Etxebizitzen hipoteken eta alokairuaren arloko Bitartekaritza eta Aholkularitza Zerbitzua (Nafarroako Gobernua)

NORENTZAT: beren etxebizitzaren hipotekari edo alokairuaren ordainketari aurre egiteko zailtasunak dituzten pertsonak, eta hipoteken eta alokairuen arloan zalantzak dituzten pertsonak, errentariak (alokairuan bizi direnak) zein errentatzaileak (etxebizitzaren jabeak) izan.

XEDEA: bi arreta-mota eskaintzea, pertsona bakoitzak ohiko etxebizitzari dagokionez duen egoeraren arabera.

ZERBITZUAK: bitartekaritza, eta informazioa eta aholkularitza.

BITARTEKARITZA-ZERBITZUA: borondatezko prozesu konfidentzial eta ez-judiziala da; pertsonaren edo familia-unitatearen egoera ekonomikoa eta soziala aztertzen du, ohiko etxebizitzari eusteko irtenbide errealistak bilatuz, atzera bueltarik gabeko egoerak saihestuko dituzten akordioak lortzeko negoziazioak erraztuz, eta hipotekari edo alokairuari aurre ezin egiteagatik etxebizitza galtzea ekar dezaketen arazo ekonomikoak dituzten pertsonen alde bitartekotza eginez.
BETEKIZUNAK:
Arriskuan dagoen etxebizitza ohiko bizilekua izatea.
Etxebizitza Nafarroan egotea.
Aurretik bankuarekin edo etxebizitzaren jabearekin harremanetan jarri izana akordio bat lortzeko, baina lortu ez izana.

INFORMAZIOETA AHOLKULARITZA-ZERBITZUA:
Hipoteken edo alokairuen arloan orientatzea, jabeei zein maizterrei.
Etxebizitzen hipoteken eta alokairuen arloko aholkularitza juridikoa ematea.
Interesdun guztiak orientatzea.
Etxebizitzarekin zerikusia duten eskubideei eta betebeharrei buruzko zalantzak argitzea.

KUDEAKETA: Provivienda.