Etxerik Gabeko Pertsonak Artatzeko Zentroa

NORI ZUZENDUA: etxerik gabeko pertsonen kolektiboari, hirian bizi diren edo handik igarotzen diren 18 eta 65 urte bitarteko pertsonek osatua, etxebizitzarik eta lanik ez dutenak eta hainbat faktorek eragindako gizarte-bazterketa larrian daudenak: muturreko pobrezia, adikzioak, familia-sarerik eza, justiziarekiko arazoak, gaixotasuna, unean uneko krisi-egoera.

SARBIDEA: norberaren ekimenez eta/edo, batez ere, Udal Gizarte Zerbitzuen bidez; hala ere, beste laguntza-baliabide batzuekin koordinatuta lan egiten da, hala nola Udaltzaingoarekin (UPAS), ospitaleekin, aterpetxeekin eta abarrekin.

EDUKIERA: 25 toki Iruñean urtebetez erroldatuta/errotuta dauden pertsonentzat, egonaldi ertaineko 15 toki gutxienez 9 hilabetez erroldatuta/errotuta daudenentzat eta 10 toki pertsona ibiltarientzat/hirian errotzerik ez dutenentzat.
«Hotz-boladan», azaroaren 1etik martxoaren 31ra, tokiak 28ra igotzen dira.

FUNTZIONAMENDUA:

PERTSONA IBILTARIENTZAKO PROGRAMA:
Egonaldia gehienez 3 egunekoa izan daiteke urtean, hotz-boladan izan ezik; orduan egonaldia 7 egunera arte luza daiteke tenperaturak 1º-tik beherakoak direnean.
Ostatu-, mantenu-, informazio-, harreraeta sustapen-beharrak estaltzen ditu, eta prestakuntza-jardueretan parte har dezakete.
ERROLDATUTAKO PERTSONENTZAKO PROGRAMA:
Erabiltzaileek gutxienez urtebeteko erroldatze-/errotze-antzinatasuna izan behar dute.
Egonaldia gehienez sei hilabetekoa izan daiteke, udal-zerbitzuen balorazioaren arabera.
Ostatu-, mantenueta egonaldiaren araberako jarduera okupazionalaren beharrak estaltzen ditu, harrera, lagun-egite, orientazio, arreta, zaintza eta sustapeneko baliabideekin batera.
EGONALDI ERTAINEKO PROGRAMA:
Hirian gutxienez 6 hilabetez erroldatuta/errotuta dauden pertsonentzat.
Gehieneko egonaldia: 2 hilabete.
Ostatu-, mantenueta egonaldiaren araberako jarduera okupazionalaren beharrak estaltzen ditu, harrera, lagun-egite, orientazio, arreta, zaintza eta sustapeneko baliabideekin batera.
HOTEL, PENTSIO ETA BESTELAKO BIZITEGI-IRTENBIDEETAKO OSTATU-ZERBITZUAK:
Ardurapean adingabeak dituzten familientzat eta pertsona bakarreko unitateentzat, zaurgarritasun-irizpideengatik eta aterpetxea beteta dagoenean beste bizitegi-irtenbide bat behar dutenentzat.
Zerbitzu honek koordainketa du diru-sarrerak dituzten erabiltzaileentzat.
Gehieneko egonaldia: 3 hilabete.
KUDEATZAILEA: Consulting Asistencial Sociosanitario.