Melide

Tierra de Mellideko eskualdekoa, Melide Galiziako erdigune geografikotzat hartzen da, eta bereziki ezaguna da Antzinako bidearen eta Frantziako bidearen arteko lotura delako.

• San Antonio kapera: jauretxe barrokoa, bere kaperarekin, San Antonen Pia obrakoa, 1671n sortua. Kolegiata bezala ere ezaguna da, bere jatorrian irakaskuntza helburu baitzuen, eta XIX. mendean Corverako markesaren jauretxe bezala. 1960az geroztik, Udaletxea da.
• Terra de Melide museoa: memoria historikoa eta kulturala gordetzen duen erakundea, erromesendako ospitale zaharrean kokatua.
• San Roke kapera: 1949an eraiki zen, San Pedro eta San Roke Erdi Aroko eliza eraitsietatik ateratako materialekin. Portada nagusia, Erdi Aroko Galiziako artearen ederrenetakoa, San Pedro eliza zaharretik dator. Barruan, Melideko notario Diego García, Roi Lopes eta honen emaztearen, Ines Eanesen, Erdi Aroko hilobiak daude.
• Melideko gurutzea: askorendako Galiziako gurutzerik zaharrena da, XIV. mendekoa, ziurrenik.
• Sancti Spiritus eliza: XIV. mendean sortutako San Frantziskoren Hirugarren Ordenaren monasterio edo komentu desagertuarena izan zen. Eliza zaharretik alboko kapera txiki bat baino ez da geratzen, ganga eta garaipen-arku zorrotzak dituena. XV. mendean, Sancho Sánchez de Ulloak komentuko eliza berreraiki zuen bere ama Ines de Castroren omenez. Emaitza abside angeluzuzeneko eliza izan zen, gurutze-ganga eta alboko bi hilobi gotiko zituena.
• Melideko Andre Mariaren eliza: monumentu nazional gisa katalogatuta dago, eta arte erromaniko melidearraren harribitxia da. Barruan karga sinboliko handiko kapitel figuratiboak ageri dira, baita errenazimenduko pinturak ere. Bertako aldare erromanikoa gaur egunera arte iraun duten aldare erromaniko galiziar bakanetakoa da.