Cacabelos

Cacabeloseko populaketari buruzko daturik zaharrenak Paleolitokoak dira. Bierzo eskualde emankorrean eta Galiziako gelaurrean kokatutako herriak bere antzinako Donejakue bideko tradizio handia kontserbatzen eta berritzen asmatu zuen.

• San Roke baseliza: San Roke baseliza ederrak, barrualdean, San Rokeren irudiaren ondoan XVIII. mendeko zur polikromatuzko bi goi-erliebe ditu, San Gil Casayoko eta San Herberto Sardiniakoa irudikatzen dituztenak. 1599az geroztik, berreraiki egin behar izan da, azken aldiz, 1789an.
• Santa Maria kalea: herriko kalerik nabarmenena da, eta kale horretan gordetzen dira mendeetan zehar milaka erromes igarotzen ikusi zituzten arkitektura eta erlijio-kulturaren adibiderik adierazgarrienak.
• Andre Maria eliza: Andre Maria parrokia-eliza zaharretik, abside erromanikoa bakarrik dago zutik, XVI. mendean ia osorik berreraiki baitzen.
• Plaza Nagusia: Cacabeloseko erdigunean dagoen plaza honetan daude zerbitzu gehienak, eta gertu Mahats-biltzailearen estatua ikus daiteke.
• M.A.R.C.A: XX. mendearen lehen erdialdean. Aztarnategietako piezak gordetzen ditu erakusketa iraunkorreko aretoetan, eta aldi baterako erakusketak ere eskaintzen ditu urtean zehar.
• Zubi Nagusia: harlanduzko sei ganga dituen gaur egungo zubia XVI. eta XVIII. mendeetan egin zen.
• Ardo-dolarea: enologia eta historia maite dutenendako lehen mahatsa zapaltzeko nola moldatzen ziren ikasteko pieza bat.
• Angustias santutegia: gaur egungo eraikina XVIII. mendekoa da, erretaula, irudi eta pintura gehienak bezala. ‘Esnearen Ama Birjinaren’ pintura bat, ‘Jesus Haurra San Antonio Paduakoarekin gutun-trukean’ ageri den erliebea, eta Carracedoko monasteriotik ekarritako organoa dira arte-ikuspegitik interes handiena duten piezetako batzuk.