HEZKUNTZA
UDAL-IKASTETXEAK
|
2018/2019 ikasturteko matrikula |
Udalaren haur-eskolak |
919 |
Joaquín Maya Musika Eskola |
1.101 |
Catalina de Oscáriz Udal Arte eta Lanbide Eskola |
299 |
HAUR-ESKOLETAKO MATRIKULA (2017/2018 IKASTURTEA)
Donibane Haur Eskola.......................................................... 100 niños/as
Goiz Eder Haur Eskola (jornada completa)....................... 77 niños/as
Goiz Eder Haur Eskola (media jornada)............................ 24 niños/as
Hello Egunsenti Haur Eskola (lanaldi osoa)................................. 28 haur
Hello Egunsenti Haur Eskola (lanaldi erdia)................................. 11 haur
Printzearen Harresi Haur Eskola................................................. 101 haur
Buztintxuri Haur Eskola............................................................... 83 haur
Izartegi Haur Eskola.................................................................... 67 haur
José María Huarte Haur Eskola................................................... 36 haur
Mendebaldea Haur Eskola.......................................................... 84 haur
Mendillorri Haur Eskola.............................................................. 101 haur
Hello Azpilagaña Haur Eskola (lanaldi osoa)................................ 83 haur
Hello Azpilagaña Haur Eskola (lanaldi erdia)............................... 41 haur
Haurtzaro Haur Eskola……………………………………………………………... 83 haur
0-3 urte bitarteko 11 udal-eskoletan, 919 haur daude guztira matrikula eginda.
UDALAREN LAN-ILDOAK
IKASLEEK ESKOLA-INGURUNEA EZAGUTZEKO PROHRAMAK
IRUÑA EZAGUTU. Ikasleek gure hiria ezagut dezaten sustatzeko programa, Iruñearen historia eta hiri-bilakaera aztertuz. Ikastetxe publikoetako eta itunduetako Lehen Hezkuntzako 5. mailako ikasleei zuzendua dago
Parte-hartzea: 45 ikastetxetako 2.446 ikaslek parte hartu dute, 93 taldetan banaturik.
Bisita gidatu irekiak: programaren osagarri, beste talde batzuei irekita dauden bisita gidatuak egiten dira. 2018an, 2.470 lagunek parte hartu zuten, 115 taldetan banatuta. Taldeek Alde Zaharreko hiru ibilbide historikoren artean aukeratzen dute: harresietan barnako ibilaldiak, Donejakue Bidea Iruñean, entzierroaren ibilbidea, ibilbide historiko edo hirigintza-ibilbide bat, eta hiriko auzoak ezagutzea.
ARTE-JARDUERAK SUSTATZEKO ETA IRAKURMENA HOBETZEKO PROGRAMAK
ANTZERKI-LANTEGIAK Haurrek dituzten adierazpen- eta antzezpen-baliabideak aberasteko programa. Hartara, teknikak ere irakasten zaizkie, besteekiko komunikazioa eta harremana errazteko, eta, era berean, beste curriculum-arlo batzuekin zerikusia duten ikaskuntza-prozesuak finkatzeko. Programa hau Lehen Hezkuntzako 1. mailako ikasleendako da, dramatizazioa eta jolas dramatikoa landu ditzaten; halaber, Lehen Hezkuntzako 5. mailakoendako ere bada, txotxongiloen bidezko dramatizazioa landu dezaten.
Parte-hartzea: 2017/2018 ikasturteko bigarren eta hirugarren hiruhilekoan (2018ko urtarriletik ekainera, biak barne) 96 taldek parte hartu zuten; 2018/2019ko lehen hiruhilekoan (2018ko irailetik abendura, biak barne), berriz, 28 ikastetxetako 102 taldek. Programa Nafarroako Antzerki Eskolak kudeatzen du, berariaz deitutako lehiaketa publikoaren esleipenduna baita.
IRAKUR DEZAGUN. Irakurtzea bultzatzeko animazio-programa, hiriko ikastetxe publiko eta itunpekoek topaketak egitea idazleekin eta ahozko narrazioei buruzko programak txertatzea, eta, baita aholkuak ematea ikastetxeetako irakasleei ere.
Parte-hartzea: 2018an, 277 jarduera egin ziren. Guztira, 9.153 parte-hartzaile izan ziren, Haur eta Lehen Hezkuntzako 41 ikastetxetakoak, Bigarren Hezkuntzako 26 ikastetxetakoak, Hezkuntza Bereziko 2 ikastetxetakoak eta Helduen Hezkuntzako 2 ikastetxetakoak. Programan hiru jarduera mota garatzen dira: irakasleendako mintegiak, oso egokiak liburuei buruzko aipamen eguneratuak emateko (78 orientazio-bilera egin ziren); ahozko narrazio-saioak, hau da, munduko hainbat herrialdetako herri-ipuinak kontatzen dira (123 narrazio), eta topaketak egiten dira haur-literaturako idazleekin, eta, horren barruan, egile horien kontakizunak irakurtzen dira ikastetxera bisitan joan aurretik (80 topaketa).
LECXIT. Hezkuntza-arrakastarako irakurketa-programa. Lehen Hezkuntzako ikasleen irakurmena hobetzeko programa bat da. Astean ordubetez irakurtzen dute boluntarioek programan izena eman duten ikastetxeek hautatutako ikasleekin. Hartara, Lehen Hezkuntzako 4. eta 6. mailetako ikasleek elkarrizketa- eta irakurketa-aldiak partekatzen dituzte boluntarioekin (pertsona helduak), eta horrek ikasitakoa errotzen eta irakurmena hobetzen laguntzen die.
Parte-hartzea: Programa gauzatu den bigarren urtea izan da 2018/2019 ikasturtea, eta zortzi zentro izatetik hamahiru zentro izatera igaro da. 51 boluntariok hartu dute parte, aurreko ikasturtean baino 18 gehiagok.
“EN MUDANZA-IBILTARI”
Programa honek arte garaikidea Iruñeko ikastetxeetara darama, hau da, ikasleen bizi- eta ikas-lekura, beraiendako pentsatutako arte- eta hezkuntza-proposamen baten bidez.
Hori horrela,
- Ikasleei arte garaikidera modu sentsorial eta intelektual batetik zuzenean hurbiltzeko aukera eskaintzen zaie.
- Ikasleen adierazpen-, dialektika- eta sormen-gaitasunak estimulatzen dira.
- Diziplina anitzeko ikuspegi batetik (arte plastikoak, hizkuntza, zientziak, etab.) landu daitezkeen edukiak proposatzen dizkie irakasleei.
2018/2019 ikasturtean bi erakusketa ibiltari hauek egin dira:
- «Altxa, ez da ezer gertatzen!». Lehen Hezkuntzako, Bigarren Hezkuntzako eta Batxilergoko 13 ikastetxetako ikasleek ikusi dute.
- «Lecturas naturales- Irakurketa naturalak». Hiriko 12 ikastetxetan instalatu da.
Programa horrek 13.416 euroko gastua du, 25 ikastetxe horietako ikasle eta irakasleekin egindako lantegiak direla eta.
RADIO PATIO IRRATIA
Programa honen bitartez, irratiak eskaintzen dituen adierazpen- eta dibulgazio-aukerak aprobetxatu nahi dira ikuspuntu didaktiko batetik. Jardueraren erdigunea ikastetxeko patioan paratutako etxola bat da, irrati-estudio bilakatua. Ikastetxearen eskura dago, komunitateari eta auzoari irekitako irrati gisa erabiltzeko.
2018/2019 ikasturtean, irrati-etxola García Galdeano IPn egon da (Orbina) jarrita ikasturte osoan. Bertan, ikastetxeko irakasleei laguntzeko lana egin du, ikasleen hizkuntza-trebetasunak lantzeko, eta irrati komunitarioko jarduerak egin ditu auzoan.
Programa honen bidez ikastetxeei lagundu nahi zaie alderdi hauek lantzen:
- ahozko hizkuntza, komunikazioa, gidoi-idazketa, etab.
- komunitateko eragile ezberdinen arteko loturak ezartzea, soinuaren munduarekin zerikusia duten proposamenetatik abiatuta, auzoaren eta eskolaren arteko bi norabidetako elkar-elikatze eraginkorra eraginez.
- gaitasun artistikoa eta ezberdinarekiko begirunea, auzoaren soinuak eta ahotsak arakatuz.
Irratiaren kudeaketa errazteko 2018an egindako gastua 12.100 eurokoa izan da, ikasleei eta irakasleei irratia nola erabili erakusten dien eta jarduera dinamizatzen duen pertsonaren laguntza teknikoa ordaintzeko.
ZINEMA IRAUNGIKORREKO LANTEGIA
Zinema iraungikorreko lantegi honek, Oskar Alegria zinemagileak pentsatua eta emana, xede du hiriko auzo jakin bateko 14 eta 18 urte bitarteko gazteei kutsatzea bat-bateko zinema ludikoarekiko grina, bizileku dituzten kaleetan bertan egin filmak nola egin erakutsiz, zeinak auzoan ustekabean topatutako pantailetan proiektatzen baitira: horma zuri batean, esekitako izara batean, zaldi baten bizkarrean, hutsik dagoen publizitate-hesi batean, kamioi baten olanan.
Lantegiak aukera ematen du zinemak barne hartzen dituen fase guztietatik igarotzeko: produkzioa, lokalizazioa, edizioa... eta azkenik, proiekzioa, kaleko pantaila horietan, non ikusleei erakutsiko baitzaizkie egindako lanen ondorioak. Zinema iraungikorreko gau bat beste zinema-toki batzuen xerka, non aldi berean jaio eta desagertu egiten diren filmak proiektatu daitezkeen.
2017/2018 ikasturteko edizioan (2017ko abendua), Txantrea auzoan gauzatu zen programa, Hijas de Jesús ikastetxeko eta Ochoa de Olza DBHIko ikasleen parte-hartzearekin. 2018/2019 ikasturteko edizioan (2018ko abendua), berriz, Arrotxapea eta Sanduzelai auzoetan egin zen, Biurdana BHIko ikasleen parte-hartzearekin, eta beren filmak Arrotxapean proiektatu zituzten; Julio Caro Baroja BHIko ikasleek, ordea, Sanduzelaiko kokaleku desberdinetan egin zituzten proiekzioak.
2018ko gastua 7.500 eurokoa izan da, parte hartu duten ikastetxeetako ikasleekin eta irakasleekin egindako prestakuntza-, filmazio- eta edizio-saioengatik.
LEHIAKETAK
XXVIII. Literatur Lehiaketa, Lehen Hezkuntzako eta DBHko lehen eta bigarren mailako ikasleendako. Ipuina, Lehen Hezkuntzako 1. mailatik DBHko bigarren mailara bitarteko ikasleendako, lau kategoriatan banaturik, ikasmailen arabera; eta, Komikia, Lehen Hezkuntzako 5. mailatik DBHko bigarren mailara bitarteko ikasleendako, bi kategoriatan banaturik adinen arabera. Guztira, 615 lan aurkeztu ziren 2018an.
IKASKUNTZA ETA ZERBITZUKO PROIEKTU DIDAKTIKOEN SARIETARAKO DEIALDIA:
Iruñeko ikastetxe publikoetan eta itunpekoetan ikaskuntza eta zerbitzuko hezkuntza-proiektuak egin eta ezar daitezen sustatzeko, eta hiri osoan ikastetxeen konpromiso solidario eta zibikoa ikusarazteko, Iruñeko unibertsitatez kanpoko irakaskuntza publiko eta itunduko ikastetxeei zuzendutako ikaskuntza-zerbitzuko proiektuetarako lehiaketaren bigarren deialdia egin zuen Kultura eta Hezkuntza Alorrak.
Hezkuntza-etapa guztietan curriculum-eskakizun berak ez daudenez, eta proiektuak curriculuma ikastea eta elkartasunezko zerbitzua lotu behar dituela kontuan harturik, parte hartzeko kategoria hauek ezarri ziren euskaraz edo gaztelaniaz egin eta ezarritako proiektuetarako, ikastetxearen hizkuntza-ereduaren arabera:
1. KATEGORIA: Haur eta Lehen Hezkuntzako ikastetxeetako proiektuak
2. KATEGORIA: DBH eta Batxilergoko ikastetxeetako proiektuak
3. KATEGORIA: Lanbide Heziketako ikastetxeetako proiektuak
Lehiaketako kategoria bakoitzerako, honako sari hauek ezarri dira, proiektua hirian inplementatzea ahalbidetzeko:
Lehen saria: 1.500 €
Bigarren saria: 1.000 €
Lehiaketara 7 proiektu aurkeztu ziren, eta 2018/2019 ikasturteko bigarren hiruhilekoan garatu dira (2019ko urtarriletik martxora).
DIRULAGUNTZEN DEIALDIAK
Eskola-liburutegiak eta ikasmaterial suntsikorraren gastuak. Hiriko Lehen Hezkuntzako ikastetxe publikoetarako laguntzen urteko deialdia, liburutegien funtsa handitzeko eta ikastetxeek egoera ekonomiko txarrean dauden ikasleei familiek eman ezin dieten materiala eman ahal izateko. Ikastetxe publikoetan guztira 9.091 ikasle egon ziren matrikulatuta 2017/2018 ikasturtean, eta Iribarren Helduen Oinarrizko Hezkuntzarako Ikastetxeko 930 lagun; banaturiko dirulaguntzen zenbatekoa 110.330 eurokoa izan zen guztira: 38.175 euro, eskola-liburutegietarako, eta 72.155 euro, ikasmaterialerako.
Lehen Hezkuntzako ikastetxe publiko eta itunduetako eskolaz kanpoko jarduera eta jarduera osagarrietarako dirulaguntzak, eskola-eskaintzaren kalitatea hobetzen laguntze aldera. 2018an, eskolaz kanpoko jarduerengatik, 175.760 euro eman ziren dirulaguntzetan, guztira; zehazki, Haur Hezkuntzako eta Lehen Hezkuntzako 19.000 ikasle dituzten Iruñeko 44 ikastetxeren artean banatu ziren.
Gurasoen elkarteetarako dirulaguntzak, gurasoek Haur eta Lehen Hezkuntzan antolatutako programa eta jarduerak gara daitezen errazteko. 2017/2018 ikasturteko deialdira 32 elkarte aurkeztu ziren, eta 78.625 euro eman zitzaizkien, guztira.