Harrotu

Harrotu LGTBI kolektiboaren inguruan informatzeko eta haren parte-hartzea nahiz eskubideak sustatzeko Iruñeko Udalaren zerbitzua da eta modu profesionalean lan egin eta konfidentzialtasunez ematen du arreta. 

Nori zuzendua

Iruñeko herritar guztiei eta bereziki LGTBI pertsona, elkarte eta kolektiboei, eta horien hurbilekoei. 
 

Zer egiten dugu?

LGTBI informazio-, sustapen- eta partaidetza-zerbitzua zentralizatzea eta herritarrek eta profesionalek zerbitzu hori eskura izatea erraztea.

• Gizartearen parte-hartzea eta artikulazioa bultzatzea LGTBI arloan.
• Herritarrak eta gizarte entitateak elkartzeko eta sexu- eta genero-aniztasunaren inguruan gogoeta egiteko guneak sortzea.
• Jarduketak egitea LGTBIfobiari aurre egiteko eta horren aurrean herritarrak sentsibilizatzeko.
• Jarrera, adierazpen eta jokamolde LGTBIfobikoen erregistrorako tresnak ematea.
• Zerbitzu iraunkorrak: 
• Informazioa eta komunikazioa: zerbitzuaren berezko jardueren berri ematen dugu, baita LGTBI pertsonen errealitatea lantzen duten beste entitate batzuen informazioa ere. 
• Tokien lagapena: tokia eta beharrezkoak diren materialak lagatzen ditugu, elkartu eta jarduerak egin ditzazun. 
• Mediatekako mailegua: LGTBI gaiaren inguruko liburuak, komikiak, DVDak, eta abar kontsultatzeko eta mailegatzeko gela bat daukagu. 
• Hiriko LGTBIfobiaren aurkako Behatokia: zure eskura jartzen ditugu jarrera LGTBIfobikoak antzeman eta erregistratzeko tresnak. 
   

Ordutegia

Neguan (irailaren 16tik ekainaren 14ra)

Astelehena: 17:00 - 20:30
Asteartetik ostiralera: 10:30 - 13:30 / 17:00 - 20:30
Larunbata: 11:00 - 14:00

Udan (ekainaren 15etik irailaren 15era)

Astelehen eta ostiraletan: 10:30 - 14:00
Astearte, asteazken eta ostegunetan: 17:00 - 21:00