteetarako.

- Pirinioetako zeharkaldirako dirulaguntza.SCDR Anaitasuna elkarteak urtero antolatzen du jarduera hau; Gazteria Unitateak, bere aldetik, 16-30 urteko gazteei dirulaguntza ematen die: ekimen horretan izena emateko kostuaren % 40.
Diruz lagundu zaien parte-hartzaileen kopurua: 4.

- Mendi-proiekzioak. Iturramako Kultur Astean proiekzio bat egin da auzoko jaien aurreko astean, eta antolatzaileek oso balorazio positiboa egin diote proiekzio horri.

- MusiKa en Martxa. Aurten Creacityko lantaldeari musika-talde gazteei laguntzeko programa aurkeztu zitzaion, eta 2019rako urratsak egin dira Baionako eta Iruñeko musika-taldeen arteko trukeak egiteko. Horrez gain, Bayonne Live lehiaketa zabaldu da hiriko taldeen artean, musikaren munduan aukerak eta sareak sortzeko.

Bi kontzertu eta itxiera-ekitaldi bat antolatu ziren, Civivoxekin (Iturramako Civivox dagoen plazan egindako kontzertua) eta Gaztediaren Etxearekin (Sarasate pasealekua, «Etxea kalera ateratzen da!» ikasturte-amaierako emanaldien barruan) koordinatuta, eta zerrendako talde guztiek parte hartu zuten. Eta kontzertu horien amaiera gisa, taldeekin batera topaketa bat antolatu zen ekainaren 29an Ziudadelan, Kultura Alorraren lankidetzari esker, lekua eta instalazioak (agertokia eta komunak) laga baitzituen. Topaketa horretan, taldeen emanaldiez gain, gazteek beraiek proposatutako jarduerak ere antolatu ziren.

- Sanferminetako eta Gabonetako Kirol Ari. Ekitaldi honetan sanferminetako programak izan dituen berrikuntzen artean, 8 eta 14 urte (gutxi gorabehera) bitarteko neska-mutilendako aisialdi-programazio espezifiko bat garatu beharretik sortutako ekimen bat izan da, zehazki, populazio-talde hori erakarriko zuten kirol-jarduerak.
Kultura Alorrak, Komunitate Garapenerako Arloarekin koordinatuta, Nafarroako kirol-federazioen lankidetza eskatzea planteatu zuen, kirol-sustapenean espezializatuenak dauden erakundeak diren aldetik (bakoitza bere kirol-modalitatean), izaera ludiko, plural eta irekiko programa baten bidez. Programa horretan, kirol-jarduera sustatzea zen asmoa, inolako baldintzarik gabeko jai-giroan, diskriminaziorik gabe adina dela-eta, eta parte-hartzaileek eskainitako modalitateekin harremana izateko aukera izango zuten, betiere jokoaren bidez.
Jarduerak Medialuna parkeko hobietan egin ziren, jokalarien kopuruari dagokionez gutxiengoan dauden kirol modalitateak hartzeko leku aproposa izaki; izan ere, horrela, ikusgarritasun handiagoa izango zuten gutxiengo kirol horiek, kirol nagusiak ere egin baitziren leku horretan, hala nola futbola edo saskibaloia.
Gunea egunero 11:00etatik 14:00etara eta 18:00etatik 20:00etara egon zen zabalik, uztailaren 6an izan ezik, egun horretan arratsaldez bakarrik ireki baitzen.
Parte-hartzeari dagokionez, balorazio orokorra da ekimen horrek arrakasta handia izan zuela. Guztira 13.180 erabiltzaile zenbatu ziren. Hilaren 6tik 14ra bitartean, geroz eta erabiltzaile gehiago bertaratu ziren, eta, azkenean, hasierakoa halako 7 baino asistentzia handiagoa izan zuten jarduerek. Hala, lehen egunean –uztailaren 7an– 400 parte-hartzaile izan ziren, hilaren 8an 630, hilaren 9an 1.500, 10ean 1.750, Adingabeen Egunean –hilak 11– 1.850, eta hilaren 12an, azkenik, 2.950 lagun bertaratu ziren; gainerako egunek antzeko zifrak izan zituzten. Aurrekontua 55.000 eurokoa izan zen, gutxi gorabehera.
Sanferminetan planteatu zen bezala, Komunitate Garapenerako Arloak, Gabonetako programazioa osatze aldera eta hiriko auzo batzuetan zehar ibiltzeko helburu nabarmena izanik-federazioei deialdia egin zien berriz ere, lau Kirol Ari ekimeneko lau jardunaldi egiteko (2018ko abenduaren 26tik 29ra).
Lau leku aukeratu ziren horretarako: Arrotxapeko kiroldegia, Mendillorriko kiroldegia/trinketa, Burgoen plaza eta Mañuetako frontoia eta Ezkabako kiroldegia.
Parte-hartzeari dagokionez, 1.100 erabiltzaile izan ziren, honako banakapen honekin: Arrotxapean, 150 erabiltzaile; Mendillorrin, 500; Burgoen plazan, 150; eta Ezkaban, 300. Gastuari dagokionez, 23.500 euro izan ziren guztira, gutxi gorabehera.

- Rubiken Kuboaren Lehiaketa Nazionala. Gaztediaren esparruko lan-ildoetako bat gazte-jarduerak eta -proiektuak babestea da, eta, horri dagokionez, urriaren 12an, 13an eta 14an Labriten egindako Rubiken Kuboaren Lehiaketa Nazionala ekimena babestu da. Ekimen hartan 148 lehiakidek parte hartu zuten dauden 18 modalitate arautuetan, eta 9 errekor lortu ziren lehiaketan.

- Gabonetako Zinema. Iruñeko 14 eta 30 urte bitarteko gazteendako 1.000 zinema-sarrera erosi ziren Gabonetarako.

- «Fauna 2018: The Rewood» hiri-artearen erakusketa. Maiatzaren 17tik uztailaren 1era hiri-arteari buruzko erakusketa bat egin zen Iruñeko Ziudadelako Labean, asteartetik ostiralera 18:30etik 21:00etara, larunbatetan 12:00etatik 14:00etara eta 18 30etik 21:00etara, eta igandeetan, 12:00etatik 14:00etara.
FAUNA jaialdia 2017ko azaroaren 24an, 25ean eta 26an egin zen. Hip hopeko jam bat izan zen, eta lantegiak egon ziren, baita breakdanceko eta new styleko txapelketak, DJak, skatea, rap-kontzertuak eta grafiti-erakustaldi bat ere.
The REWOOD atzerabegirakoa izan zen, non Faunan parte hartu zuten grafiti-idazleen –talde askotariko eta heterogeneoa– lanen zatiak jaso baitziren. Euren artea eta sormen-prozesua zuzenean eskaini zuten, ekitaldirako prestatutako egurrezko bi gainazal handiren gainean margotu baitzuten.
Helburua grafitia den bezala –arte bat– ikusarazteko aukera ematea izan zen.

- Horma-irudi komunitariorako proiektua Sanduzelai eta Arrotxapean. Aurten zenbait espaziotan artearen bidez esku hartzeko lan-ildo bat ireki da, komunitate-esparruko dinamikak sortzeko eta hondatutako eremu batzuk biziberritzeko; proiektu horietarako, oraingoz, udal-eraikinetako hormak aukeratzen dira, hobetu beharra duten instalazio propioak ere egokitu nahi baitira.
Sanduzelaiko bi artistak proposatuta, «Sanduzelaiko pintzelkada» proiektua diseinatu da, Karrikaguneko fatxadan horma-irudi komunitario bat egiteko, baita frontoian beste horma-irudi bat ere lantegi-formatuan, tokiko artista baten erakusketa batez gain, aipatutako lokalaren ondoko horma batean.
Proiektua Umetxea auzoko Prebentzio Zerbitzuarekin batera diseinatu eta egin da, eta neska-mutilek prozesu osoan parte hartu dute (10 neska-mutil inguru).
Lantegietan gazte horiek parte hartu zuten, baita gazte migratzaileek eta ijito etniakoek ere (kolektibo horiek normalean ez dute lantegietan parte hartzen, aisialdi-dinamika desberdinak izan ohi baitituzte); guztira 20 bat gaztek parte hartu zuten.
Horregatik, ontzat jo da ekimena, beste gazte batzuengana iristea lortu den aldetik, topaketarako, elkarbizitzarako eta kulturen arteko ezagutzarako jarduera izan baita.

- Mendillorriko DJ-ikastaroa. Gazteak aktibatzeko eta musika-esparruari buruzko prestakuntza eskaintzeko asmoz, Gazteria Unitatean harremanetan jarri ginen Mendillorriko gazteekin, musika elektronikoaren inguruan ikaskuntza partekatuko prozesuak sortze aldera.
13 gaztek eman zuten izena, eta 10 joan ziren ikastarora. Ikastaroa Gabonetan egin zen, abenduaren 26an eta 27an eta urtarrilaren 3an eta 4an, 18:00etatik 20:00etara. Lehen bi egunetan teoria eman zen batez ere, eta azken bietan, berriz, praktika.
Ikastaroan parte hartu zutenen balorazioa oso positiboa izan zen.

- Zurrumurruen Aurkako Estrategia. 2018an Zurrumurruen Aurkako Estrategia garatzen jarraitu da Iruñean, Herritarren Partaidetzako eta Gizartea Ahalduntzeko Alorrak 2017an abian jarri zuen estrategia, hain zuzen.
Hainbat ekintza egin dira:

• Zurrumurruen aurkako III. Gazte Topaketa Iruñean egin zen (Topaketaren Memorian jasota dago informazioa).
• Zurrumurruen aurkako Gazte Taldeari jarraipena eman zitzaion, 2017ko Zurrumurruen aurkako Gazte Topaketaren 2017ko edizioan (Getxon) parte hartu zuten gazteez osatua zegoen taldeari, hain zuzen. Talde hori handitu egin zen 2018ko topaketan parte hartu zutenekin. Gaur egun hainbat gazte-elkartetako 10 gaztek osatzen duten talde horrek honako hauetan parte hartu du:
• o Zurrumurruen aurkako estrategia sustatzeko eta estrategia hori sare sozialetan hedatzeko bideo bat diseinatzeko eta sortzeko ikus-entzunezko lantegia.
• o Estrategia hurbilen dauden guneetan aurkezteko prestakuntza-saioak diseinatzea eta egitea (ikasle-talde bati, eskola-proiektu bat egite aldera; SiñarZubi federazioan bilera bat...).
• o Zurrumurruen aurkako Topaketa diseinatzeko eta hura sustatzeko lanean parte hartzea.
•  Prestakuntzak diseinatzea Ahalduntze eta Partaidetzako Udal Eskolarekin (APUE) koordinatuta, eta lehen harremanak Civivoxen sarearekin, halako prestakuntzak programazioetan sartzeko.
• Zurrumurruen aurkako Nafarroako Sarean aktiboki parte hartzea.

- Gazte Elkartegintzari buruzko Gidaliburua. «Gazte Elkartegintza. Bidaia bat Gazte Elkarteen Eraketan eta Kudeaketan Barna» gidaliburua berrargitaratu da. Paperezko gidaliburuaz eta gidaliburu digitalaz gain, poltsiko-neurriko zabalgarri bat ere egin da, non gidaliburuaren edukia laburbilduta dagoen, eta QR kode baten bidez, gida osoa ikus daitekeen.

- Etxabeen gidaliburua. 2018an, Nafarroako Kirolaren eta Gazteriaren Institutuko lantalde batean parte hartu da, etxabeen gidaliburu bat egiteko. Gidaliburu horretan, bete behar duten araudia jasotzen da, baita eskakizun guztiak betetzeko aholku praktikoak ere. Gidaliburu horrek Nafarroa osorako araudi komuna jasotzen du. Horrela, Udalak diptiko bat prestatu du gidaliburu hori Iruñeko Ordenantzaren araudiarekin osatzeko.

- Sexu-hezkuntza eta horrekin lotutako arriskuen prebentzioa. Gazteria Unitateak lan-ildo berri bati ekin dio 2018an, sexualitatea gazteekin eta gazteentzat lantzeko.
Egindako ekintza batzuk:

• Sexu-hezkuntzari buruzko kanpaina, Hiesaren aurkako Batzordearekin eta Nafarroako Gazteriaren Kontseiluarekin batera, bai sanferminetarako, bai auzoetako jaietarako: prebentzio- eta informazio-materiala besteak beste. Gizarte-eragileekin eta gazteekin prestakuntza-lantegiak egitea balioetsi eta gazteendako kanpaina espezifiko bat egiteko ideia kontuan hartu da.
• Gozamenez programa: Nafarroan ibilbide luzea duen eta Nafarroako Gobernuaren Osasunak finantzatzen duen programa hau sustatzeko interesa ikusita, programa hirian garatzen hasi gara aurten, jarduera espezifiko baten bidez (Zentzumenen Ibilbidea), Gazte Eremuaren programazioaren barruan. Jarduera hori abiaburu izan da Iruñeko auzoetan ildo horretan elkarrekin lan egiteko.

- Iruñeko gazteen emantzipazioari buruzko inkesta. 2017an inkesta hori egin zen, eta aurten inkestaren analisia egin da. Emaitzak argitaratu dira eta emantzipazioaren alorrean diharduten eragile, erakunde eta arloen artean zabaldu da (etxebizitza, enplegua, etab.), Iruñeko gazteen egoeraren errealitatea ezagut dezaten.

- Jarduerak espetxeetan. Aurten urtarriletik ekainera eta irailean egin da ekimen hori; ikasturteko jarduera izanik, Gizarte Ekintza Arloak kudeatu du, jarduera horrek arlo horretan leku handiagoa duela iritzi baita.
2018ko lehen seihilekoan, 50 eta 42 orduko 2 ikastaro eman ziren espetxean, Gaztediaren Etxeak kudeatuta. Guztira 40 pertsonak hartu dute parte ikastaroetan.

- Moteco. NUP harremanetan jarri zen Komunitate Garapenerako Arloarekin, Partaidetzako Arloarekin eta Gizarte Ekintzarekin baita esparru komunitarioan lan egiten duten beste eragile batzuekin ere: Burlatako Udala, Sakanako Mankomunitatea, Nafarroako Gazteriaren Kontseilua, etab. Horren helburua MOTECO–Nafarroa talde eragileko kide izatea da. Proiektuaren helburu nagusia sinergiak sortzea, lan komunitarioaren esparru adostu bat zehaztea eta gai horren inguruan prestakuntza-beharrak zehaztea da. Partzuergo moduko zerbait da, ondoko lurraldeetako unibertsitateetako (Zaragozako Unibertsitatea, Errioxako Unibertsitatea eta NUP) ikerketa-talde batzuk biltzen dituena, eta Iberus nazioarteko bikaintasun-campusaren (CEI) aintzatespen-zigilua lortu duena.
Iruñeko Udalak bi jardunalditan parte hartu du: batetik, ekainaren 21ean, Zaragozan, ekintza-talde autonomikoen jardunaldian; eta, bestetik, urriaren 19an, «Politika publikoak, dibertsitatea eta esku-hartze komunitarioa. Esperientziak Pirinioen bi aldeetatik» izeneko jardunaldian (Frantziako erakundeen parte-hartzea izan zuen jardunaldi hark).