ZIRKULAZIOA ETA MUGIKORTASUNA
SEMAFORO-INSTALAZIOA ETA CCTV KAMERAK
2017an, 552 semaforo konpondu ziren istripuen eta instalazioetako matxuren ondorioz (semaforoak, CCTV kamerak, zutoin pneumatikoak, zinemometroak eta neurgailuak). Otsailean eta martxoan egon zen intzidentzia gehien (68 eta 76, hurrenez hurren).
Jarduera nagusiak:
- CCTV kamerak ezartzea San Joanen apaiztegi zaharraren eraikinean.
- CCTV kamera ezartzea Milagrosako Gizarte Ekimeneko Komunitate Zentroa zaintzeko.
- CCTV kamera ezartzea udaletxeko ezkaratzean erakusgai dauden objektu historikoak zaintzeko.
- Semaforo-instalazioa Gipuzkoa etorbidearen eta Maiatzaren Plazako Amen kalearen arteko bidegurutzean.
- Semaforo-instalazioa Nafarroa etorbidearen eta Paulino Caballero kalearen arteko bidegurutzean.
- Semaforo-instalazioa Nazario Karrikiri kaleko oinezkoentzako pasabidean.
- Kondestablearen jauregiko barneko kamerak zirkulazio-sarera migratzea eta 3 kamera ezartzea Erroldako aretoan.
SARBIDE MURRIZTUKO EREMUKO IZAPIDEAK (ALDE ZAHARRA ATSEGINAGO EGITEA)
Hiriko Alde Zaharreko sarbideak matrikulak irakurriz kontrolatzeko ezarritako sistema (zutoin pneumatikoen ordez) nabarmentzen da. Erabat eraginkorra izan dadin, kamerak ezarri ziren auzoko sarrera eta irteera guztietan. Kontrolgune hauek daude: Nagusia-Basotxoa (sarrera-irteera), Nueva (sarrera), San Anton-Navas de Tolosa (irteera), Sarasate pasealekua-Navas de Tolosa (irteera), Sarasate pasealekua-San Ignazio (sarrera), Espoz y Mina (sarrera), Estafeta (sarrera), Labrit-Mesedeetakoa-Artzapezpikutza (sarrera), San Agustin (irteera), Karmen (sarrera-irteera), Santo Domingo (sarrera) eta Hezkuntzako aparkalekua (irteera).
Udalak Tok Tok izeneko aplikazioa ezarri zuen sarbide horiek erregistratzeko.
| SARBIDE MURRIZTUKO EREMUKO IZAPIDEAK | 2017 |
|---|---|
| Izapide informatikoak | 38.604 |
| Sarbide iraunkorrerako baimena | 13.172 |
| Unean uneko eta aldi baterako sarbiderako baimena | 10.425 |
| Tratatutako erregistro-eskaerak | 351 |
| Izapidetutako zinegotzi-ebazpenak | 165 |
APARKATZE ARAUTUKO TXARTELAK ETA TAO PLAZAK
TAOk araututako aparkatze-tokien kopurua: 21.227. Horietatik, 10.463 urdinak dira, 171 gorriak eta 10.593 laranjak.
2017an, 28.113 bizilagun-txartel eta 696 jarduera-txartel egin ziren.
| SEKTOREA | Bizilagun-txartelak | Jarduera-txartelak |
|---|---|---|
| 1 ( Alde Zaharra) | 2319 | 4 |
| 2 (Zabalgunea) | 5072 | 47 |
| 3 (Milagrosa-Azpilagaña) | 3902 | 44 |
| 4 (Iturrama) | 6882 | 243 |
| 5 (Mendebaldea-Erripagaña-Etxabakoitz Iparraldea) | 5144 | 171 |
| 6 Donibane | 4793 | 187 |
| GUZTIRA | 28.113 | 696 |