Aparkalekuak karabanetarako eta autokarabanetarako

Iruñera autokarabanaz etorriz gero, kontuan eduki behar duzu hirian bertan aparkatu dezakezula zure ibilgailua, baina ezin izanen duzula erabili etxebizitza gisara. Horretarako badira beste eremu batzuk prestaturik. Eremu horietako bat Trinitarios aldean dago (su-hiltzaileen parkearen ondoan), eta zerbitzua iraunkorra da. Zerbitzuaren tarifa 10 euro da eguneko, eta ur-aldaketarik eginez gero, bi euro gehiago ordaindu behar dira. Eremuan egoteko baimena gehienez ere 48 ordukoa da.

Sanferminetan tarifa igo egiten da: 20 euro eguneko (uztailaren 5etik 15era, biak barne). Egun horietan, María Ana Sanz ikastetxeko patioan ere aparkatu daitezke karabanak edo autokarabanak, non komunak eta dutxak dituen zerbitzu bat ere atontzen baita.

Azkenik, Berriozarren, Iruñetik hurbil, badago karabanak aparkatzeko beste eremu bat. Berriozar lotuta dago Iruñearekin hiri-autobusen bitartez (16. eta 17. lineak). Urtean zehar doanekoa da aparkatzea, baina sanferminetan eguneko 8 euroko tarifa ezartzen da, gehi bi euro urak aldatzeagatik. 30 toki ditu eta ez dago gehieneko mugarik denboraz bezainbatean.

IRUÑEKO AUTOKARABANENDAKO EREMUA

Etxeko ibilgailu gisa onartutako ibilgailuek soilik aparkatu ahal izango dute eremu gordeetan:

3148 Ibilgailu mistoaren etxebizitza.

3200 autokarabana GVW ≤ 3.500 kg.

3248 MMA-ko mugikorreko karabana ≤ 3.500 kg.

3300 Autokarabanak> 3.500 kg.

3348. MMA> 3.500 kg-ko autokarabana