GIZARTE-EKIMENETARAKO ZENTRO KOMUNITARIOAK
2017ko helburuak:
- a) Elkartegintzaren mugimenduari babesteko estrategiak eskaintzea, mugimenduok hiritarrek identitatearen adierazgarriak bilatzerakoan, barne bitartekoen formulazioa egiterakoan eta gatazken autokonponketan esku hartzea bideratzeko elementua direlako.
- b) Gizarteko taldeen eta belaunaldien taldeen arteko bilketa, elkarbizitza eta solidaritate kuotak sustatzea, arriskurik gehien duten pertsona edo taldeen bereizkeria prozesuak zuzentzeko eta prebenitzeko.
- c) Auzoetako udalaren herri-zerbitzuen maila handitzea, hurbiltasun eta kudeaketa hainbanatzeko irizpideekin, eta bertako biztanleen interes zehatzetara egokitzeko.
- d) Biztanleen inplikazio eta erantzukidetasuna sustatzea, jardueren martxan eta erabakiak hartzeari eta lehentasunak hautatzeari dagokionez.
- e) Udalaren prestazio tekniko eta ekonomikoen osagarria izatea, lokalen oinarrizko sarea eskainiz.
- f) Iruñeko Udalak sortzen dituen Gizarte Ekintzen Egitaraua garatzeko esparru fisikoak eskaintzea.
- g) Udalaren beste arlo batzuetatik auzoetan sustatzen diren prebentziozko ekimen soziokulturalak osatzea eta koordinatzea.
Jarduera nagusien laburpena
Kokatuta dauden auzoetako auzo-elkarteek erabili dituzte komunitate-zentroak, eta dauden auzook bezain askotarikoak izan dira horietan egindako jarduerak. Jarduera horien artean auzoetako jaiak, musika- zein dantza-entseguak, prestakuntza-jardunaldiak, nerabeekiko aisia-ekintzak eta abarrak daude.
Milagrosa auzoak 2018ko urriaren 19an sinatu zuen Iruñeko Udalaren eta Ilargienea GEZK erabiltzen duten taldeen ordezkarien arteko lankidetza-hitzarmena, komunitate-esparruko erabilera eta funtzionamendua arautzeko.
PREBENTZIO-EKINTZA KOMUNITARIOKO ZERBITZUA
2017ko helburuak:
Orokorra: Haurren eskubideak sustatu eta defendatzea bere jardun-esparruan (auzo hauek: Sanduzelai, Alde Zaharra, Txantrea, Arrotxapea, Etxebakoitz, Milagrosa, Azpilagaña, Mendillorri, Erripagaina eta Buztintxuri): ume eta nerabeei zuzendutako prebentzioa eta babesa, haur eta gazteen auzo-elkarteen eta beste baliabide soziokomunitario batzuen aldetik.
- 1. Komunitatea babesteko oinarrizko prebentzio-egitura garatzea, auzoaren egoerari egokituta.
- 2. Bigarren mailako prebentzio-jarduerak garatzea, auzoan gizarte-egoera zaila duten ume eta nerabeenganako komunitate-babesaren ikuspegitik. Maila guztietan babesik gabe gelditzeko arriskuaren adierazleak dituzten adingabeen kasuei buruzkoa da babesa.
Jarduera nagusien laburpena
2017an, zortzi izan dira auzoetan jarduerak egin dituzten prebentzio-taldeak, Buztintxurikoa gehitu baita. Talde horrez gain, auzo hauetan ere baziren lehendik: Arrotxapea, Txantrea, Sanduzelai, Alde Zaharra, Etxabakoitz, Milagrosa-Azpilagaña eta Mendillorri-Erripagaina. Nabarmentzekoa da zerbitzu horiek zer-nolako gaitasuna duten nerabeek jardueretan boluntario gisa parte har dezaten sustatzeko. Aurten 676 gaztek egin dute. Gainera, aldi berean 461 nerabe eta gaztek komunitate-hezitzaileko prestakuntza jaso dute (293 neska eta 168 mutil).