Logroño

Logroño, Errioxako hiriburua, Ebro ibaiaren eskuinaldeko lautada batean dago, eta Autonomia-erkidegoko biztanleriaren erdia hartzen du.

Erdi Aroan, Gaztela, Nafarroa eta Aragoiko erresumen arteko mugan egoteak garrantzi handiko gune estrategiko bihurtu zuen. Donejakue bidea igarotzearen ondorioz, Logroñok gorakada ekonomikoa eta populazioarena izan zuen.

Gaur egun, plazera da bertako upeltegiak eta gastronomia gozatzea, Laurel kale ospetsuan eta inguruetan pintxoak hartuz.

• La Redonda konkatedrala: XVI. mendekoa da, eta bere dorreak 'bikiak' bezala ezagutzen dira, nahiz eta neurri bera ez izan. Barrualdean, “Gurutziltzaketa” koadroa dago, Michelangelorena dela esaten dena.
• Jauregiko Andre Maria eliza: klaustroa kontserbatzen duen bakarra da, bere linterna –’Orratza’– hiriaren ikurra da. Erretaula nagusia Arnao Bruselakoak egina da
• Santiago Erregearen eliza: XVI. mendekoa, fatxadan eskultura talde handi bat dago, Done Jakue erromesa eta Done Jakue 'harroputza' irudiekin.
• San Bartolome eliza: XIII. mendean eraikia, antzina harresiari atxikita zegoen. Eskultura gotikoaren lagin aparta du portadan.
• Txapitelen jauregia: XVI. mendeko eraikina, Logroñoko Udalaren egoitza izan zen 115 urtez.
• Espartero jauregi-etxea: Espartero jeneralaren antzinako etxea, gaur egun Errioxako Museoa dena.
• Errabellinaren kuboa: zilindro-formako egitura duen XVI. mendeko gotorlekua. Hiriko harresi-sistema zaharraren zati da.
• Udaletxea: Rafael Moneok 70eko hamarkadan proiektatua.
• Grajera parkea: 427 hektareako azalerako ingurune naturala, urtegi batekin eta landare- eta animalia-espezie ugarirekin. Ikasgela bat du