San José Udal Hilerria

Gorpuak eta gorpuzkiak ehortzi eta erraustea, bai eta desehortzi eta berriz ehorztea ere, betiere higiene- eta osasun-baldintza egokietan, errespetuari eta higieneari dagokienez. Halaber, barrutia mantentzeko lanez arduratzen da, estetikaz, garbitasunaz eta kontserbazioaz bezainbatean, eta herritarren eskaerei erantzuten die, argibide, administrazio-izapide eta abarretan.

Urteko egun guztietan egingo dira ehorzketak eta errausketak, goizeko ordutegian.

Helbidea eta harremanetarako datuak

Helbidea: Hilerriko errepidea, behea - 31011 Iruña

Telefonoa: 948-420998

Ordutegia

  • Apirilaren 1etik azaroaren 2ra: 08:00etatik 19:00etara (ate nagusia 19:00etan ixten da, eta gainerako ateak 18:30ean). 
  • Azaroaren 3tik martxoaren 31ra: 08:00etatik 18:00etara (ate nagusia 18:00etan ixten da, eta gainerako ateak 17:30ean). 
  • Bulego-ordutegia: astelehenetik ostiralera, 08:00etatik 14:00etara.

Errausketa-labea

Iruñeko Udalak bi errauste-labe ditu gorpuak eta giza gorpuzkinak erretzeko. Eraikin berri batean daude errauste-labeak, hilerriaren ate nagusitik metro gutxira, Arga ibaiarekiko alderik hurbilenean. Agur-areto zabal bat ere badu lekuak. Ate nagusiaren aurrean, berriz, 150 ibilgailuk aparkatzeko tokia dago.

Ordu hauetan egiten dira errausketak: 09:00etan, 09:30ean, 10:30ean eta 11:00etan. Ohiz kanpoko eskari-kopuru handirik baldin badago, handitu egiten da ordutegi hori

Errautsak, berriz, errausketa hasi eta handik lau ordura entregatzen dira. Kasu batzuetan, hurrengo egunera arte atzeratzen da entrega.