KOMUNITATE-GARAPENA

LAN-ILDO NAGUSIAK

• Gizarte Ekimenetarako Zentro Komunitarioak (GEZK)
• Prebentzio Ekintza Komunitarioko Zerbitzua (PEKZ)
• Gazteria
• Kirola

Helburuak:

• Elkartegintzaren mugimenduari babes-estrategiak eskaintzea, mugimenduok herritarren parte-hartzea bideratzeko elementua direlako haiek beren identitatearen adierazgarriak bilatu, barneko bitartekoen formulazioa egin eta gatazkak beren kabuz konpontzeko garaian.
• Gizarteko taldeak eta belaunaldiak beren artean biltzea, eta beren arteko elkarbizitza eta solidaritatea sustatzea, arriskurik handiena duten pertsona edo taldeen bereizkeria-prozesuak zuzentzeko eta prebenitzeko.
• Auzoetako udalaren herri-zerbitzuen maila handitzea, hurbiltasun eta kudeaketa hainbanatzeko irizpideekin, eta bertako biztanleen interes zehatzetara egokitzeko.
• Biztanleen inplikazio eta erantzunkidetasuna sustatzea, jardueren martxari eta erabakiak hartzeari eta lehentasunak hautatzeari dagokionez.
• Udalaren prestazio tekniko eta ekonomikoen osagarria izatea, lokalen oinarrizko sare bat eskainiz.
• Iruñeko Udalak antolatzen dituen Gizarte Ekintzen Egitaraua garatzeko esparru fisikoak eskaintzea.
• Udalaren beste arlo batzuetatik auzoetan sustatzen diren prebentziozko ekimen soziokulturalak osatzea eta koordinatzea.



Jarduera nagusien laburpena: :

Auzoetako auzo-elkarteek erabili dituzte komunitate-zentroak, eta auzook bezain askotarikoak izan dira horietan egindako jarduerak. Jarduera horien artean hauek daude, besteak beste: auzoetako jaiak, musika- eta dantza-entseguak, prestakuntza-jardunaldiak eta aisialdiko ekintzak nerabeekin. Arrosadia auzoak 2018ko urriaren 19an sinatu zuen Iruñeko Udalaren eta Ilargienea GEZK erabiltzen duten taldeen ordezkarien arteko lankidetza-hitzarmena, komunitate-esparruko erabilera eta funtzionamendua arautzeko.

 

PREBENTZIO-EKINTZA KOMUNITARIOKO ZERBITZUA

Helburuak:

Helburu orokorra: Haurren eskubideak sustatu eta defendatzea bere jardun-esparruan (auzo hauek: Sanduzelai, Alde Zaharra, Txantrea, Arrotxapea, Etxebakoitz, Arrosadia, Azpilagaña, Mendillorri, Erripagaina eta Buztintxuri): ume eta nerabeei zuzendutako prebentzioa eta babesa, haur eta gazteen auzo-elkarteen eta beste baliabide soziokomunitario batzuen aldetik.

• Babes komunitariorako lehen mailako prebentzio-egitura bat garatzea, auzoaren testuinguruetara egokitua.
• Bigarren mailako prebentzio-jarduerak egitea, auzoan gizarte-egoera zaila duten ume eta nerabeen komunitate-babesaren ikuspegia aintzat harturik. Maila guztietan babesik gabe gelditzeko arrisku-adierazleak dituzten adingabeen kasuei buruzkoa da babesa.



Jarduera nagusien laburpena: :

2017an, zortzi izan dira auzoetan jarduerak egin dituzten prebentzio-taldeak, Buztintxurikoa gehitu baita. Talde horrez gain, auzo hauetan ere baziren lehendik: Arrotxapea, Txantrea, Sanduzelai, Alde Zaharra, Etxabakoitz, Arrosadia-Azpilagaña eta Mendillorri-Erripagaina. Nabarmentzekoa da zerbitzu horiek zer-nolako gaitasuna duten nerabeek jardueretan boluntario gisa parte har dezaten sustatzeko. Aurten 676 gaztek egin dute. Gainera, aldi berean 461 nerabe eta gaztek komunitate-hezitzaile izateko prestakuntza jaso dute (293 neska eta 168 mutil).