MALETA PERIODIKOA
Programa sortu berria, Nafarroako Unibertsitateko Natur Zientzietako Museoarekin elkarlanean, Lehen Hezkuntzako 5. eta 6. mailako ikasleendako
Programaren helburua da zientzia, kimika zehazki, Lehen Hezkuntzako ikasleei modu atsegin eta bisualean hurbiltzea, baita metodo zientifikoa esperimentatzea ere. Programan ordubeteko saio bat egiten da. Bi pertsonak 3 edo 4 esperimentu eginen dituzte, irakaslearen interesen edo ikasleen mailaren arabera.
Ikasleek talde txikitan antolaturik eta metodo zientifikoari jarraituta eginen dituzte esperimentuak.
Argibiderik jaso nahi izanez gero, Marta Revueltari (Nafarroako Unibertsitateko Zientzia Museoa) mezu bat idatzi. Telefonoa: 948425600 (806640 luzapena) Helbide elektronikoa: mrevuelta@unav.es.
IBILBIDE MATEMATIKOAK
Iruñean barnako sei ibilbide matematiko jasotzen ditu programak, udal-mugarteko eremu hauek barne hartuta: Alde Zaharra, Iturrama, Donibane-Ermitagaña, Mendillorri, Txantrea, Sanduzelai, Buztintxuri eta Arrotxapea.
Lehen Hezkuntzako 6. mailako eta Bigarren Hezkuntzako 2. mailako ikasleek tokian bertan ebatzi beharreko arazo matematikoak dituzte, kokapen interesgarri jakin batzuei lotuta (lekuak, eraikinak edo eskulturak, hiri-altzarien elementuak...). Problema edo erronka matematikoak egokiak dira matematika irakasgaiaren ikaskuntza-estandar ofizialetarako, adierazitako mailetan. Informazioa edo pistak ematen dira, bai grafikoak, bai testualak, ebazteko.
Zentroek modu autonomoan egiten dituzte, baina, bestela, materialak online daude eskuragarri eta bertsio fisikoa Udaleko Pedagogia Unitatean eskatzen ahal da.
MANYAREN SEKRETUA-KIMIKAKO IHES-JOKO HEZIGARRIA
Bigarren Hezkuntzako zentroei bideratutako ihes-joko hezigarria da, eta DBHko 4. mailako curriculum-helburuak ditu abiapuntu, kimika modu erakargarri, dibertigarri eta atseginean erakusteko, zientziarekiko zaletasuna sustatzeko eta emakumeek zientzian duten garrantzia ikusgai egiteko.
Jokoak Marie Curie-ren bizitza du ildo nagusi: gela sei taldetan banatzen da, eta bertan, ikasleek enigmak ebazten dituzte errealitate areagotuaren eta esperimentazioaren bidez; hala, kimika gamifikazioaren eta talde-lanaren bidez irakasten da.
Ikastetxeen eskabideak Unitate Pedagogikoan jasotzen dira educacionpamplona@pamplona.es helbide elektronikoaren bidez.
Izena emateko, datu hauek adierazi behar dira:
• Ikastetxe eskatzailea
• Maila, talde kopurua eta ikasle kopurua
• Hizkuntza
• Harremanetarako datuak
• Data (baieztatzeke).
- MANYAREN SEKRETUA522.79 KB