Adinekoen Udal Kontseilua

Udal Administrazioaren aholku-organoa, adinekoen arretarekin lotutako beharrei buruzko trukea, bateratzea eta konponbideak hartzea sustatzeko.

OSAERA: lehendakaria, lehendakariordea eta kideak.

BILKURAK: Kontseilua urtean bitan gutxienez bilduko da ohiko bilkuran.

EGINKIZUNAK:
Adinekoen eta Iruñeko Udalaren arteko solaskidetza-espazioa izatea, adineko guztien parte-hartze aktiboa bultzatzeko gizarte-, politikaeta kultura-esparruetan.
Udal-organoetatik Kontseiluaren intereseko gaiei buruzko informazioa jasotzea eta, hala badagokio, arrazoituta eskatzea.
Adinekoen arretarekin lotutako udal-kudeaketaren eta horrek emakume eta gizon adinekoen egoeran duen eraginaren jarraipena eta ebaluazioa egitea.
Adinekoei buruzko jarduketa-proposamenak egitea eta, hala badagokio, Iruñeko Udalari bidaltzea; beharrezkotzat jotzen duenean, adinekoen egoerari eta bizi-kalitateari buruzko azterlanak eta ikerketak egitea proposatzea.
Udalaren Osoko Bilkurari edo dagokion batzordeari egokitzat jotzen dituen gaiak sartzea proposatzea, eta horietan esku hartzea gaiak defendatzeko. Ez da udal-partaidetzako organo batetik datorren gai bat baino gehiago sartuko osoko bilkura edo batzorde bakoitzean.
Adinekoek eta adinekoendako egiten duten gizarte-boluntariotza eta belaunaldien arteko elkartasuna bultzatu eta sustatzen duten jarduketak eta neurriak sustatzea.
Eskualdeko, lurraldeko, estatuko eta nazioarteko antzeko organoekin harremanak izatea eta elkarlanean aritzea esperientziak eta ekimenak zabaltzeko.
Gai zehatzak lantzeko egokitzat jotzen diren lantaldeak sortzea, horiek osatuko dituzten pertsonak kideen artetik izendatuz.
Adinekoei eragiten dieten eta abian edo proiektuan dauden arau, programa eta baliabideei buruzko informazioeta dibulgazio-ekintzak sustatzea eta/edo egitea.
Urteko memoria onestea eta jardueren berri aldizka ematea.
Adineko biztanleak ordezkatzea Hiriko Gizarte Kontseiluan Hirigunea.

BEHIN BETIKO ONESPENA: BON 198 del 21/09/23.