Udal-plantilla

Udal-hauteskundeek baldintzatu zuten Udalaren jarduera 2015ean, eta bozek eraginda, gobernua aldatu egin zen. Horrek, aldi berean, udal-plantillaren aldaketa eragin zuen. Udal-plantilla 2011n onetsia zen azken aldiz.   Talde berriak udala bestela kudeatzeko oinarriak ezarri, eta langileria-egitura berria diseinatu zuen, egungo beharrei eraginkortasunez eta efizientziaz erantzuteko.  Horren haritik, 2015ean lanpostu batzuk amortizatu eta berriak sortu zituen.

Plantillaren bilakaera

Hautapen-prozesuak

2015ean, hainbat hautapen-prozesu egin ziren bere osoan Musika Eskolako irakasle izateko; oboekoa, baxu elektrikokoa, bateriakoa, gitarra elektrikokoa, bai eta hizkuntza musikalekoa ere.  2015ean, ordea, administrari laguntzaileen hautapen-prozesuak bildu zituen izangairik gehien:  2.791 lagun aurkeztu, eta haietatik, 2.725 onartu ziren. Azterketa 1.490 lagunek egin, eta 1.056k gainditu zuten.

Halaber, ehorzle laguntzailearen eta instalazio anizkoitzen funtzionamendurako laguntzailearen hautapen-prozesuak bukatu ziren, eta beste bi deialdi ere hasi ziren:   Artxiboko erdi mailako teknikariarena eta Gizarte Enplegu Babestuko ibai- eta mintegi-lanetarako 1. mailako ofizialarena.

Negoziaketa kolektiboa

2015ean sindikatuekiko elkarrizketei berrekin zitzaien, Iruñeko Udaleko funtzionarioen eta lan-kontratudunen enplegu-baldintzen gaineko akordio berria 2016an lortze aldera. Lehen akordioa Udaleko aldi baterako kontratazio-zerrendak kudeatzeko prozedurari buruzkoa izan zen.